مطلقه من سنه ونصف طبعاً خلع ولله الحمد جداً راضيه ومقتنعه باللي كاتبه رب العالمين
جداً مغبونه من هالمجتمع والناس ونظرتهم لأي مطلقه !
صحيح الحمدلله واثقه من نفسي ومن اخلاقي واني ماغلطت على اي احد ، وكل شي بقناعه اللي حاصل
في القريب حصل لي موضوع خطبه وشوشره واهلي مبسوطين لدرجه يخططون متى يحطون الزواج ومقتنعين
خطبني ولد لم يسبق به الزواج وانا كنت ككثير متردده ومو مرتاحه من ناحية الموضوع فبه شي يردني
استخرت الله وتوكلت ، حتى حصلت النظره الشرعيه
انصدمت من رده انه خلاص مو مرتاح واللي صدمني اكثر امه تقول جاء الكلام ككثير ليه يتزوج مطلقه وصرنا نتضايق من الكلام !
علماً كل زواجي ما صار له 3 شهور او اقل
وش ذنبي تتقدمين وتزنون وتخلوني أتأمل واستبشر واقول ان شاء الله ربي عوضني بالأفضل
جالسه اكتب لكم فضفضه مالي الا الله ثم انتم مقدر اقول لأهلي شي او اقولهم حسيت بجرح ليته ماشافني شوفه شرعيه اخف علي
*
الحمدلله على كل حال ، والله يعوضني بالأفضل في القريب العاجل
ماكسرني الا فرحة امي وابوي ، والحين يجيهم سبب الرفض البنت منفصله
الله كريم ، دعواتكم الله يرزقني ويرزقكم ويعوضني خير ووياكم
فيه مواقف تمر علينا مانقدر الا نضحك ضحكه مستطنعه نحاول نوصل للي قدامنا ترا الموضوع مو مهم وداخلنا صرخه عميقه لا نستطيع إطلاق العنان لها