الطيب ما ينفع معاه - الصفحة 2 - منتدى عالم الأسرة والمجتمع

10-05-2013, 03:54 PM

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

الطيب ما ينفع معاه

السلام عليكم ورحمة الله وبركاته

كثير أحيان نلاقي أنفسنا نقول هذي الجملة من بعد خلاف أو نقاش انتهى على غير ما نشتهي

استفدت من أغلب المواضيع بالمنتدى إضافة لما أراه في حياة الواقع بأن الطرفين تكون لهم نية الإصلاح والاثنين يبحثوا عن حل وسط يوافق عليه الجميع ..

خلال عملية البحث يصير شد وجذب ... أول يوم هواش وصيحة وتكسير والصوت جايب لاخر الشارع .. ثاني يوم نظرات حادة وعتاب ورمي كلام ... ثالث يوم صمت القبور وتجاهل وتطنيش ..
يكونوا خلال المشكلة أعصابهم مشدودة وكل واحد فيهم ترتفع مخاوفه لأقصى سقف وتنتابهم الهواجس في النتائج المخيفة لخلافهم هذا
فلانه تفكر .. الظاهر انه هالمره متضايق كثير .. كأني زدت العيار حبتين

...
نظرته ما ريحتني ..يا خوفي يكون ناوي يعملها ( يتزوج الثانية

)
وللا يمكن طفش عالاخر ويطلقني

فلان يقول لحاله يمكن زودتها عليها شوي ..الله يسامحك يا بوفلان تفكرها رفيقك ونازل فيها بهدله ..
هذي حرمة (قاروره

) وما ينفع تعاملها بهالقسوة هذي ..
انت الرجل وانت المسؤول ..بتشتت عيالك الله يهداك عشان مشوار لا راح ولا جا .. والحريم عقولهم صغيره وبكلمتنين ترضى

.. ما عرفت ترضيها بكلمتين والكلام ببلاش الله يهديك !!!!

والصبح يتفاجأ فلان بفلانه تكلمه عادي وكأنها تقول له انا نسيت كل حاجة ..
تتحركش فيه وهو لسه مصدوم .

يبدأ يفكر فلان ...
شفت كيف ؟؟ ما يجون الا بالعين الحمرا ..شفت كيف طخت وجت لغاية عندك ؟؟؟
مو الحين تتراجع وترجع تلين وتخلي قلبك يتحكم فيك .. انتبه واحذر .. لا تصير ضعيف .... هذا هو الأسلوب اللي ينفع مع زوجتك مو اللين .. اياك ترجع تلين لها .

وفلانه تبدا تفكر
شفتي كيف طنشك .. ذليتي حالك وتنازلتي وهو على حاله ...اذا جا بكره ولقيتيه تجبر وطغى لا تلومي الا نفسك .انتي اللي أعطيتيه كل المفاتيح وسلمتيه الجمل بما حمل .

هل من الحكمة أن نخلي كل مشكلة سبب للكره بيننا ونتخذ موقف من شريكنا .. نحسبها عليه ولا نسامح .

مش كل الناس تغلط ؟؟؟ .. ولما نسامح المفروض ننسى اللي فات ونفتح صفحة جديدة ؟؟

ليش نخلي الغلطة تقسي قلوبنا على احبابنا ؟؟ ليش ما نفكر لهم بأعذار ونذكر أنفسنا بأنها كانت تعبانه مثلا أو غيرانه .. ليه ما نفكر أنه كان متضايق من مشكلة بالشغل أو ناقص عليه فلوس أو زعلان مع أهله .

ليش بعد ما تخلص المشكلة نظل ندور فيها ونظل نتجرعها مرة بعد مرة مع اننا أخذنا حقنا وعاتبنا وعاقبنا .

سكوته/ا الان واحتماله/ا لكل ما جاه/ا منك مو عباره عن اعتذار ؟؟ مو سبب حتى تسامح وتنسى ..

صدق تنسى تماما وما تندم لأنك بيوم حبيته/ا وودك تخلع حبه/ا من قلبك وترميه .. تراك بنعمة مو نقمة لأن مو كل البشر ذاقت طعم الحب . . قليل منهم بس.

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه