شوفي بالومك بشي ..
فترة الملكة صح حلوة بس ماتقضيها كل حب و حنان ..
حاولي تطلعي منها صفاته .. واشياء زي كدا ..
تصطنعي مواقف يبين منها هل هو بخيل مثلا ... غيرته .. هل يتاثر بكلام اهله (يعني يسمع كلامهم بكل شي حتى لو غلط ؟؟)
علاقته باخواته .. علاقة عادية و لا تحسيهم متاثر بهم مرة و يبيك شبههم مثلا ..
تعرفي منه ايش مفروض عليك بعدين تجاه اهله

ممكن من الان تعرفي اذا حبه كلام و لا فعل
كان مثلا تساعديه على انه يبطل الدخان
وتقولي له لو تحبني تضل يومين بلا سيجارة
وتشوفي وكل فترة تزيدي المدة ..

او موضوع اصحابه دا.. حاولي تاثري عليه من الان
يخفف سهر ..
مثلا تتفقي معاه انك تكلميه الساعة 11
بحيث يضطر يروح بدري عشان يكلمك او ماعاد تكلميه بقية اليوم
ترسمي خطوط عريضة لحياتكم المستقبلية

الشيء الثاني
موضوع شخصيته .. بينعرف وقت ما سالتو عنه وقت ماتقدم
لما تساله بشغله و بين اهله و كدا

بس بشكل عام على ماقلتي انه بشغله معتمدين عليه و انه تغرب و اشتغل و عمل
فا معناه انه ماشاء الله تمام ..
بس هي حكاية عاطفة زيادة
ويمكن لانه وحيد امه فاتربي على العاطفة بزيادة


عيالي يسلمو عليك
سمسم صارت سنة و كم شهر شيبتني ..
اليوم مسكتها تتسلق الفرن الله يحميها بس
يوسف اربع و شوي و اخته اشتغلته مسكين

سلمي عليها كثير ربي يقومها بلسلامة ياارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

يا اختي يانورة
انتي شايفة ارجال هاليومين وخصوصاً بوقت الملكة عساة مايلقى الزلة على زوجتة إلا طلقها!! والطلاق صار لعبة الحين
طيب انا وش استفيد منة اليا طلقها وكان مقبلها وحاضنها ولامسها حتى لو ماوصل معاها إلى حد المعاشرة ؟؟؟

الحرص في هالامور والله يا اختي نورة ضروري ، لأن مانكرة لبناتنا الخير ، ونبيهن يروحن لرجالهن درر ولآلئ

وأنا لما قلت العقد لايعني بالضرورة إتمام الزواج ، مو قصدي أقول انه ماتم الزواج!! لا .. أنا أقصد أن ممكن يصير طلاق قبل الدخول ، ومن ثم الزواج ليس عقد فقط !! الزواج مهر وإشهار كذلك ، وإذا نقص اي شرط منهم فهو باطل.

ف تخيلي يجي رجال مو مسلم المهر ويزور ويقبل ويحضن!! هل هذا يجوز له ؟؟ طبعاً لا.

وانا أقول للرجال اللي كذا هم عديمين رجولة لأنه بالتأكيد مابيرضاها لأختة وهذا من ضعف غيرتة على محارم المسلمين.

يانورة ماعاد فيه ارجال مثل قبل!! وهذا والله اللي انا اخاف منة فلا تلوميني ياخوك والله من حر ما بقلبي.


أختي الجنة غايتي
اسألج بالله ماتزعلين مني لأني حسيتك زعلتي ، والله ماقلتها لك إلا أني أبيلك الخير مثل ما أبية لخواتي.

وأستغفر الله وأتوب إلية إذا أخطيت.

__________________
استغفر الله واتوب إليه

اخوي المتفائل
الكل يعرف ان الطلاق ممكن يصير سواء قبل الدخول او بعده
لكن الزوجة تحل لزوجها بكل شئ طالما تم العقد الشرعي وتعتبر زوجته شرعا ويتم تثبيت الزواج في المحكمة


المأذون لايكتب العقد الا بوجود المهر ويتأكد من استلامه من قبل ولي الزوجه ثم يبدأ بكتابة العقد

لذلك يحق للزوج زيارة زوجته متى شاء بموافقتها ويحق له الاختلاء بها

لا ياخوي عندنا مثلاً نكتب العقد وبعدها بفترة نسلم المهر

حتى المأذون يسأل كم المهر نقولة كذا ؟؟ يقول استلموة وإلا لا ؟؟ إذا قلنا لا يكتب بالعقد ان المهر غير مقبوض!!

انا كتبت العقد وقبل عرسي بستة شهور سلمت المهر.

وإذا المهر ماتسلم ف العقد يكون باطل.

__________________
استغفر الله واتوب إليه

المتفائل بالله كل مناقشتك صح وصح وصح لسانك والله يحميك لكل عين ترجيك من اول رد رديته هنا وربي البيت دعيت لك ...
وخرجت من المنتدى ورجعت الان ولقيت البعض معارضك اقول لهم اذا نحن ماسيرنا حياتنا ع الاحكام الشرعيه فلن نجد التوفيق حتى لو لبسنا وكشخنا وطبقنا جميع النصائح البشر والعادات والتقاليد
البنت او الولد يطبق اللي بالقران والسنه ليس امي قالت او صديقتي وهناك من الامهات لا تستحق هالكلمه لانها استهانت كثير بالتربيه
والله يهدي امك حيال رضت بالمونه والتعامل مع ابن عمك اصلا اصلا اصلا لو تزوري المواقع المؤثوقه بن باز وبن عثيمين وغيرهم ليس طلاب العلم ستجدين ان البنت حيال بلوغها ليس بعمرها بل باتيان العذر الشرعي تعرف المحضورات وغيره


لدي ولدي حديث كثير ومعارضه ع فكركم اللي جالس يصير انا ماراح اجاملك ف مسائل الدين حتى نرضي خلقه
لان كل رد هنا دون علم فوق الاهواء فهنا سقطت عين ع ردود تتبع الهوى ف اخذها لااحكام الشرعيه
الله يهديهم جميعا

اخوي المتفائل رجيتك واول مره ارجي رجال غريب عني لاتبرر لااحد اسباب ردك وتخاف احد يزعل
يزعلون ع حق افضل من رد سيقراء زوار واعضاء وسيتبعون ردك وتحدث عليك الملامه
اخوي استمر الله يوفقك ع هالنهج الصحيح الغائب عن كثير الان وكل كلمه ذكرتها ف الثلاث الردود هنا اؤيييدك وبقوه وربي البيت لو تسهب ف الحديث سوافقك لان الامور واضحه
واي فتاه اذا لم تعطلع اطلاع واسع ع كيف التعامل مع الخاطب قبل وبعد الزواج من منظور ديني مالقينا هالمشاكل بهالمنتدى
اغلب المشاكل هنا تفقد ع ثقافه وعلم لابد من الزوجين ان يطلعوا عليه ليس صديق قال وخبرات سابقه وليس كل متزوج خاض التجربه لديه ادراك واسع بحل مشكلتك
وان كان امك وابوك ساروا ع ثقافه معينه وقت السابق اللي فيه الاب والام مايطولون ف السهر اذا وصلوا الساعه 9 مساء يعتبرون سهرانين الى الفجر
وهناك اساليب تستخدم منهم لو طبقت الان بكل حذافيرها لن ولن تعطي نفس النتائج
لولا اختلاف الذواق لبارت السلع
ومن زمان وانا اتعمد ادخل ع ردودك بصفه زائر ...
الله يحميك لعيالك ويخليك لهم ولا يريك فيهم مكروه واعذرني ع الرد السريع والمتلخبط لكن ابدعت ابدعت
انا فتاه حتى لا يفهم البعض تاييد لااجل امر اخر بنفسي
عزيزتي السائله لاتاخذي الامور امور شخصيه ف حيال طلبك لااستشاره من ياييدك ليس دوما هو الصحيح ومن لديه معرفه فيك ليس دائما
كلنا تحكمنا عادات وتقاليد وانا رغم اننا من الجيل القديم وكانوا بنات عمي يفتشون ويجلسون ويسولفون مع اخواني وكنت اعارض هالشي وهم اعمارهم ف الثانوي والجامعه وانا محدثك تغطيت عن اخوهم الوحيد وانا ف ابتدائي عندما بلغت ويعذرني جميع قراء ع الجراءه لكن حتى اثبت لك ومحدثتك اهلي معطيني حريه واستقلال من الصغر وكذالك حاليا لكن لما افكر ان هناك حساب وعقاب وقبر وامي وابوي الله يرحمه بتحاسبون ع تربيتهم اتركها ولست مقتنه بهالشي
لا تتركي ولد عمك حتى موضوع الغيره بل لااجل ربك
لدي طلب تثقفي كثير كثير بكتب دينيه اشعر والله اعلم تفقدين الكثير والله يهديك لااهلك ولايوريك مكروه
لان من الصعب ان تجبر الاخرين وتقنعهم براء يخالف الهوى ولو نجيب لك فتوى من هنا وهنا عن الحدود والاحكام الشرعيه ستبحثين عن حكم اختلفوا فيه العلماء كدعم لراء تغلب عليه الهوى اكثر من الدين
اللي استغربه الكل ارجح لانه غيور طيب لماذا مافيه احد استنكر فعلتها اصلا تعامله مثل الاخو هذي وين تصرف !!!!
يعني هل تكشف له الوجه وتسلم عليه بالمصافحه وتعمل معه مثل المحارم
وربي البيت استنكر التاييد والطبطبه الواحد يخاف ربه ف ردوده ولا ينسى ومايلفظ من قول الا لديه رقيب عتيد
ياكثر ماكانت لي اراء ارغب بطرحها لكن لعلمي المسبق ان من امامي لايرغب الا برد تاييد وهذا يوضح من مناقشتك افضل عدم الرد رغم المعارضه له ....لكن هنا فضلت الرد لكون احدهم شنوا عليه ردود وفق بيئه وعادات ليس الدين ولاانسى ترى انا بالعشرينات يعني العادات والتقاليد تحت جزمتي اكرمكم الله واللي مايجوز له لا يجلس معي ولااوفق الناس بلا ذكريات بلا غيره في تجاوزات
المعروف ان البنت حيال احد الرجال يلمس يدها بالغلط او يشوف وجهاا يجيها احاسيس داخليه غريبه وتبدء تفكر
اذا المره الاول مع الخطيب المتملك سلمتي عليه والمره اللي بعدها حضنك ودموع يستخدمها البنت كحيله حتى تطبطبي عليه ويتسلى عليك وتيمي فيه وف لحضات تكون الهرمونات عند البنت بحد معين ويكون معدل الشهوه عالي وتتلرتكب حماقه وان قالت محترم !!!القلب بين اصابع الله
الله لايهنه اذا صرتي بيته وانت زايره اهلك حزتها خذي راحك لو ان اهلك ينظرون لاامر عادي ومافيه مشكله كان مافكروا يجلسون معكم لعده ايام
واصلا من الخطا الزياره الاسبوعيه
مهما وصل الحب لحد عالي لا نكذب ع انفسنا اي حب ودلع وانتي ماعشتي معه يعني يجيك وهو مكيف ع الاخر بتعيشن في بيتهم وحزتها بيظهر مصداقيه هالدموع وغيره !!!!
عزيزتي انا اعرف لك وحده ملكه جمال وابوهها اشهر قاضي في محكمه التميز بمنطقه الرياض البديات مثل ماذكرتي ومع التكرار طلب منها تعدل جنزه ومن بعدها طلب وطلب ولحظه غفله مارس العلاقه الخاصه عن بعد ومن بعدها تخيلي انقطعت العذر الشرعي فجاه ومن بعدها بلغت اختها وبلغته تخيلي 3 شهور وهي وهو واختها ماينامون اليل الله اراد لهم هالتوقضه وسبحان الله جاتها لكن مايسوى عليك تنكيد لمده 3 شهور تم زوجها ماطولت معه شهر وطلقها
هل اسم ابوها شفع لها!!!!
هل جمالها ودلعها نفع!!!
وهل وهل وهل!!!اين الذكريات الان!!!!!!!!
ياغناتي انا و المتفائل بالله ف ردودنا نريد لك مانريد لاخواتنا وبناتنا وغيره واخوك وهو اخوك ان كان عندكم كبير خذي راييه عن وحده من صديقاتك وسوفي رده وربي البيت بيستنكر ان كان معدل الوازع الديني عالي عنده
الله يعينك ويحميك ويتمم امورك ع خير...

الله يجزاكم خير جميعا
انا بحاول اخليه يخفف زيارة وحكون اكتر حزم معاه



نوره
انتي قلتيلي اصطنعي مواقف عشان تعرفي شخصيته
من امس افكر كيف احاول اصطنع بعض الامور
كمعرفة هل هو بخيل او لا رحت طلبت منه سينيبون انو نفسي فيه
راح جاب لي وكميه كبيره جيت اقوله مره كتير يقول عيب انتي تاكلي واخوانك يطالعوك

قوليلي مواقف تانيه اكتر عشان اعرف
بصراحه انا نفسي نتكلم عن الامور الماديه ووضع ميزانيه ومصروف يكون خاص فيني
لكن احسه ابدا مايتكلم معايا بدي الامور وانا بصراحه مره شايله هم لانو راتبه يعتبر قليل
احس اي شي فيه مصاريف مايكلمني فيه
بس دايما بكلامه يبين لي انو لسا مبتدا وهو اللي بيزوج نفسه ودايما يقولي اصبري معايا لو قصرت
بالذات انو الحمدالله حالتنا الماديه احنا افضل منه
وكمان احس شايل هم تكاليف الزواج انا سويت ملكه جدا كبيره واحسو يبغي يسوي شي مقارب لها
انا والله مابغى اكلف عليه كتير
عندي اني اسافر شهر عسل واسوي زواج بسيط احسن
بس ماما تقولي ياويلك لو قلتي زواج بسيط يسوي شي وسط
وانا مو متجرئه اقوله ابغى بسيط واسافر

أختي الكريمة ,,
ماشاء الله موقفه يدل على الكرم و الذوق
بالنسبة للعرس
رأيك بزواج بسيط و سفر حلو,,بما أن هذا ما تتقبله نفسك
و بما أنه عاطفي معك ,وحنون , تحدثي معه عن هالأقتراح
و بكثير من الحنان ,,ليقوم بالأمر و ترتيباته بشكل غير مكلف
....
مدام هو راتبه بسيط,,,راعييه من هالناحية قد ما تقدرين
,,,,
هل هو فقد والدته؟

__________________

الله يسلمك يارب
حشوف حكلمه عن السفر ان شاءالله

لا والدته الحمدالله على قيد الحياه
وعلى فكره مو وحيد اخواته بعدو 3اولاد