ماله حق ياخذ الولد منك لاتخافين دامك ماتزوجتي حطي ببطنك بطيخه صيفي واذا ع الصور خلي اخوك يرسل له كلشي وانتي اطلعي منها وريحي راسك

هذا تعديل (ارجوا ان تحذف المشاركة رقم 12 )

اقصد ان تلتقطي نية صحيحة حين تضعينها في قلبك...
فلا يمكن لبشر ان يتحرك حركة صغيره ولا ان يهمس ولا ان يبصر ولا ان يسمع ولا ان يفكر الا بان يضع اولا نية في قلبه. (بدون النية لا يستطيع ان يتحرك حركة صغيره)
هذة النيه هي التي تشغل العقل والسمع والبصر... فان وضع الشخص نية خطاء في قلبة فان عقلة يعرض له منطق خطاء...
معني هذا ان بني ادم يمكن ان يفعل اي امر ولو كان فاحشة (فقط حين يلتقط قلبة نية خطاء).
ولهذا فان بعض الناس يفعل جريمه .. فحين تتغير نيته فانه يندم ويتعجب (اين كان عقله!! )
فكلما تغيرت النية في القلب فان المنطق في التفكير يتغير .. ويتغير ما تبصرين ويتغير ما تسمعين... فتبصرين اشياء لم تبصريها او تسمعين امورا لم تكوني قد سمعتيها..(فالذكاء هو مجرد التقاط النية الصحية التي يضعها الانسان في قلبة فيشتغل عقلة وبصرة وسمعه).
ولهذا فان استعباد البشر يكون عن طريق رفع شعارات صغيره (لاجل ان يقذفون نيه في قلوب البشر لاجل ان يتم برمجة عقولهم)
والشيطان لا تفعل شيء سوي انها تقذف نوايا خطاء في قلوب البشر لاجل ان يتبرمج عقولهم (فتقودهم بدون سلاسل ولا حبال).

فلا تدعي قلبكي يستقبل نوايا من مهب الريح.. ابحثي عن النية الصحية فيما قلت لكي...

اتمني ان تجدي شيء في طيات ما كتبت.

لكل مقام مقال

اخوي المحقق
وش دخل النيه الله يرضى عليك بموضوعي

حبيبتي مبتعثه نعم يرسل له شهرين وما اضلمه

طبعاً تكلمت مع شخص فاهم وهو شيخ ومصلح اجتماعي
وياخذ دائمن بيد المراءه وينير لها بصيرتها بكلام الحق واحاديث الهادي عليه افضل الصلاة واتم التسليم
ويعلمها بالصح ويحثها عليه وينبها من الخطاء ويحذرها من الوقوع فيه
لان اغلبنا يالحريم نجهل امور او ممكن تغلب عاطفتنا ع عقولنا
ونجني ع انفسنا من سوء عمل ايدينا وقراراتنا
ونجي بعدين اذا طاح الفاس بالراس نلوم الحظ
واحنا الي اخترنا وقررنا ومال القدر والحظ والنصيب اي يد بالموضوع ..... هذا مما تعلمته من الشيخ


استشرته بالموضوع وهو يعرف موضوعي كامل
ولمن فتحت له جراحي وصبري
اعطاني كلام بالعظم
قال اثمه ع فعلك هذا
الصبر يكون في شيء ترجين خيره
مو انسان مزواج ويلعب بالحلال وهذا حرام
واستهان بحياتك وماقدر الطفل والنعمه الي اعطاه الله
الصبر يكون ع الانسان الصالح الطيب
اما هذا الزواج منه واختياره لبناء اسره فشل

ولمن خبرته برجوع طليقي للحديث معي عن طريق الوتساب
قال نادم وانبه ضميره
ولا يرغب في شيء الا السماح وتصفية القلوب

عاد انا هنا انفجرت صراحه
كيف بالله يبغى عفوي عنه بعد كل الي سواه
حسبي الله عليه دنيا واخره

عبير
جد غلطتي لما كلمتيه
هو يبحث عن مصلحته لاخر لحظه
تنازلي عن رفع قضيه نفقه
ويمكن تسامحيه ويرتاح ضميره
شكله عارف ان قلبك طيب وتلينين بسرعه
هو مش محرم دام تعديتي العده

انتبهوا تثقوا وتتواصلوا مع اي رجل
حتى لو شيخ ...او امام مسجد

انا اشوف تصكينه حظر وتخلينه يلف حول نفسه.خليه يعرف ان بنات الناس مش لعبه يسوي مصايب ويرجع يبغى يصفي القلوب .المفروض يتواصل مع اهلك علشان عيالك لاتسهلين عليه التواصل معك ابد لأنه لايبحث الا عن راحته . والله يكتب لك مافيه الخير .

السلام عليكم ورحمة الله


اخت عبير ..

اعتقد جاء الوقت الي تتصالحي مع جروحك ..
او بالاصح .. تتعايشي مع مسبب هذه الجروح ..

بالنسبه لي .. طليقي وانا اعطينا بعض حضر لم يستمر .. سوى ايام ..
بعدها حسيت من الغباء اني احضره ..
لي منه بنتين .. وغايتي وهدفي .. هالبنتين ما يخسرون ابوهم ..
على الرغم .. من اقتناعي بأننا لن نرجع لبعض .. وعلى الرغم من زواجه .. وان رجعنا لن يكون ذالك الا بعد سنين طوال ..

صحيح البعض سيقول لا يحللك .. ومو محرم .. لكن هذا ابو ولدك ..
يعني خذي الامر بطريقة اكثر اريحيه .. وبرسميه ..

واعتبري الواتس ..طريقة اخرى للتواصل فيما يخص الابن ..

وان طلب ابو ابنك السماح ..والصفح .. لا تستغربي ذلك .. واعفي واصفحي

طليقي .. تخلى عني ورماني ببيت اهلي .. وتزوج واجلسها في بيتي
وعلى اثاثي باختصار استحوذت على حياتي .. وبيتي وجاراتي .. على كل شيئ
حتى بناته لم يتواصل معهم ل 6 اشهر .
لم اكن اعرف بزواجه كل ما اعرفه هو اني في بيت اهلي .. وهو يرفض التواصل معي على اي حل لحل خلافاتنا
كنت في كرب شديد وهم واحساس الظلم .. مزقني .. كنت اقول له ظلمتني .. وكان يقول ما ظلمتك .. واي ظلم الي تتكلمي عنه ..
ومرت الايام .. بعد سنتين .. طلب السماح والصفح ..
سامحته وابحته .. وحللته امام رب العالمين .. طلبا للعفو والعوض من الله ..
لو كنت مكانه .. ساجري وراء من ظلمت حتى يسامحني .. ولا القى ربي بذنب الظلم ..
.....

ابغى اوصل لك الكلام الي ابغى اقوله .. بس مش عارفه كيف ..
حطي نفسك مكانه .. وقيسي الامور ..
مثلا طلب صور لابنه ..تخيلي بانك انتي من طلبتي هذه الصور .. من طليقك
الن تتمني لو يرسلها لك .. وتري ابنك ... لو بالصور ..
وهكذا كل موقف .. قيسيه وضعي مصلحة الابن ومصلحتك ومصلحة طليقك بالاعتبار .. نعم مصلحة طليقك ..
بعض البشر .. كي تأمنهم .. اضمن مصالحهم .. بما يخدم مصالحك ..

...

ملاحظه : قالك تزوجي ومراح ياخذ الولد
ممكن يخطط ياخذ الولد .. لانك تزوجتي
وممكن يجس نبضك يبغى يشوف اني تبغي تتزوجي او لا ..

شموع الحب
طلب التواصل لمصلحه الاطفال جميل
لكن يستخدم التواصل للوي ذراعها وتهديدها من وراء ظهر اهلها
او يلين بالقول معاها وهو ماعنده نيه ارجاع

اهلين مبتعثه متفائلة ..
عشان كذا قلت .. تواصلها معه لازم يكون رسمي وب اريحيه ..
التهديد والعبارات اليكتبها لها واضح بانها نتيجة الغضب والمشاداة الي حصلت بين الاخ وطليقها ..
وبسبب احساسه بان من الممكن ان تربي الطفل على كرهه ..

طيعا هذا مو مسوغ .. او عذر .. يشفع له بتهديدها ..
لكن اذا ضمنت تواصل طليقها مع ابنه .. راح تامن شره ..
وبنفس الوقت راح تسوي التصرف الصحيح ..
كثير رجال اخلاقهم .. قمة في السوء لكن مع اطفالهم ..
ينقلبون 180 درجه .. للافضل ..

اذا كان التواصل .. رسمي .. وبدون لين في القول وخضوع ..
انا اأيد .. هالوضع ..