لا مب شي عادي .. هذى شي مبالغ فيه جدا
و لو من بدايتها ما نبهتها على حدودها وان ما فيه مقارنه بينها وبين احد من اهلك راح تتعب كثير


طفلة وبنت اخوك بعد تغار منها حرمة كبيرة متزوجة !!! ايش هالعقل ..
طيب فرضا احتاجت هالبنت لا قدر الله كفالتك لها ايش راح تسوي زوجتك ...

صدقنى هذى مب مشاعر غيرة وبس او حب
القلوب اللي تعرف الحب و تستشعره دائما تكون رقيقة و نقيه و طاهره
تصرف زوجتك هو نفسه تصرف بعض زوجات الاباء القاسيات ...!
و الحجة التى يرمون عليها جرائمهم ... الغيره ...

ياخى و الله لو كانت هذى بنتك ، يعنى لو كانت بنت ضرتها
ما غارت منها لانها اولا واخيرا طفلة و برئية جدا و فيه فرق كبير بين علاقتك فيها و بين علاقتك بزوجتك
وهذا اللى لازم تعرفه زوجتك ...

مسكينة الطفلة اللى مب فاهمه شي
جرائم النساء كثرت بحجة الغيرة ..... !

و ملاحظة مهمة ..
فيه فرق بين تغار عليك ، و تغار منها - الطفلة - ... ؟!
و الغالب على الزوحات الغيرة من ... و ليس الغيرة على ..

غزلان حبيبتي كلامك هذا نفسه اوجه لبعض الزوجات حولي والاحظ هذا الشي على اسباب تافهه ومبالغه فيها

لكن زوجتك احتمال غارت من طريقة الترحيب ويمكن تقصد ما يرحب فيها مثل ما يرحب بغيرها

احتمال يا اخي انت فاهم غيرتها غلط

حاول تعرف الاسباب يا اخي الكريم

وافهم من زوجتك هل تغار بالفعل لان واضح انك غير متاكد انها تغار من هذه الطفله

+1+1+1

كلامك يحكي واقع مرير

إلا نغار اعمارنا بأواخر الثلاثينات ونغار انا عن نفسي اغار من بناتي لما ابوهم يشيل فيهم ويحط ويمدحهم ويدلع فيهم ويقول لهم كلام حلو لما يجي من العمل يستقبلونه البنات عند الباب اللي تحضنه واللي تقفز على ظهره وراسه وهاتك يابوس فيه والصغيرة ماتوصل على راسه تبوسه تبرك عند رجوله تبوس فيها وتطلع على يدينه ويسون حفلة له عند باب البيت اول مايدخل حتى جيراننا يعرفون ان ابونا جاء من العمل لما يوصل انا استقبله معاهم اجلس واقفه اتفرج فيهم مثل لوح الخشب وهم مسوين عليه هجوم حتى السلام احيان ينسى يقوله الا لما يستفيق ويطالع في الخشبة اللي واقفه جنبه تبغاه يقول لها السلام عليكم واحيان اطنشه واقول له عليكم السلام والرحمه وهو معاهم هوشه وادخل للمطبخ ويرجع يتذكر انه ماقال السلام عليكم ويدخل للمطبخ علشان يسلم
احيان اعصب وانفعل منه لاكن يقول ذولي بناتك نسوني حتى السلام لا اقوله و انتي محبتك غير وهما غير وانا احبهم من محبتي لك وهم جزء منك كيف ماتبغين احبهم واهتم فيهم ذولي بنات ويحتاجون اهتمام وعاطفه مني انا ابوهم اذا ماحسستهم بقيمتهم ومحبتهم عندي وما منحتهم الحب والحنان اللي يحتاجونه وين يدورونه هم صغيرات لاكن عندهم احساس ومشاعر مثلنا يحتاجون للكلام الحلو والمدح بالذات انهم اطفال نفسيتهم تتأثر بسهوله
وانا ما اغار منهم بكرهه فديتهم والله لا كن مدري يجيني احساس انه مهتم فيهم اكثر مني بالذات لما اكلمه اسولف معاه يتركني وينشغل فيهم هما واحيان اغار من محبتهم له احس انهم يحبونه اكثر مني وبجنون لدرجة ان الصغيرة لو طول في العمل او راح مشوار وتأخر تقلقني وراه ويالله اتصل لها فيه وتكلمه وترتاح حتى الأكل لو مو فيه مايحبون ياكلون الا لما يكون موجود وعلى السفرة وحدة يساره والثانية يمينه وفي السوق وفي البر نسيت يد زوجي كيف ملمسها ماسكينه كل وحدة من جهة وكثير اوقات يتهاوشون عليه عاد زوجتك تحبك واعذرها لو غارت عليك ترى احنى نغار من بناتنا اللي هم قطعة منا لاكن مو غيرة انا نكرههم ذولي قطعة من كبودنا كيف احد يكره عضو من اعضائه لاكن احيان تحس بغيره يا منهم يا عليهم بس غيره محمودة ان شاء الله وزوجتك بكره الله يرزقكم اطفال ان شاء الله وراح تخف عليك شوية فماةتحط في بالك شئ من هالناحية واغدق عليها عاطفتك وحسسها انها هي الأهم في حياتك وان محبتها ومكانتها عندك غالية واحتويها هي ما تقول كذا الا من زود حبها لك وربنا يوفقكم ويسعدكم ويزيدكم الفة ومحبة اللهم امين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ما شاء الله كفت ووفت بنت الحكمي الله يجزاها كل خير

تكون زوجتك مو طبيعية لو سوت لك منها هوشة كبيرة وصراخ .. لكن هي قالت جملة تحاول فيها تستفز لسانك يرد عليها برد يأكد لها حبك اللي هي واثقه منه لكنها تحب تسمع تأكيد بين فترة والثانية .

هو مو حب تملك ولا غيره كره .

يمكن هي كانت مجهزة لك استقبال معين ببالها لما تدخل غرفتكم ووجود البنت خرب عليها ..
لحظة دخولك على زوجتك لحظة مميزة بعلاقتكم خاصة وانت حديث عهد بزواجك

حاول أن تلاعب البنت وتنهي استقبالها لك خارج غرفة الزوجية ..
ولو صار وعبرت زوجتك عن غيرتها مرة ثانية بموقف ثاني فكلمتين حلوين وتأكيد على محبتك لها ينهون الموضوع قبل ما يبدا.

__________________

سلاماات تغار من طفلة
بعض الحريم عليهم عقوول مضروبة صراحة مع احترامي يعني بس احس ذولي الحريم عندهم عقد نقص وحب تملك مجتمعين مع بعض .

في فرقبين الغيره المرضيه اللي وراها كره واذيه
وبين الغيره اللي هدفها استفزاز مشاعر المحبوب
ودوافعها الحب وبس!!

__________________
اللهم احفظ لي زوجي وسخره لي واحفظ لي اولادي

-لقد أفدنْكَ الأخوات الفاضلات.
-أرى أنّ الأمر لا يستحق الوقوف لديه كثيراً؛ فهو شيء وارد الحصول في الحياة الزوجية.. إلا إذا تكرر كثيراً بمثل هذه الحالة المشابهة عندئذٍ يحتاج علاجاً آخراً.
-استمتع بحياتك يا رجل.

ممكن بس عن نفسي احسها الاثنين غريبة.حتى لو كان دوفعها الحب. مدري احس ماتركب كيف تقارن نفسها بطفلة وتغار لانه لعبها او شالها العلاقة الي بين زوجها وبين الطفلة غير عن العلاقة الي بينها وبينه على اية اساس تغار هذا الي موقادرة افهمه وطبيعي اي شخص يحب اهله ويهتم فيهم ويشتقلهم مافيها شي يستدعي الغيرة اش تبغا يعني تبغا زوجهامايهتم في احد من اهله بس يهتم فيها 24 ساعة وبعدين الشي الي يزيد عن حده ينقلب ضده. والوحدة لو استمرت كذا.حتى لوكانت غيرتها من الحب مع الوقت حتسير غيرة مرضية وراها كره واذية . *

لا يا كيلسي الموضوع مو جذي!!
الزوجه غارت مٍْْـٍْْ♡̷̴̬̩̃̊ـٍْْنٍْْ اهتمام زوجها بالطفله!!
يعني غيرتها كانت ردة فعل لتصرف زوجها..
يعني البنت مالها علاقه وقد تكون مو بحسابات الزوجه ابدا!!
تبي تنبه زوجها .. انها أولئ بهالاهتمام ..

ترئ الرجل ينبسط اذا زوجته تغار عليه!! خاصه اذا كانت مٍْْـٍْْ♡̷̴̬̩̃̊ـٍْْنٍْْ اشيا بسيطه!!

__________________
اللهم احفظ لي زوجي وسخره لي واحفظ لي اولادي