الله يسهل امورك
صلي من الاستخارة
اكثري من الاستغفار

__________________
لا اندم على اي شخص دخل حياتي
فالمخلص أسعدني
والسئ منحني التجربة
و الأسوء كان درسا لي
أما الافضل
فلن يتركني أبدا

وعليكم السلام جميعا
اسعدكم الله ووفقكم من حيث لاتحتسبون
ويسر الله امري وامركم
اما كوني ذهبت لمحامي فلأن زوجي رماني عند اهلي واولادي وانا عارفه بتغيراته الي واضحه عليه وهو انكر الشي هذا
فقلت لاهلي ما ابغاه خلاص طبعا راح اسبوع ولاحد تحرك ولا شي
اهلي جدا جدا طيبين ولالهم بدخلة المحاكم
وفعلا جاهم بعدها باسبوعين ويبغاني ارجع وامي وابويه حاولوا فيني اني ارجع بس رفضت
ولقطع الطريق عالجميع رحت لمحامي وماعرفني للمحامي الا زوجي زميلتي الي درسوا معي كلمتهم وساعدوني بالتعريف علشان اوكل المحامي
شايفين ليش وكلت محامي
لان بتطول سالفتي من طرف اهلي وهو مايبغى يطلق
يبغاني ارجع ولا يبغا يكتب لي ارض باسمي بس ارجع وهذا كللله يستدرجني انا فاهمته خلاص !!!!
المهم طلع توكيل المحامي وفي اسبوع سوا لي موعد بس على شهر رجب
وحكاية انو اثبت انو متعاطي والله ماحديطرد لي ويجيب لي تقارير لان كل واحد مشغووول بنفسه وهذا حالنا في ذا الزمن واخواني كفااايه شالوا اولادي مع زوجاتهم جزاهم الله خير يجوا ياخذوهم الصباح مع اطفالهم والظهر يرجعوهم ويجيبوا لهم حتى الالعاب والاكل زي اولادهم هذا الشي والله ما انكره
لكن محاكم مالهم في الشي هذا
فقلت اوكل محامي واشتري راحتي بغلوسي
وانا والله مالي بدخلة المحاكم كفايه دخلت كتابة العدل اسوي وكاله ومتحجبه حجاب كامل ومعي اولادي وزميلاتي وبغوا ياكلوني الناااس بنظراتهم والشيخ سألني الين نشف ريقي
ولمن وكلت المحامي طمني وقال خلاص انا حتى اضيع لك دفعك للمهر علشان ماتدفعي له في مصروف الحضانه
واما اثباته للتعاطي بالتحاليل فباقولكم شغله ليش ماتقدر نثبتها
لان عندنا متعاطين قبل لايسووا تحاليل يروحوا مستوصف خاص ويقول للدكتو ابغا اصفي دمي وبمية ريال يصفي له دمه
ومشهورين فيها الموظفين نبهتني زميله لي لمن جات تفسخ عقدها من زوجها سوا كذا وماثبت عليه شي فخلعوها منه
وانا لو طلع لي الصك حق الخلع لو يبغا مليوون دفعته لان محكمة يوم القيامه تجتمع فييها الخصوم ونيتي ببعدي عنه لاني ابغا اترك انسان ما اعانني على الدين والعباده ومو عند كلللمته واولادي عانو هناك بالبيت معاه وانا ابغى باذن الله اربيهم على الصلاه والذكر والعباده باذن الله عز وجل
اشكر لكم مروركم واسعدكم الله وحقق لكم ماتتمنون لي ولكم يارب يارب ولابنائي

وعليكم السلام ورحمة الله وبركاته ..
مرحباً أختي الكريمة ، الغريب بأن المحامي لم يقول لكِ عن هذا الأمر إثبات تعاطيه ويكون من ضمن الشروط مستشفى حكومي وتضمنين كل شيء هذا المقصد ..
فرّج الله همّكِ ورزقكِ من حيثُ لاتحتسبِ ..

ماتنلامين

الله يفرج عنك

لعلمك .. اذا رفعتي قضية خلع ... راح تحرمي من حضانة الأطفال
هذا الشي معروف في المحكمه ... اسألي وتأكدي احسن ...
الشي الثاني : اذا الموعد بعيد .. روحي بنفسك المحكمه وادخلي ع القاضي واطلبي منه تقديم الموعد
لا تعتمدي ع كلام المحامي ... لأنه ما راح يهتم مثلك .. وممكن يكون هو اللي طلب تأخير الموعد لأنه مشغول وبسبب اشغاله بقضايا اخرى ... اقول يمكن ..
بالنسبه ل زوجك وادمانه ... خلي القاضي يطلب منه اجراء تحليل مخدرات عشان تثبتي عليه القضيه وانه غير آهل لتربية الاطفال ... بهذه الطريقه تحصلي ع الطلاق والحضانه
اختي بالنسبة للتحليل خلي القاضي يحوله ع مستشفى الأمل او اي مكان متخصص بالمخدرات .. وعشان ما يحصل تلاعب من طرفه .. الشيخ راح يرسل طلب تقرير من المحكمه للمستشفى .. والعكس .. كل شي راح يكون بسرية
زوجك مجرد يروح ويتم اجراء الكشف عليه وما راح يستلم التقرير لأنه ممنوع

__________________
Hug

الاخت فرح شكرا عالرد حبيبتي
بالنسبه للقاضي نهائيا ما اقدر اروح علشان كذا وكلت محامي
وبالنسبه للتحاليل فلمن يعرف الرجال انو لو موعد تحليل قبلها بيوم همه يسوو تصفية وتنقية دم كذا قالت لي زميلتي
وبالنسبه للخلع فلو ماقدرنا نثبت عليه قال المحامي حنحولها خلع وبالنسبه لحضانة الاولاد اتحداه ياخدهم
واتمنى لو يقدر ياخدهم ويهتم فيهم اتمنى
الله يعطيه الصحه والعافيه لو تكرم واخذهم وكان قادر على تربيتهم هوه واهلو كمان
اتحداهم
لكني متأكده انو ماحيسألو عنهم ولاحياخدوهم كمان
والوقت الان تغير
الان كل شي في صالح المرأه خصوصا لو ثبت انو الرجل غير اهل للمسؤليه
زمان اضطهاد المرأه وخنقتها انتهى وراح
والقانون باذن الله في صفي باذن الله
كمان لو تزوج
من فيه في الزمن هذا حيتكفل بعيال غيروا
يعني ماحتجي حرمه تتكفل باربع عيال تربيهم لحضرته وبدون شغاله
المهم انا ابغى انتهي من علاقتي فيه
يابطلاق او فسخ نكاح او خلع
واذا تزوج فمع السلامه
واذا قدر في العيال فكان بها
اسأل الله لي العون وان يكتب لي الخير يارب

اثبتي تعاطيه

انا رحت للمحامي وكنت منهاره وتعبااانه والدنيا مسوده بوجهي
وسويت توكيل بفسخ النكاح وحضانة الاطفال ونفقه وووناسيه كمااان اش فيه
لان همي الان الانفصال باي طريقة كانت
فقالي المحامي هل تقدري تثبتي عليه
قلت لاء
قال طيب احنا بنبدأ في القضيه ولو ماثبت عليه شي حنحولها خلع
وزميلتي زوجها كان يتعاطى ورفعت عليه قضيه وماكسبتها والسبب انو قبل الموعد المحدد راح لمستوصف خاص سوا تصفية دم بمية ريال
على موعد قضيته ضدها حولوه على مستشفى حكومي نظاما وبامر من القاضي وطلعت التحاليل سليمه والمسكينه ماتدري
يعني احنا مانعرف بسىاليفهم هذي
ورجعها بامر من القاضي بحاجه اسمها بيت الطاعه
طبعا مرت الايام واكتشفت لؤم زوجها واكتشفت حكاية المستشفى الخاص واقول مازال متعاطي
رجعت رفعت ضده قضية خلع وكسبتها
فالمحامي سألني هل عندك امكانية لاثبات تعاطيه لأن القاضي مستحيل يطلق بدون بينه
قلت لاء
قال خلاص نبدأء ونشوف ولو ماطلعنا بنتيجه حولناها خلع
والمحاكم ماقدر اروح واجي ومواعيد
واهلي مشغوليييين مستحيل يمشوا معي على مواعيد المحاكم
والوالد مريض ومايبغاني انفصل اصلا عن ابو الاولاد
لكن انا ابغى انفصل وارتاح
الله ييسرها يارب يارب

الله يكتب لك لما فيه الخير
حبيبتي اذا زوجك تعالج في اي عياده من قبل او مستشفى حكومي
تقدرين تروحين تطلبين تقرير عنه واهوا مايدري وماتعلمين احد يعطونك التقارير
وثبتينه في المحكمه اهم شي الإثبات عشان الشيخ يخلصك منه اساسايوضح على الشخص المتعاطي
من شكله الظاهري ولاتنسين تكتبين من ضمن أسباب الإنفصال الضعف الجنسي
الله يحميك ياقلبي ويحمي أولادك من كل شر يارب

روح متفائله جعل الله لك نصيب من اسمك ياعسل
انا قلت للمحامي انو قبل ثلاث سنوات تنوم في مستشفى الصحه النفسيه وكان له ملف هناك قال خلاص طيب
والله يكتب الي فيه الخير
وقلت باي طريقه ابغا الانفصال
طلاق فسخ نكاح خلع اي شي
المهم ما ابغى ارجع له وما ابغاه ولي امري
فهمت المحامي علشان يفهم القاضي
والله ييسر اموري يارب