باختصار ذكرت انك سبق وغلطت عليها زوجتك ماتحسن بالامان معاك لاسباب انت اعرف بها مننا وابوها اتوقع بعد غلطك عليها ماصار يامن لك حسسها بالامان وانك سند لها مهما صار وماتجرحها باي شكل

في البداية دام ان عمك اخذ بنته من دون مشورتك ولا استأذن منك وفي نفس الوقت بنته وافقت فهنا لديك حجه عليهم بالنسبه لي لوكنت مكانك كنت رحت اخذت اولادي وتركت بنتهم ومصيرها ترجع
ولاكن بحكم انك كنت تتهاون معى عمك وزوجتك ومافرضت شخصيتك عليهم من البدايه فيستحسن انك تروح منزل عمك وتجمعهم وتحطهم بين خيارين
1-يعطوك زوجتك واولادك وانت المسؤل عنهم مثل ماجرت العاده بين المتزوجين وعمك يعتبر المرجع في حال وجود اشكال
2-يسكنو زوجتك اين ماارادو ولاكن مانت مجبور تسكن معها يعني متى ماودك تجي عندها جيت
بالنسبة للشرط الثاني ليس المقصود منه الموافقه على تسلط عمك ولاكن المقصود منه غاية راح تفيدك وتكون بصالحك ان تم الاتفاق والموافقه عليه

__________________
تمنيت حبـاً يدوم طويـلاً .. فـدام الحب وَ رحل الحبيب.

هلا اختي. عمرها 32 سنه

مرحبا. مخلي هالخيار اخر شي رغم ان اهلي يعلمون بالموضوع ولكن ما ابي ادخل احد بالموضوع

مرحبا اخوي الوحيد. انا فتحته بالموضوع من قبل كشكوى له على بنته بأني لا ارى اهتمام منها وللاسف دائما يوقف بصف بنته. هالشكوى بعد ما حاولت اتناقش معها كذا مره بدون فايده. ودايمن هو الي يطلعني غلطان واني لازم ادور راحتها. طيب وانا؟ مو المفروض الزوجه تريح زوجها بكل امور البيت علشان يقدر يجتهد بحياته ويوفر لهم حياه كريمه ويريحهم؟

فعلا الرجال ماقد قصر مني ولكن انا بعد عندي عزة نفس وكرامه ولا ابي يجي يوم تمن علي زوجتي فيه بكرم ابوها مثل ماقالت لي برسالتها ان ابوها كان يعبي ثلاجتنا. ياما حاولت معه بهدوء انه يخليني بس الرجال الله يهديه كل شوي يزن علي لين ماعاد قدرت استحمل

لازم اسكن قريب من اهلي علشان اخدمهم. مافي احد من اخواني بالمدينه الي انا فيها الا انا ومعليش خدمه امي وابوي اهم علي من زوجتي وعيالي ولا اعتقد بأن فيه احد يعارضني بهالنقطه.

اما ليش احط في بالي السوء هو لان مثل ماذكرت ان عمي شرا بيت لبنته الكبيره والان طارده زوجها من البيت. لا سمح الله صار لي كذا وين اروح؟ انا بعد ابي اامن مستقبلي ولا ابي اكون تحت رحمة زوجتي.

جزاك الله خير والله يسمع منك

معليش بس انا ما ارضى احد يعطيني شي بارد مبرد. ابي احس بالتعب علشان اعرف قيمته صح.

يا اخي ايش اللي يخلي زوجتك تجيب الاكل من بيت اهلها؟؟!؟!