الهوشة تافهة .. والخطأ من اخوي .. وانا اعترف بهالشي .. بس هو ليه ماحشمني وقدرني وتحمل اخوي عشاني .. او اعطاني فرصة احل الامور بهدوء

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وليش أخوك ماحشمك ولا قدرك ولا تحمل زوجك عشانك ..؟

وأنتي المفروض تهدّين زوجك .. مب تزيدينه غضب . خصوصا إن الحق معاه في حوشتهم وإن أخوك غلطان ..
كان الأولى أنك تكلمي زوجك وتعتذري منه وتقولين له امسحها في وجهي ..
تترجينه إنه يسامح أخوك وينسى إللي صار ..
مب تزيدين المشكلة وتخلينها مشكلتين ..

صح اختي في هذي انا غلطت .. بس الحين وش اسوي بعد اللي صار .. خاصة موقف زوجي قدام اهلي بعد ماطرد اخوي
.. بالله كيف بيتقبلونه ويرحبون فيه اذا زرناهم...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

عزيزتي ..
لا تتعجلي بالذهاب لأهلكِ ,, وكما قلتِ أخوك الغلطان .. والسبب تافه ..!!
حاولي تقلبي الأمور لصالحكِ .. ذاك أخوك وذاك زوجك
لا تكسبي واحد على حساب الثاني

__________________

اهلين اختي.. طيب كيف اقلب الاوراق لصالحي؟
انا ماجيت هنا الا عشان تعلموني وشلون احل هالمشكلة؟؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

خلاص كويس ان زوجك جاء ويحاول يطيب خاطرك الحين المطلوب منك ترضين

وتروحين معاه وتتمسكنين انك طردتي اخوك علشانه وكيف موقفك الحين قدام اخوك

ومهما صار بينكم المفروض ماتوصل انك تطرده من البيت مهما يكون هو ضيفك وأهلي يعزونك ونظرتهم لهم كبيرة



ومن هالكلام
وخلي الكورة بملعب زوجك يمكن يتصل على اخوك ويراضيه
وان ماتصل لمحي له بكرة يتصل
وان ماتصل أنتي حاولين تراضين اخوك


وبيني وبينك الأفضل اخوك يستأجر برأ

وزوجك كثير طيب ان موافق اخوك يجلس عندكم
وفوق هذا اخوك غلط عليه وجاء يراضيك هذا يدل ان زوجك يحبك كثير

لاجل حبيبتي لا تطلعي من البيت لان الامر بسيط
وفعلا توك عروسة يا احبه
الرجال لازم يقعد براحته في بيته
لا تزعلي من الحق فديتك
انتي عقلك كبير وفاهمة امور الحياة
فعلا الصدور صارت ضيقة ماحد هالوقت صار يتحمل
انا نفسي يا احبه ماتحمل اهل زوجي يجلسون عندي فترة طويلة
احب اجامل الناس غذا ولا عشا وقهوى ومع السلامة
المبيت شى لا اطيقه
الانسان يحب يجلس بحريته في بيته واقصى شى اذا جامل ثلاث ايام
لا تطلعي ابد من البيت وحاولي تحلي الامر بهدوء
ارضي زوجك واخوك لو يحب مصلحتك ماراح يثقل عليك
تخيلي الي فيه بيتك اخوه ولا اخته
وشوفي ايش تسوين مكانه
انا مرة جاتني اخت زوجي بعيالها وماقولك يا احبه انقلاب عسكري صار عندي في البيت
كرهت نفسي وقلت لزوجي استاجر لي برى ولا بروج بيت اهلي وقدر الموقف لانه هو نفسه انزعج
وسعي صدرك مشكلة بسيطة وارضي زوجك وافهمي اخوك انك معه عشان ترضي الطرفين

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اهلين حبيبتي لمسة .. والله لك وحشة .. واعذريني انقطعت عنك وعن المنتدى فترة بس والله انك دايم في بالي واحاتيك .. بالنسبة للمشكلة اخوي متفهم مرة وقال مافي شي يزعل انتم عرسان ومن حقكم تقعدون لحالكم .. زوجي اتصل فيني وسألني اكلتي قلت لا قال طيب وش تبين اجيب لك .. قلت ما ابي شي وماني جوعانه .. حاول فيني بس مارضيت يجيب لي شي .. قفل .. خمس دقايق رجع اتصل قالي يابنت الحلال العني الشيطان والبسي وانزلي نتعشى باي مطعم انا تحت .. قلت ماني جوعانه واذا جوعانه باكل هنا .. وانت اذا جوعان روح كل .. قال تعرفيني ما احب اكل لحالي .. قلت وانا وش دخلني .. قال يابنت الحلال العني الشيطان ترى السالفة ماتستاهل .. قلت ارجوك لاعاد تعيد وتزيد خلاص تكلمنا بما فيه الكفايه .. وقفل .. وبعدها قعدت يرسل رسايل عتاب .. منها رسايل كنت قد رسلتها له وفيها كنت اشجعه واوقف بجنبه ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أعتذري لزوجك ..

خير ان شاءالله .. ماحشمني ولاقدر موقفي مع اخوي واهلي..وطرد اخوي واجي اعتذر له .. لا وفوق كذا قلت له ودني بيت اهلي قال اذا رحتي مالك رجعة .. زاد الطين بلة .. وبالاخر انا اعتذر له ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..