طيب يا أختي ما حاولتي ترجعين له

ليتني مطلقه من غير أطفال كان ارتحت شوي ..
هدي ثالث مره الوم نفسي من يوم تطلقت وعارفه انها مرحله وتعدي لكن اصعب مرحله صعبه صعبه ، يمكن السبب التافه للطلاق وقتها شفناه سبب كبير سواء أنا او هو .

مهما كان السبب المفروض مايستعجل بس يالله اللي صار صار واللي راح راح ، وانا والله العظيم مو عاجبتني الحاله اللي أنا فيها ماكتبت موضوعي الا أبي أطلع منها تعبت وربي

حاول يرجعني لكن الله ماكتب لنا الرجعه ، أبوي رفض لأنه تسرع في الطلاق قلت يالله خيره ، والامور تعقدت كثير بعد الطلاق ، وهو خلاص تزوج .

نصيحتي لك حاولي قدر المستطاع الرجوع له من أجل أولادك حتى لو كان تزوج ووضحي لوالدك ان هذي رغبتك

احمدي الله على ان اطفالك معك
واذا ربي رايد لك ترجعين له بترجعين
ويمكن ربي رايدلك تتزوجين احسن منه
او في شر دفعه عنك بالطلاق
واذا ممكن تذكرين الاحداث الي طلقك بسببها
يمكن يفيدونك الاخوه هنا..!!

أهلا فيك أختنا الفاضلة ..
أختي لو أفترضنا إنه راغب يرجعك كزوجة ثانية وعلى شأن أولاده ايضا ...
هل انت موافقة لو أفترضنا ابوك موافق ...!!!
أختي اعرف إن قضية الطلاق لها تبعاتها وتتداخل المشاكل ولكن في فترة متقاربة ومع مرور الأيام تتلاشى ويبقى الندم ..
كيف هو معاملته مع اولاده وزيارته لهم ...ومصروفهم ..هل يتواصل معاهم ..!!!
أسال الله ان يفرج همك وييسر أمرك ويقدر لك لما فيه الخيــــــــــــــــــــــر

صعب الرجوع اللحين ..
لوأنا مقتنعه لو 70% انه يستاهل التضحيه ,,طبعا هذا مو معناته انه سئ لا والله كل انسان فيه مزايا وفيه عيوب ,, او مقتنعه بالرجوع له بوضعه الجديد وخاصة ان فيه شئ تغير فيه بعد الطلاق مااقدر اقوله هنا كان رجعت له لكن اخاف اظلم نفسي واظلمه اذا رجعت ، وتتعب نفسيتي اكثر واكثر وخاصة ان سبب الطلاق ان نفسيتي كانت تعبانه وهو نفس الشئ وجا وقت كرهني وكرهته يمكن لو عرفنا وقتها نتخطى الشئ هذا ماكان وصلنا للطلاق بس قدر الله وماشاء فعل .

بالنسبة لموضوع رجعتي كزوجه ثانيه وضحته في رد سابق ..
بس نسيت اذكر شئ مهم وهو
بالنسبه له هل هو راغب في ارجاعي كزوجه ثانيه او قادر على الشئ هذا ؟؟؟؟
بالنسبه لمعاملته لاولاده هو في مدينه ثانيه يجي كل كم شهر يشوفهم ويسافر .. المصروف يرسل لهم مصروف ..
انا كنت حاطه العنوان ليش يتسرع الرجل في الطلاق ماادري ليش تغير ؟؟

هلا اختي قانعة ..
بالنسبة لسبب الطلاق طبعا صعب اذكر كل التفاصيل.. بس نفسيتي تعبت وكان عندي بعض الطلبات او الاصح طلبت شئ من حقي بس للأسف ماحاول يحل المشكله او يتفاهم بالعكس جا يهدد وحط قدامي شروط شبه تعجيزيه اذا فكرت بالرجعه طبعا الشئ هذا كان قبل الطلاق وقت المشكله ، عناد من طرفي عناد من طرفه ، وصار اللي صار ..
انا ماكتبت الموضوع لاني بارجع لا ، انا بس كنت باعرف ليش بعض الرجال يتسرعون ، دايم نسمع منهم الحريم ناقصين عقل طيب ليش مايطبقون المثل هذا وقت الجد ؟؟
مااتوقع الرجال يتعب بعد الطلاق مثل الحرمه وخاصة اذا عندها عيال .