مااعتقد بأني سأثق فيه ثقه مطلقه ,,,
لأنه لو فعلها وأنا أثق فيه ثقه عمياء ,,,
سوف تتحطم ثقتي بنفسي , وأعيش في حزن , ويئس ,,,
لذا ثقتي بالله وحده

__________________

الضامن هو الله

وش يضمني يمكن يبي بالحلال ويتزوج علي ؟؟ مايفكر بالحرام ولا المقاطع يبي بالحلال

طيب لو هو يخاف الله ويبي يتزوج ثانيه ماراح للحرام ولا فكر فيه وش الحل ؟؟ شلون اضمن

موضوعك جميل
عن نفسي جوال زوجي قديم ومايفتح النت فيه مرتاحه نوعا ما
ضمنته من ناحية حفظ عينه
بس طليقته السابقة ترسله وهو يعلمني وقمت افتش اخاف ترسل واتوتر لامسك جواله
الله يبعد عنا الشيطان شكرا لك اختي

اممم
ولو شاف مقاطع ايش راح يتغير؟

مو من اختصاصي اتوقع يعني، بينه وبين ربه ونفسه..
ولو شفت في جواله وأنا شفت صراحة في زواجي الأول وعادي والله
بصراحة ماتغيرت نظرتي تجاهه، ولا استحقرته ولا احترمته ولا زاد شئ ولا نقص شئ ..

حرية شخصيه، مو معقول اربط عين الرجال وارادته وسمعه وبصره ..
هذه أشياء ملكه لوحده، والله يهديه ويكفيه بالحلال عن الحرام .

بصراحة أنا ما أفتش جوال زوجي لكني أحيانا يجيني فضول أفتح رسائله ويكون هو جالس معي وهو أيضا يفتح تلفوني عادي ما أتكلم بس الحمدلله زوجي ماينزل عنده هذه الأشياء يعني مايحفظها وهذا ظني فيه لكن أتوقع إن مر عليه مقطع ممكن يشوفه وممكن لأ
لأن الشيطان ممكن يوسوس له بالذات إذا كان جالس لوحده
لأن الرسول عليه الصلاة والسلام قال ( من أراد منكم بحبوحة الجنة فليلزم جماعة المسلمين فإن الشيطان مع الواحد وهو من الاثنين أبعد ) رواه الترمذي
يعني زوجي مايحب هذه الأشياء لكن ممكن يجيه فضول يشوفها إذا وسوس له الشيطان وطاوعته نفسه
أما يالنسبة لي ما أسوي مشكله ولا شي لكني أذكره بالله وأنامرة قلتله إن أنا ماني مراقبتك انا تاركه ربي رقيبك
شكرا على الموضوع

__________________
لا تكن من الشامتين فتصبح من المبتلين
قال الحسن البصري أدركت أقواما لم تكن لهم عيوب فتكلموا في عيوب الناس فأحدث الله لهم عيوب وأدركت أقواما كانت لهم عيوب فسكتوا عن عيوب الناس فستر الله عيوبهم

**** عطيني راسك ياشيخه *** الله يريح بالك طرحك راق لي كثيرا وطمني
الحمد لله مو بس أنا يقلقني هالشي واجابات البنات تبيض الوجه وتسر وتوجه
الله يكثر بالنساء أمثال اللي يهمها (خوف زوجها من الله قبل خوفه منها)
وتزرع فيه مراقبة الله وتنتبه له وتعرف ان الرجل تجذبه شهوته فتغريه
وتحاول أن تشبعه _خصوصا_ اذا كان ليس من طبعه أن يشاهد أو يرى
شيئا _ فيه حرمه ... أما الخائن فالتصرف معه يختلف...
الحلوه اللي اذا زعلت ع زوجها زعلها كبر المملكه اللي يخليه لك ولايشوف
غيرك بالدنيا ويكفينا شر الفتن ماظهر منها ومابطن
أنا ماأنبش لكن هو أحيانا يجيب الجوال يقرا أو يوريني صوره وفجأه
تطيح عيني على شي يضايقني ويقلب المود عندي فجأه وهو مفهي متفاجئ
لكني بوقتها أكثر الأحيان أقولها لكن بذكاء ودلع أحضنه بقوه وتدمع عيني
وأقول له بصراحه ترى غرت وخوفتني وانت حبيبي وماأبغى تهتز ثقتي
فيك وكلنا معرضين للفتنه وعلينا نتذاكر ومثل ماطلب الله من الرجل غض البصر
كذلك المرأة بالعكس المرأة الخوف عليها أكثر_وأنا عارفه نقطة ضعفه غيور علي بقوه
ينتفض ويعترف انه خطأ ويجلس يبرر لي انه الصوره جته بدون مايختار والقروب
فيه وفيه هههههه المهم اريح قلبي
وأحيانا أبلعها والشكوى الله
الله يحفظ بيوتنا من الفتن ماظهر منها ومابطن

غاليتي شيهانة ان شاء الله تكونين بخير يارب
حسب كل شخص فلكل انسان ثقافته وشخصيته ورؤيته البعيدة للامور..
الضمان باعتقادي هو التمسك بحبل الله المتين
فمتى كان الانسان رجلا او امراة عنده خوف من الله من المؤكد
ان هذا سيعصمه من الانجراف في تيار افات العولمة الكاسحة ومن الوقوع في مزالق الملذات.

__________________

والله الاسئله صعبه جداً يا شوشو ...
يمكن خانك التعبير في كلمة ضمان .. لأنه حتى قلوبنا بين اضلعنا لا نضمنها لك ..
ولا نملك هداها .. فالله هو الهادي لسواء السبيل ..

ولكن ؛؛ اقدر اقول انه من خلال العشره الحسنه والود يمكن يخلق توافق وارتياح وطمأنينه
وشعور بالامان .. مع الجزم ان التغيير وارد والقلوب تتقلب ..

__________________

الله عشان يحبني ما بيناظر .....
طلعتيني جو جميل يا شيهانة

بس اقولك اياها وبصراحه ومن الاخر
زوجي يبتعد عن هذه الامور لله مو حبا فيني

احيانا اقعد افكر بيني وبين نفسي لما يوسوس لي الشيطان اني لازم افتش جواله
اقول الحين انا يعني المنزهه اللي ما اغلط
اخاف اشك فيه واطب انا على راسي
وشوله اقعد ورا هالمسيكين واشك فيه واتوجس من جواله واجهزته وصحبته؟!!!!

ليتني في نفسي أوجهها وأهذبها وأربي عيالي تربية ترضي الله عني

لكن من واقع تجربتي ولاشي يضاهي الدعاء ثم الدعاء ثم الدعاء
وقبلها حسن الظن بالله
ورميت كل أوهامي وشكوكي وظنوني على الله وأسأله أن لا يريني ما يسؤني في نفسي وزوجي وذريتي وأهلي وكل أحبابي..

وأشكرك على موضوعك اللطيف

عزيزتي وابل الندى ..
ماشاء الله اللهم بارك .. الله يديم عليكم .. ويزيكم من فضله ..

رذاذ..
نعم ليس هناك (ضمان) .. لكن ألا توافقيني أن انتشار ماذكرته بين الناس يجعل قلب المرأة يخفق أن يقع زوجها في مثل هذا ؟

عزيزتي نحلة ذكية ..
ماشاء الله اللهم بارك .. تقريبا أعتبرك واثقة فيه .. الله يزيدكم من فضله ..
* نحولتي>> أنا منتبه لردودك وغالبا تروق لي بس ياليتك ترحميني وتغيرين طريقة الخط لأنها متعبة للعين

عزيزتي صباح العود ..
في بعض الأحيان يكون حب الزوج لزوجته وإخلاصه لها يمنعه أن يرى ذلك حتى لو لم يكن ذا دين>>> ولأصدقك القول أن ذلك نادرا ..

عزيزتي أم بدر وسمية ..
تقولين :
(قومي بواجباتج لانه هذ المطلوب منج ولاتطلبين منه الحب والرضا
اهتمي فيه حبيه بس بحدود عشان ماتنصدمين)
لو ما آخذ منه الحب أجل وش أبي فيه : (
يا ليتني أقدر أطبق هالنصيحة الي تكررت كثيييير على لسان المدربين والناصحين والمستشارين بس الطبع غلاب ..

عزيزتي أم محمد ..
كلامك صحيح .. لكن لو كان زوجك تدينه عادي .. ماراح تفكرين إذا هو يطالع بهالمقاطع أو لا !

الأخ الفاضل نواف..
والله كلامك صحيح وهذه نقطة مهمة ..
لكن مشاغل الحياة ورغبتنا أن يكون أزواجنا رائعين مستقيمين بدون ما نتعب وندعوهم للخير هذا جزء من المشكلة ...
حقيقة عن نفسي لي دور على تغير زوجي (شيئا يسير) في تدينه بعد فضل الله .. لكن أضل مقصره وأطمع بالمزيد ...

عزيزتي فجر الأعياد >>> اسمك يبعث بالإنتعاش
صادقة ولذلك ينصحوننا دائما بأن لا نحب بشكل جنوني .. كما ذكرتِ حتى لا ننصدم >> وبعدين تصير أشياء مش حلوة

عزيزتي rayanh2010
صح مستحيل أن تضمن الزوجة ذلك ..

عزيزتي ناتسو ..
صدقيني الشئ الي ما يرضي الله لا يأتي لنا بخير بس نحن لا نفهم ..نصيحة مني حتى لو طليقته ترسله لا تفتشين جواله .. ووكلي أمرك لله واستشعري ذلك .. شكرا لك ِ..

__________________
{ اللهم صلي وسلم على محمد وآله وصحبه تسليما كثيرا }