حكتب لكم اخر موقف
لتكونون بالصورة .. سأحكي لكم وضعي ..
1- أنا بزيارة لاهلي و مضطرة للسفر مرة ثانية خارج البلاد بعد ايام وترك ابنتي عند أهلي.
2- زوجي لا يمتلك شريحة اتصال (ابختياره) يتعامل فقط بالواتس حين يجد شبكة نت !
3- ابنتي وضحت عليها علامات الكساح فالواجب علينا اخذها للمستشفى لمعالجتها ..
طلبت زوجي ولم يقصر وواخذني لمستوصف الحي ( حكومي)
عندما طلبت لها رقما رفضوا ادخالها لطبيبة الاطفال
وحولوني للطبيبة العامة ..
ومثلكم يعرف الازدحام على الطبيبة العامة.. حين حولوني
خرجت لزوجي واخبرته واستشرته
بأنه لو امكن ان نذهب بها لطبيب مختص بمستشفى خاص
طبعا
لكن قال لي( لا روحي اكشفي)!
دخلت اكشف بدون نقاش لانه سبق وقال لي مضغوط ماديا. تحملت الازحام وطول الوقوف وحرارة الجو لاجل الطفلة ثم لاجل زوجي
وليكن بعلمكم انا لم ادخل مستشفى حكومي قط
قبل ارتباطي بزوجي ... كنت اقول لاجل عييين تكرم مدينة .
كان رقمي 6 لكن بعض المرضى حوامل فيتأخرن عند الطبيبة
انتظرت مايقارب ساعتين ومع بكاء الطفلة وحركتها كان الوضع مأساوي .
على خروجي من عند الطبيبة مسكتني
امرأة وقالت لي انت فلانة ؟؟ قلت نعم
قالت زوجك يقول اخرجي.
قلت لها قولي له هي تكشف الان
لان معي اوراق لابنتي يجب ان اسلمها للاستقبال

على عجاله سلمت الاوراق وخرجت حتى الدواء لم اصرفه
خفت ان به مكروه
خرجت وجدته يشتعل ! بركان متأجج يكاد يحرقني .
اعتقد لو كان القتل حلالا لقتتلني .
ساااااااعتين انتظرك سااعتين ولاده هي ؟
ليه ما خشيتي بعينهم
اللي شفتهم طفلين بس اللي دخلو المستوصف وتقعدين
هذا كله يا بارده ياميتة قلب ياجدار !
ليه متحملة ذا كله كان خرجتي نروح مستشفى خاص ..
كان سحبتي عليهم
ساعتين انتظر سواق ؟
ما قلتي اطلع لزوجي اشوف يمكن محتاج شيء
او اعلمه رقمي واقوله كم بانتظر !
اروح اكلم الحريم عشان ينادونك !!!!
الخ من التوبيخ والكلام الجارح !!!
*ليه اخش بعينهم طيب وانا شايفتهم منظمين هذا اليوم وبالارقام مافي احد يدخل مكان احد ؟
*كيف اعلم الغيب واعرف انه وافق يعالج الطفلة بمستشفى خاص !
* كيف اطلع واقوله رقمي فرضا لو طلعت و راح علي دوري؟
* اعرف ان حل هذا كله باتصال منه لكن ايش ذنبي انه رافض يمتلك جوال !!

تناقشنا مرة ثانية لكن للاسف لم ننته لشيء
وبالاخر يقول انت ما تحسين في كزوج
كيف ما طلعتي تشوفيني ملطوع برى ساعتين
كاني سواقك هذا تفكيرك !

قلتله خفت تفهم من طلوعي اني ابغى مستشفى خاص
وانا ما ابغى احسسك كذا ما ابغى واني ماني مراعيتك
قال اصلا توبة افضفضلك اني مضغوط ماديا هذا تفكيرك الخبيث !!

ورجع يعيد نفس الكلام اني مستحيل افهمه !!

أختي الكريمه ..
لابد من الحرص حتى تتفادين المشاكل اللتي تحصل!! وزوجك يريد منك اهتمام على الرغم انه كذلك مقصررر
لكن بادري واظهري له الاهتمام ... وانت اكثر شخص يعرف زوجك وتستطيعين ان تتغلبين على هذه المشكلة بسهولة .....
بعض الرجال يكونون حارين شوي وكذلك العكس بعض النساء حارين ولا يحبون قلة الاهتمام
.....

اللهم اجلب بينهم المودة والرحمه ..

احاول اتفادى المشاكل .. فتحدث مشاكل من حيث لم احتسب !

وعليكم السلام ورحمة الله وبركاته,,,
مرحبا أختي الكريمة.
هل فقط هذا الموقف أم فيه تراكمات بينكم؟!
ماهي سلبياته وإيجابيته؟!
ولماذا يحكم عليك بهذه الصورة هل فيه أسباب جعلته يفكر بهذه الطريقة؟!
هل صارحتيه بهدواة؟!
أصلح الله حالكما.

المشاكل كثيرة لكن لا اقف كثيرا عليها
فقط يؤلمني كلامه لانه بكل مشكلة يقولها حتى لو تافهة .

نعم صارحته لكن لا اخرج بفائده لانه لا يحب النقاش ويعتبره نكد .
حتى مرة قلت له كيف يعني باردة ؟
ذكرلي موقفين اني لا انظف اول بأول ..
واني استغرق وقت طويل فالاستعداد للدوام !

حين بررت له التعب الذي اجده مع الطفلة والدراسة والمنزل والطبخ .
اعتبرها عدم تقبل لسلبيتي !!

حتى يقول لي انت باجازة الاسبوع لا تنظفين وهذا ظلم !
ومرة من المرات قال لي اخرجي للجيران قلت لا اريد ان ارتب المنزل
قال اخرجي التنظيف لاحقه عليه !
هذا اكبر دليل اني اهتم بالمنزل بشكل اكبر وقت الاجازة

كوني مرايته اعملي نفس مايعمل بالضبط وشوفي ردة فعلة
مدحك امدحيه
.................
امكن يحبك اذا عملتي كذا
ومن ناحية شريحة الجوال متى كنسلها وهل السبب فواتير متراكمة؟

لا ياامرام تصرفات زوجي ما تعجبني ..

وأنا التعزيز بلساني حتى هواياته اجيبها بطريقة واعبر عنها واحيانا
احطهاةصورة باللوااتس ويفرح
مثلا الصيد لما يقولي رحت البحر اقوله تعجبني ماشاء الله الصيد يبغاله صبر
ومحد يتحمله الا رجال قوي و صبور
اذا راح سكاي داايف اقوله ماشاء الله على شجاعتك والله انك مغامر
الخ واخرتها قبل كم يوم وانهايتها شايف اانه الكاامل المكمل ويقولي الكلمة اللينة
ما اسمعها منك !

وشريحة الجوال يوم جينا السعودية ما طلع شريحةيقولي اريح من دون جوال .

محد يزعجني باتصاله !

امممم عني ايجابياتك ماشاءالله حتى سلبياتك في نفسك ماضرتيه في شيء وإللي يشوفها زوجك ويفسرها من رأسه كله سوء فهم ..
انتي حاولي تفهمين شخصيته واضح إنكم معاكسين بعض دخلي البوصلة الشخصية بحثي عنه راح يفيدك كثير .. وبيساعدك إن شاءالله فكيف تتعاملين معاه

الله يسعدك

__________________

يبغالي ان شاء الله

جزاك الله خير