انقطع الاتصال كليا وباقي علي الزواج شهر ... / الي الاخ البليغ
السلام عليكم ورحمة الله وبركاته
اخي البليغ ...
اخترتك لكي تساعدني ولايهونون الاخوان الاخرين لانك ربما تعرف بعض التفاصيل عني و عن علاقة زواجي ... انا كتبت موضوع قبل عدة اسابيع عن كيفية اقناع زوجتي باهمية الحجاب ، وحصل هذا الشئ وكانت زوجتي مبسوطة مني في هذيك الفترة بشكل لايوصف وكنا يوميا نتواصل ولو ما صار اتصال بيننا تتصل هي علي ...
فجأة وقبل اكثر من اسبوع ارسلت لي رسالة (اتصل بي) واتصلت بعدها بعدة دقائق ولا ردت و استمرت عدة ايام ، ترد مرة و تنقطع ايام ... ولاتتصل ابدا ...
سألتها هل انتي زعلانة ؟؟ قالت لأ ، ليه ازعل اصلا ... و انقطع الاتصال لعدة ايام ، والغريب اني عادة اتواعد معاها علي وقت معين للاتصال ، مثلا اقول لها بعد صلاة العشاء راح اتصل عليك اتطمن ، اتفاجأ انها اصلا مقفلة الجوال ولاترجع تتصل ...
الان لنا عدة ايام اتصلت وانا اعرف انها اتصلت بس عشان تبغي تعرف تفاصيل عن الزواج و عن بعض التجهيزات .. وقلت لها راح اتصل عليك بكرة ولاردت ... الي الان لها 4 ايام ولا اتصلت علي ... مع العلم انها اتصلت بعد ما تكلمت امي وامها بخصوص الزواج ويبدو ان امها تكلمت معاها بخصوص الزواج و تحمست واتصلت علي ..
وبصراحة احس اني لو اتصلت عليها ماراح ترد واحس انها زودتها بعدم الرد ولا ودي اتصل خصوصا ان الدورة الشهرية راح تبدا قريب واكيد نفسيتها مقفلة الان و في كل مرة ماترد اشيل كثير في قلبي ...
اخوي البليغ ... عندي بعض الملاحظات اللي لاحظتها عن زوجتي في الفترة الاخيرة :
1 - من اول ما بدأت المشاكل وهي الغت كلمة حبيبي من قاموسها ... حتي صرت اخجل اقول لها حبيبتي و الله تطلع بصعوبة ..
2 - سألتها هل فيك شئ او اي احد مضايقك ؟ قالت ليه ازعل اصلا ...
3 - زوجتي واضح انها ما تتواصل مع اهلها بخصوص الزواج كثير بدليل ان امي لما تكلمت مع امها سألتها كيف تجهيزاتكم ؟ بمعني ان زوجتي ما قالت لامها اني جهزت كل شئ ..
المشكلة اخي البليغ تكمن في عدة محاور :
1 - كل ما زاد الانقطاع تكارهت القلوب ولا اخفيك اني حتي لو كلمتها احس مالي نفس مثل اول اتكلم معاها ..
2 - احتاج اخلص بعض الامور من تجهيزات الزواج و السفر و احتاج الي تجهيز الفيزا لما بعد السفر ( انا مبتعث ) وهي لاتتواصل معي واخاف يداهمنا الوقت ..
3 - هي في وضع حرج قدام اهلها لانهم اكيد يسألونها وين زوجك ما يزورك في البيت ؟
4 - في اخر مكالمة لمحت لها اني ابغي ازورها و قالت خلك ببيتك و خلني ببيتي ( بالمزاح طبعا ) مع العلم انها قبل كذا هي كانت تطلب مني ازورها ... مع العلم اني لو ازورها اقدر باذن الله احلحل المشكلة ...
ماهو رأيك و نصيحتك اخوي البليغ ؟ ولاتنسانا من دعائك ...
نواف
29-12-2012, 08:49 AM
ضوابط المشاركة
العرض الشجري