وجهات نظر مختلفه لكن أغلبكم مع ان الاهل يوقفون مع بنتهم.

طيب خنقلب السؤال
لو ( الله لا يقوله ) طلبت بنتكم الطلاق من زوجها وانتوا شفتوا ان الموضوع ما يستاهل الطلاق لكن البنت عاندت وبقوه والنصح ما فاز معاها . شنو بيكون رد فعلكم ك اهل؟

1- ترضخون ل طلبها وتاخذونها اتعيش بيتكم ؟
2- ترضخون ل طلبها لكن اتخلونها أتحمل العواقب بالكامل ( مسكن بروحها لها...الخ ؟ )

والله كثير عوائل يطلبون طلاق بنتهم وبعد ورقة الطلاق
يندم الجميع . ويلقون بالوم على البنت وتتغير معالمتهم لها
وتكون عبئ عليهم وتكون تحت الانظار وعسى بس ما يجي واحد
يخطب يبون يمشونها .فوضع المطلقة هنا جدا مزري
ومع كل اسف الكثير من المطلاقات هي من تسعى وتعجل بطلاقها
لركاكت سلبوها وعدم دعمها وتوجيهها التوجية الصحيح من اهلها
وكثرات المخببين من حولها وبعد الطلاق وبتعاد الجميع عنها تندم
ندم شديد وتجي طرح موضوع بالمنتدى احب طليقي ونفسي ارجعلة
خيبات امل

__________________
سبحان الله وبحمده سبحان الله العظيم

اخوي عبدالله

بخصوص الجزء التاني من سؤالك ..

وقتها .. الأهل راح يلقوا اللوم على الفتاة ..
و يخلوها تتحمل العواقب بالكامل .. بس طبعا الأهل ما يستغنوا عنها مهما كان ..

والله اللي بيبتعد لمجرد انها مطلقة...

الله يغنيها عنه لان معدنه بان..

__________________

اختلافي عنك لا يعني اختلافي معك

أختي عاشت مع طليقها عشر سنوات .. وفجأة طلبت الطلاق.

حاولنا نفهم السبب لأنها عمرها ما اشتكت منه .. لكنها ما تكلمت وصممت على الطلاق لدرجة إنها تنازلت عن حضانة بناتها بعد ابتزاز طليقها لها من هالناحية.

وفعلاً تم الطلاق .. ورجعت بيت أبوي.

صحيح اتضحت أسبابها عقب فترة .. وكانت أسباب قوية .. لكن في البداية ورغم إن إحنا ما كنا فاهمين مبررها لكن مسألة رجوعها عندنا ما كان فيها فصال أو نقاش.

في كل الأحوال هي بنتنا وما بنرميها في الشارع.

بالإضافة إلى إننا ما عندنا هالنظرة العجيبة للمطلقة.

__________________


اللهم طِيبَ الأثر .. وحُسْنَ الرحيل.

اتوقع لعدة امور مجتمعه .. اما تجتمع او يكون لكل بيت سبب ..
منهم مثلما ذكرت لان الزوجه مالها الا بيتها ومن بيتها ع القبر ..
حتى لو تمشكلت معاه ورجعت لاهلها عيب عندهم ويردونها لزوجها
حتى لو هو غلطان فما بالك لو مطلقه ..!!
بعضهم اتوقع يحسونها تحرجهم ..
مطلقه بنتكم يعني فشلت في الحياة الزوجيه
يعني عافها زوجها ورماها عليكم ..
وبعضهم يشوف انها ممكن تجيب لهم العار
بمعنى تسيرها رغباتها المحرومه ..

اتذكر قصة ولعل في ذكرها عبره وعظه ..
عروس لم تكمل نصف سنه مع زوجها .
الا وكان يضربها ويسئ معاملتها .. كانت تهرب اليهم
ويقومون بارجاعها ..
وبيوم ضربها حتى نزفت وخرج من المنزل وهي ملقاه على الارض والدماء تسيل منها..
عاد بعد ساعات وقد فات الان اذ وجدها ميته ..

قصة حقيقة ووالدي يعرفهم جيدا ..
الله يرحمها ويغفر لها ويعوض شبابها بالجنة يارب ..

احمد الله كثيرا لم اعاني مما ذكرت ..
المطلقه زي البنت عندنا عادي لها كرامتها وحقوقها ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

ماعندنا هالشي
وغالبا المطلقات اقرب لاهلهم من بنتهم المتزوجه
رحمه بها

اخ عبدالله
ارحم نفسك
ليمتى بتعيش بدوامه طليقتك
وتحلل وتفصص حياتها
طليقتك لو تعاني عند اهلها لارجعت لك
لكن مرتاحه ومستقره وتسافر وعايشه حياتها

هلا اختي
ماني عارف ليش ناشبتلي اب كل موضوع الله يهداج ههههههه
الموضوع طرحته للنقاش لان فعلا كثير من الأخوات المطلقات يعانون من هالموضوع

ليه طرحت هالموضوع
هل له علاقه بمستجداتك