حبيبتي سكتي عنه وحاولي تبينين انج زعلانه
وكل مقالج شيء احقريه شوووووووي ولاتحااجينه خليه يس بغلطته
الله يسخره لج يارب ويسهل امرج

__________________

مشكورين على تفاعلكم
كل اللي قولتوه سويته يا اما اسوي نفسي مو سامعة واحقر او اقوله ترضى على اختك او اردها بمثلها او اقوله الله يسامحك او اصك التلفون

ما نفع شي

المشكلة ان امس يهدد يقولي خننفصل لانج مو مضبوطة طبعا انس لما قالها رديت عليه بوقتها

وادري فيه بس يهدد بسالفة الانفصال و اليوم ولا كأن شي صاير يتصل ويسولف وعاااااااااادي


شنو تقترحون علي اسوي المرة الياية

احس لازم اكبر الموضوع عشان يوقف عند حده


طبعا هو سبه كله من قبيل المزح مو من صجه

اما اذا كان من جد ومعصب لسانه اوصخ من جذي

__________________
لا اله الا انت سبحانك اني كنت من الظالمين

فوضي امرك لله .. لا تردين عليه بالمثل لانه يتعمد قول هذا الكلام لازعاجك .. حسبي الله نعم الوكيل
كم امقت مثل هذه الاشكال يتعمدون كسر خاطر زوجاتهم ويتعمدون اذلالهن
هذا الشكل عندي بالبيت الله يحطمهم زي ما يحطموا فينا
انت زوجك بالكلام وانا زوجي بالافعال حسبي الله يتعمد فعل كل ما يجرحني وكل ما يزعجني

قولي له حسبي الله عليك واتركيه .. و لا تزعجي نفسك اختي الكريمة و لا تحرقي اعصابك على تفاهته وغبائه وقلة حيلته

والله مفوضة وموكلة امري للي ما تنام عينه

بس الواحد يوصل لي مرحلة يطفح فيها الكيل

الصبر نفد وخلص

__________________
لا اله الا انت سبحانك اني كنت من الظالمين

قلتي مره ان زوجك متدين وهذه صفه جميله ومدخل ممتازه للسيطره على افعاله
انتبهي تردي له بالمثل لانه حينها سيتمادى
اكتفي فقط بتذكيره بان حسن الخلق من افضل الافعال عند الله والاحاديث عن ذالك كثيره اجمعيها وقوليها له
واذا كرر كلامه القذر قولي له كلمه واحده
(( اللهم احفظ لساني عن العالمين واجعل كتابي في عليين ))

مافي حل عزيزتي غير التطنيش و الصبر
لو انك رجل لوجدنا لك ألف طريقة لتأديبه
وحفظ كرامتك و جعله يندم
لكن لا , قدرك الخضوع و اللين
حتى مع الشدة ,,,
أو أن تكوني ذكية عاطفيا و تعرفي نقطة ضعفه
و تلعبي عليها,,,
أعانك الله

__________________

اصبري واحقريه لا تردي واذا قال ليه قوولي مو تقول تيس وانا ربي كرمني واذا موب قادرة قولي اقول قول واحد حسبنا الله ونعم الوكيل
اصبري كرم مب له للبنت االلي عندك
اما التهديد يعني قال ابى اسوي اللي يقهرك ابدا لاتظهرين انك خايفة من الطلاق لكن ابدا لاتنطقينه واذا قال وهدد
قولي ماراح يصير الا اللي هو خير لي حتى لو كان طلاق وقوي علاقتك بالله والله لو ربي هو همك والله راح يرضخ لك بشكل ماتتوقعينه ولاتخليين محور اهتمامك
شوفي ممكن زوجك من الشخصية الشمالية فهي غالبا جارحة كما قرأت والله اعلم
شوفي وش ينفع مع هالاشكال
لاتنسي الدعاء في جوف الليل ان الله يطهر قلبه ولسانه بكثرة
موفقة كل حبيباتي يمرون بأزمة مع ازواجهم للاسف زادني المنتدى خيبة الحمدلله على كل حال

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

الله يساعدك ( واستعينوا بالصبر والصلاة )

اشكركم خواتي حلم الواقع ومسز داني وانثى ابكت القمر

دايما اتكلم معاه من الناحية الدينية واقوله عشانك انت ما ابي ربي يحاسبك على كلمة

واذكر له الاحاديث ( المسلم من سلم المسلمون من لسانه ويده)



امس كنت وايد متضايقة وصج احس نفسي عافته

طبعا هو حس قام يتميلح وكل شوي يتصل ويسال ويسولف سوالف ما لها اي داعي

وانا كلمة ورد غطاها

لما جا الليل حاولت انام ما قدرت قلت له باصارحك

وطلعت اللي بقلبي بهدوء وقلت له انت متربي وهالاسلوب اسلوب شوارع

طبعا كعادة الرجال قلب الطاولة علي

وكان يبي ............ حقيقة ما قدرت لا نفسيا ولا جسديا

قالي بدا العد التنازلي للعنة الملائكة

قلت له ماني قادرة لو اقدر جان من عيوني


حاولت الطف الجو قبل ما ننام


الحين هو نايم وانا بالدوام

الله يهديه لي ويهديني له



هو وايد زين بس عيبه لسانه السليط

الله يكفيني شره

__________________
لا اله الا انت سبحانك اني كنت من الظالمين

موهبة يا قلبي لا تحاولين تصلحين الغلط بالغلط ..

شوفي الحين إنتي غلطتك أكبر عن غلطته ..

غلط تفتحين معاه موضوع مثل هذا وقت النوم ..

السرير مكان للهدوء والراحة والنوم مب للجدال ..

المواجهه والكلام ما جابوا نتيجة غيري أسلوبك ..

أزعلى بدون صوت .. أعطيه المعاملة الصامته ..

بدون عتب أو شجار بس خليك عالصامت شوي ..

قومي بواجباته وردي عليه وكلميه لكن بنوع من الرسمية

يمكن إذا طنشتيه وما أظهرتي ردة فعل قوية يمل ويغير طريقته ..

في أزواج إذا شافوا الزوجة تتضايق من شيء تعمدوا يسوونه يمكن هو من هالنوع ..

ومرة ثانية إذا بتفتحين الموضوع قولي له عادي كلامك ما يأثر علي ومهما قلت عني مستوى

ذكاي أنا أعرفه وانت تعرف لكن أنا اخاف بنتنا تكبر وتتعود على هالكلمات... وكمان مش حلوة إنسان واعي وومثقف تطلع منه هالكلمات اليوم تستخدمهم في البيت بكرا برع البيت والناس شو بيقولون

شو هالتربية وشو هالعلم والثقافه اللي ما فادت فلان الخ ...

إنتي خليك ذكيه و شوفي شو أكثر شيء يأثر فيه وتعالي له من هالباب ..

والله يهديه ويسخره لك

__________________