السلام عليكم .. مشكلتي عرضتها بكل النت والى الان مالقيت لها حل هههههه ,, قلت اجرب حظي هنا انا بنت عمري 19 سنه تركت دراستي قبل 7 سنوات الي قدي صارو بالجامعه طبعا تركتها وانا بصف ثاني متوسط بالترم الاول كرهتها وجتني حالة نفور منها والى يومكم هذا مارجعت كل سنه وانا برجع واخواني يتريقو ويقولو لأمي بتعبين نفسك بتفشلك وماراح ترجع .. الحين سالفة الدراسه صارت كابوس بالنسبه لي أنــقهر بالي اسمعهم يدرسو بسني والي انخطبت والي تزوجت حــآلهم أفضل من حــآلي بكثير أبكي ليل ونهار نــادمه ليتني ماتركتها لكن الي صار صــآر .. حتى اذا خطبني احد ودرى إني تركت الدرآسسه يهــرب ومآعآد نشوف الا غبارهم وفوق هذا ماتركوني الناس بحالي شوي يقولون معقده شوي مريضه نفسياً شوي فيهآ سحر .. حالتي كان سيئه قبل 3 سنوات ولعب ابليس علي ودخلت الشـآت تعرفت على واحد من نفس المنطقه حبيته وحبني بجنون راح اعطيكم نبذه عنه .. هو شاب عمره 28 سنه موظف معيد بالجآمعه عنده دبلوم لغه يابانيه ودبلوم لغآت ثانيه مثقـفه جداً نآجح بحيآته يحب العلم وكل مآسمع بدوره سجل فيها ماشاء الله عليه وبعد كم شهر بيطلع اليابان يكمل دراسته العليـآ . الله يوفقه .. وانا عكسه تماما بكل شيء لاشهاده ولا شكل لمآ تعرفت عليه حسيته غير عن كل الشباب .. تكلمنا بالمسن وبعد سنه طلب رقمي طبعا انا بحياتي ماعطيت رجال رقمي لكن هذا عطيته على طول والي بيننا بس رسائل ولاعمره شاف صورتي ولاسمع صوتي .. المشكله الكبيره الي مسببتلي حاله نفسيه وكئـآبه .. إني كذبت عليه بحياتي .. قلت له انا ممرضه وعمري 26 ومسويه نفسي قدامه مثـقـفه ومتعلمه وانا من جنبها في بداية التعارف قالي راح اعترف لك اعتراف انا كنت احب وحده بجنووون وهي تحبني ونطلع البحر سوآ وتهديلي هدايه ومن هالحكي وهي حلوه وتجنن حتى بدون مكيـآج ومره ثانيه وهو يدرس برا قالي في وحده داومت معي ع السيييكل!! ومره صور وحده معاه بالدوام وقالي إنها تمسك إيده وتقوله إنك حلو< وأعتذر على الكلآم هذآ بس حتى تكونو بالصوره .. هذا الكلام قديم مره قبل 3 سنوات اول ماتعرفنا لكن بعد ماحبني ماجاب لي سيرة البنات واصلا بعدها رجع السعوديه وعلى طوول مشغول بدوامه وبالدورآت حــقته .. المهم إنه قالي يبي عنوان بيتنا ومن غبائي عطيته عنواان بيت ناس اعرفهم وقلت له هذا بيتا وهو مصصدق أنه هو ويروح يوقف عند البيت .. آلحين ياجمآعه انا والله العظيم يومياَ ابكي من حالتي ومن حيآتي أنا انسانه بسيطه وتعليمي عادي بس انا وصفت له نفسي إني ملكة جمال وإني متعلمه واشياء كثير واذا ارسلي وتأخرت اقوله عندي مرضى .. يعني عايشه الجو صح .. حتى اسمي قلته غلط كلللللللللللللل شيئ .. وهو صآدق معي بكل شي الحين ذبحني بفكرة الزواج وإنه يبي يتقدم لي وش اسوي يا اخواان والله تعباانه حييييييييل 3 سنوات مو شويه احبه بقوه اذا تركته ساعه اكتئب واكره نفسي وهو يبيني بالحلال ماني قادره اعترف له بكذبي حاولت كذا مره ماقدرت احس لو قلت له بيضحك علي ويقول هذي وحده غبيه ومراهقه ولعبت علي وبيتخلى عني لكن يعلم الله إني احببببببببه ومابي اخسره وودي والله ودي اتزوجه لكن احسها صعبه ومستحيله لكن اتذكر ان مافي شي يصعب على رب العالمين وهو قادر يجمعنا بالحلال ولمن اتذكر كذبي عليه اتحطططم تعبت من تأنيب الضمير وفوق هذا دببببه وجسمي مو حلوو تكفون ساعدوني انا تعبـآنه ومدري وش اسوووي احترت وربي ادري موضوع ملخببببببببط بقوه بس يالله معليه اعذروني اكتب لكم وماسكه على ضرسي يعورني