رد: لما تكون شاذ عن قبيلتك !
اشكركم جزيل الشكر والله لو الموضوع بيدي كان تمنيت اكون حضري وارتاح واعيش حياتي زي الناس
والله جربت نفسي وانا قاعد اتكلم كلامي شوي بدوي والباقي حضري بحتت وطبعا اتلقى السخرية
من عيال خالتي الصغار انا اصلا حياتي مبنية كلها غلط في غلط والله مافي شي يمشي صح تعذبت في طفولتي وكلها من تربية الوالد ولازال مستمر كل اخواني اعترفوا قال تربية ابوي فاشلة والحمدالله عرفنا ندبر اعمارنا وتعلمنا براا والله ي ناس7سنين وانا افكر بالمشكلة ذي دايما شارد واعاتب نفسي
وطبعا للأسف فيه اموور كثيرة ماذكرتها يعني انا مابه فضيحة الا وصارت لي محد كان يمي واسمع كلام من فلان وعلان علي وطبعا اشوف نفسي بالمنظوري انا يطلع الكلام الصحيح
وللأسف كنت اخاوي مممبزرة وعارفيني من قبل والى الان وعارفين نص الي صار لي
وكل مرة اقول مبزرة ومايعرفون وامشيها لاكن قلبي ناغزني ودي اقطع علاقتي وارتاح
بس مالقيت حل الكلمات الي سمعتها منهم ( ماتعرف علوم الرجال ومافيك ذرة رجولة -مايعة )
ومن هالكلام وكنت اسمع كلام يعايروني ي البزر عشاني اماشيهم مايعة من ناحية اهتم في نفسي
وانا اصلا ما اهتم بس لما شافوا غرفتي مواد نظافة وقبل كنت اتسبح واجد وعشان هيئتي الطبيعية
وصوتي فيه من ليونة حتى الضحكة لو بضحك طبيعي صوتي فيه ليونة بشكل كبير
فعشان كذا اسمع هالكلام منهم واحيانا ما ارد وعلوم الرجال عشان كلامي ماهوب مثلهم
اذا جيت عند ناس او اي احد لازم اتصنع واخشن ضحكتي ولا اضحك كثير لان طبعي اضحك واجد
ودايما اخشن صوتي واركز على كل كلمة وانتبه وادقق وعلى هالحال وعلما احيانا اقول اسمع الكلام ذا
عشان فيني هيئة من الجمال بس مو كثير يعني ملامح وجهي زينة وعشاني على طبيعتي وضحكتي فيها ليونة يقولون ميدي هالكلام والله تكسرت بسببهم تكسسرت
انا انسان مختتلف عن الجميع مثلا لو يدرون اتابع مسلسلات تركية واجد يعتبرونها فضيحة
لان البدو عيب ومن هالكلام واهلي وكل الي يقربول لي ماهم يشبهون لي
قبل كنت اسمع اغاني اجنبية واجد وهاذي عيب بعد
انا خالاتي وكل الي يعرفوني يعرفون اني الولد الوحيد في ذا العايلة حضري بالمرة
مرات أتأمل لان احد خوالي يجي قليل لبيت جدتي قبيلي نفس قبيلتي بدووي لاكن حضري بححت
كان ودي يجي واجد لاني ارتاح اذا قعدت معه ارتاح لاني لقيت من يشبهني
مرات ياناس اقعد معا نفسي ليش انا مافي مشكلة في دنيا وصارت ليه دايما افتقر للخبرة الاجتماعية ليه دايما كل شي يصعب علي
يعني سواقة اتوماتيك ويالله يالله السيارات الكبار ما اسوقهن
العايدي ماعرف له
خطي موب حلو ومتعبني واحيانا اذا جيت اكتب اكتب غلط بسبب اني شارد
ودايما احس بالضعف في عضلات وفيني رهاب اجتماعي
وانسى كثير وفيه اكثر واكثر
خلونا من ذا كله عيال خالتي اثنين هذولي واحد في ثاني متوسط وثاني في ثاني ثانوي
دايما اذا قعدت ما ارتاح معهم احيانا يغلطون علي يعني يحسبون اتقبلها
قبل ما انزل مشكلتي كان الثاني يغلط علي واجد يالمايعة تعرفون البدو اذا شاف حضري مايعة على طول يحسبني اتقبلها وتحملت ابلع واسكت لما قرررت اتهرب وابعد عنهم
كنت طالع معهم كذبت عليهم ابوي محتاجني نزلوني ورحت وغبت يومين والأول اتصالات علي يبيني اخاويه والثاني نفس الكلام اتصالات واجدة وانا ما ارد عليهم
بعد يومين جاء اخو ابو ثاني متوسط عشان اخوي يلعبون معا بعض دق عليه اخوه يقول عطني محمد الي هو انا ورديت عليه وقدرت اصرفهم وقعد يحاول فيني اخاويهم لما شفته ملزمن علي قلت اروح ورحت وشفت التغير ماعاد احد يغلط والي قلبي قارصني يحسبوني سحبت عليهم عشان كذا وانا مابي يفكرون كذا على اني ضعيف اروح معهم عشانهم تعودوا علي لاني حق فلة وناسة واوسع صدورهم وقد صارت مرة والثاني زل لسانه وغلط علي بالمزح يعني ادخل يا00 هم يقولونها عشانا متعودين نرمي كلام على بعض وانا اصلا ماحب الشي ذا وللأمانة انا اخاف اواجهم عشان كل واحد اللسن من ثاني واخاف صدق
وانا اتهاوش يقولون الي في خاطرهم ودهم يقولونه لاني قد سمعت هالكلام من الأول ابو ثاني متوسط قبل سنة والحقيقة تغير ربع كلامي منهم لاني احفظ وش قاعد يقولونه واركز للأمانة اشهد لهم بالكرم خاصتن الثاني ماقصر اذا انا ودي اعزمه بس خايف لان لازم اجيبها بالبدوي لانه عييب انا ما اكره البداوة العكس الود ودي اكون بدوي بس موب بالمرة
بس شسوي الحياة الي عشتها اجبرتني كذا شسوي عني الامر موب بيدي ولا ابوي الي عرف يربيني على الحياة الي عشتها وتخبطات وكثرة قعدتي معا البزران صارت عقليتي شبه بزر وقد سمعت من اخواني عقل مهوب على سني يعني على اني بزر
والله من قوة الضغوطات قلت ميد ابوي ياخذني في العزايم رغم اني اتعب نفسيا واضغط على نفسي ضغغط وكل مرة ادعي ان الله يستر علي بس ماقدرت ولا كنت قد كلمتي
والل ما تحملت حتى ابوي زعل مني وقدرت اجيب عذر مؤقت عشان اتفادى العزايم لاني اذا رحت اخاف اتفشل + ماحب القعدة معهك + اتحسر واشوف فلان وعلان اخير مني وكلامهم مابه ازين منه وانا يالله على كلمتين الي انحرج صدق اذا احد قالي وش هي علوم الرجال والله ماراح اعرف ارد ولا اعرف الا شوي عن قبيلتي والله اني ياجماعة الخير افكر بأفكار ماتجي على بالكم اقول في نفسي لو تقدمت اخطب من خواتهم خاصتن عيال خالتي اكيد بيقولون ذاه مهوب رجال ولايعرف علوم الرجال ولا فيه من البداوة وانا اصلن شايل الفكرة تماما وماحب زواج اقارب وانا ضد الشي هذا وقعدت اقول في نفسي
انا لو رحت معا خالتي ادرس برا لان احتمال اروح اخاف انسى الكلام ورجع لهم وانا كلامي غير وبتفشل والدراسة براا بحد ذاتها خاايف منها بسبب البحوث
الشكوا لله ان لله وإن إليه راجعون تدرون كم مرة فكرت ادعي ان الله ياخذ روحي قبل ما اجي في سن زواج استغفر الله علي العظيم وصلت هالمواصيل شسوي تعبت
محد بيحس الي احسه من 7سنين الله يعلم اقسم بالله كنت اعاني من الارهاب الاجتماعي
والله المرض ذا دمرني دمرني دددمرني والله تعبت وانا كنت احاول اشفى منه بالعلاج السلوكي طبعا مارحت لأي دكتور كنت اجرب واغلط واغلط لما تعلمت شوي
وصلت فيني افكر اهاجر اعيش في دولة ثانيه وجد افكر بذا الموضوع
والماضيي يقهرني قهههر والي مو عارف يشيك على مواضيعي السابقة ويحمد الله على ما ابتلاه على عباده انا بلاني في مصايب ورب الجلالة كبييرة وكم مرة انفضحت وحتى اني مادري هل خوالي يدرون بالي صار
ولالا انا لما كنت صغير كنت معا وحدة من بنات خالاتي كنا عشرة عمر يعني زي اصدقاء
والله بلاني انها شافتني وانا اتحرش كم مرة والسبب اظن من مدرستي ..........+ غياب المسؤولية محد كان يمي ولايدري عني شي مابي اتكلم في ذا الموضوع
لانه يتعبني ويضغط علي نفسيا وهذا شي حد ذاته يحرقني كل يوم
قبل3 سنين او 4 راحت وكلمت ولد خالتي الي حاليا في ثاني ثانوي قالت له اني .........
وانتبه منه وجاني ولد خالتي وعلمني وكذبتها وصدقني حسبي الله عليها ..........
................ولايخفى انهت نشرت كل شي عند بنات خالاتي
طبعا احدثكم انا بيني وبينهن عشرة عمر بزارين وعارفين هالسوالف عشان كذا مايستحون مني من ناحية الكلام وكلهم معتبريني مثل اخوهم حتى خالاتي كلهم حتى المتدينات يرتاحون اذا كنت موجود للانهم واثقين فيني
ادري كلامي مهوب مرتب ومبعثر وملخبط بس الي بقلبي ودي اقوله حاليا ارتحت نفسيا والله يسعد من فتح هالمنتدى انا مليون مرة افكر ليش ربي بلاني بالمصايب ليه انا بالذات اتعذب نفسيا ولعلمكم كثرة الهواجيس والتكفير سببت لي وسواس القهري قاتل
في الوضوء انسى غصبن عني في صلاة انسى غصبن عني وصرت بعيد عن دين
لا اذكار اقرائها ولاشي احس شي يردعني مارتاح حتى صلاة استخارة ماحب اصليها
لاني بواجه الوسواس وبسبب ذنوبي الكبيرة ماراح يتحقق لي شي واقعد افكر مشاكلي الكثيرة اتعب واقول ماقدر والله ودي بالمرة احلم حلم يتفسر على الي صار لي انه خير
حلمت مرة وانا مانيب متأكد الرؤية تفسيرها صحيح ولالا فسرتها قال الشيخ هل ابنك خاطب قالت لا قال راح يجيه رزق وخير من الله لاكن عليه طاعة رب العالمين
ماودي اكثر عليكم الي فوق كتبته فضفة ابي اطلع الي في داخلي
حاليا تنصحوني احاول اقطع علاقتي بالعيال خالاتي ؟؟؟؟؟؟
علما لقيت فرصة وهي الجامعة اقدر احطها عذر وينسوني ودي باليوم يزعلون ويقولون تكبرت علينا عشان افتك
صدق ياناس اذا احد قال لي وش هي علوم الرجال وش افضل رد اختصره ؟؟؟
لاني فاهم المقصد لاكن محتاج رد لعل وعسى وصار شي اعرف ارد
وادعوا لي محتاج دعوات انا ماعاد فيني طاقة اتحمل لعل وعسى تنفرج
الله يعين ويفرجها علي
التعديل الأخير تم بواسطة رائحة البخور ; 16-08-2015 الساعة 02:27 AM
23-07-2015, 02:27 AM
ضوابط المشاركة
العرض العادي
