اقتباس:

المشاركة الأصلية كتبت بواسطة داماس غسالة الصحون ... أحسها إنسانة .. كل ما أشغلها ادعيلها ههه .. صدق صدق ادعي لمخترعها .. ضرورية للي ما عندها خدامه ...

خالتي مسميتها
المستورة

وتدعيلها الله يحفظها
دائما مريحتني

صراحة ولاااااااااااااااااااااااااااااااا احلى
والحمد لله على هالرفاهيه
والله بعد ما يجوني ضيوف
يحبو يساعدو نحلفلهم وانا واثقة

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

ههه تستاهل الدعوات الصراحه ..

فعلا تقدرين تخلصين شغلك بسرعة وبدون مساعدة ..

__________________

لو سمحتي يا سما ممكن تكتبين عن القطاعه أكثر... وإذإ ممكن أمثلة عن الخضروات اللي يقطعها وكيف يطلع شكلها ..

__________________

أهلين (:
هآذي الله يسلمك إذا كنتي تبغي تسوي كشنة للكبسة بدال ماتقطعي بصل بالسكينة وهاتك يادموع
خلاص غسليها واقطعيها نصين وحطيها تفرمها لك إذا تبغيها ممرة مفرومة او وسط عادي
والأحلى إنها سريع سريع
مثلا بتسوي حلا و كان فيها بسكوت مطحون أبد مآعليك الا تحطيها جواتها وتطحن لك
بتخلطلك الدريم ويب والكريمة
مثلا سلطة تبولة طحينة حمص
أي شيء في الحياة تبغي تقطعيه او تمزجيه مع بعض تنقذك هالالة
لأنها صغيرة وسريعة
شكلي كثرت مدح

طيب دوري أسالك ممكن ^_^
جآلسة أثث بيتي و أفكر احط غسالة صحون بس مآدري
المواعين مو مرة كثيرة والعزايم بالنادر ولا ممكن تفك أزمات؟

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

هلااااا حبيبتي ..ههه أهم شيء االتبولة كنت أريد أعرف ينفع لها وألا لا ... لأنه نحن عندنا فرامه بس ما استخدمها كثير .. ما فيها درجات .. إذا شغلتها وسكرتها بسرعه بعض القطع تظل كبيرة واذا طولت أكثر تنفرم عالأخر ويطلع منها ماء ...
بس عندنا جهاز ثاني يطحن البسكويت والمكسرات والسكر الخ .. أما الحمص أسويه في خلاط العصير ..
مشكوورة على الشرح ما قصرتي ..


واكيييييييد حبيبتي ممكن تسألي ونص آفا عليك بس ..

شوفي الغسالة مفيدة جدا تشيل 3/4 الشغل عنك ..وإذإ ما احتجتيها في البداية بتحتاجينها بعدين ..

ممكن إذا حالتكم المادية جيدة والميزانية تسمح وزوجك موافق تجيبيها لكن إذا حسيتي انه ما يقدر أو مو راضي لا تضغطين عليه.. لكن جهزيلها مكان في المطبخ على أساس إذا جبتيها بعدين كل شيء يكون جاهز ويركبونها لك على طول ..


أنا حاليا ساكنة في بيت أهلى ،، فالغساله اللي قلت لكم عليها في مطبخنا هنا .. لما كنت في بيتي وما كان في غيري وزوجي كان الوضع عادي ... لكن مع تعب الحمل .. والبيبي لما شرف صار مأساة .. ولدي كان معظم الوقت صاحي ويبكي.. .وما كنت أقدر اجلي أول بأول .. المواعين كانت تتجمع عندي وفي النهاية قررت استخدم صحون واكواب بلاستيكيه ...

الغساله كانت حتفيدني كثييير ..

طبعا هي ما راح تتعبأ كامل بعد كل وجبة .. بتحطين المواعين الوسخه فيها وتنتظرين تتعبأ بعدين تشغلينها .. فلازم يكون عندك بدائل تستخدمينها فإذا أساسا مواعينك قليلة ما حتنفعك ..
ممكن تشغلينها قبل ما تتعبأ فل لكن أنا ما أسويها الصراحه أحس حرام لأنه كل برنامج يأخذ له أكثر من ساعة .. ما عدا النص حمولة .. يعني تعبين الرف العلوي بس .. يأخذ نص ساعة.. اختاره إذا كانت الصحون والاكواب قليلة ومو وسخة مرة ..

إذا مو مستعجلة عليها أصبري لين تجربي وتشوفي الوضع عندك كيف ..مواعينك كثيرة وإلا لا .. وكم تطبخين و كم تطولين في الجلي الخ .. وبعدين أحكمي إذا محتاجة والا لا .. ...


وخذي من الماركات المعروفة .. نحن خذنا بوش بعد ما شفناها عند قريبة لنا ومدحتها .. وقالت مرت أخوي عندها نفس الماركة وتمدحها .. لما سألت أكثر عرفت انه غسالات الصحون بوش هي الوحيدة تقريبا اللي تصنع وتركب بالكامل في ألمانيا ..

ماركة سيمنز كمان كويسه وهي وبوش شركة واحدة ..


ولا تنسي الاستختارة.

__________________

حبيبتي الف مبروك جعله ربي منزل المبارك
لكن دامك تجهزي البيت فمن الحين حطيها في بيتك ولما تكبر العائلة ويزيد افرداها

ان شاء الله تعالى
بتزيد الصحون ويقل الوقت
فتشيل عنك حمل كبير

وبعدين اصلا بتصير عندك عزومات وزيارات فمالك بوقفه المطبخ بوجود الغسالة
حطيها من الحين لان متى ما كملتي ترتيب المطبخ
يصير صعب علييك تحطيها بعدين
لان تحتاج تمديدات للماء والكهرباء
ولازم مكانها يكون قريب من المغسلة

خليها بالمطبخ لوقت حاجتها -- يعني ما انتي مضطرة تستعمليها كل يوم ---
يعني ما عندك شي و صحونك قليلة انتي نظفيهم
اما عندك عزومه والصحون كثيرة
لا هنا يصير شغل الغسالة

انا للاسف ما في مكان بالمطبخ لها فاتعب من وقفه المطبخ الي ما تخلص
الحمد لله والشكر له كثير


ربي يتمم لك على خير حبيبتي ويسعدك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

موضوع حلو للناس اللي تحب المطبخ ورايقة.
يهمني التنظيف وأكثر شي احبها غسالة المواعين ؛ مدري وشلون كنا بدونها هههه.
ماعندي صورة لها.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

موضوووع حلووو وخفيف + مقدمة رائعة يا فردوسة
وكمان نستفيد من خبرات البنات ..

بالنسبة لي الخلاط الكهربائي ..
.
.

__________________

>> لا إله إلا أنت سبحانك إني كنت من الظالمين <<

انا مااستغني عن قطاعه البصل مثل ماذكرت سمااا ..

__________________

مرحبا يا اخواتي الجميلات

عدت لكم مع الجهاز الثاني الي مااستغنى عنه
لكن الصراحة
استعملة بوقت اللزوم يعني مع الاكلات الدسمة والمشاوي
الي تحتاج خبز حاااااااااااااااااااااااااااااااااارر


الجهاز هو
[img]http://im39.***********/yTvYz.jpg[/img]

من الصورة واضح شنو اختصاصه

لكن انا استعمله لعمل الخبز
مجرد افرد العجينة واغطيها بغطى محكم
تخرج ولا افضل فرن -او تنور --

ههههههه

الحاجة ام الاختراع
لان ما في مخابز هنا نضطر نخبز بالبيت

هذا الجهاز صارله من رمضان الماضي وساعدني كثير

ان شاء الله يعجبكم

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~