ما عليه يا منفردة أخاف إني مخربطة أو ناسية .. لكن مب إنتي اللي زوجة زوجج يت لين بيتج ودقت الباب بأسلوب مخيف ومريب؟!


عموماً .. لا أرى أن تغيري مكان سكنكِ ما دمتِ مرتاحة فيه .. وما دامت تفاصيلك الخاصة مع زوجكِ تريحكِ حالياً.


وفي كل الأحوال .. مسألة الاعتياد على أن تكوني بمفردكِ عندما يغيب زوجكِ لا مفر منها .. ومسألة ذهابكِ في غيابه عند والدتكِ ستتقلص مع الوقت لا محالة رغماً عنكِ .. خاصةً إن كثر أبناؤكِ أو عندما تكبر ابنتكِ وتدخل المدرسة بإذن الله.

لذلك دربي نفسكِ منذ الآن.



بالمناسبة .. ممَ تخافين؟

__________________


اللهم طِيبَ الأثر .. وحُسْنَ الرحيل.

أنا مع رأي الأخت أعماق
عودي نفسك
ما أجمل البقاء في المنزل والاستقرار ، ممارسة هوايات جميلة والاهتمام بالبيت

وكذلك الأطفال الصغار حتى الرضع ألاحظ أنهم يتوترون عند تغيير المكان والتنقل باستمرار

إن كنت تخافين أقفلي بابك جيدا بالمزلاج ، ولا تخبري أحد بغيابه
وشغلي القرآن
وحاولي إشغال نفسك بأي هواية
يعني هو غياب يوم واحد فقط

وبالتوفيق

__________________

لا تفكرين أبداً تسكنين جنب زوجته
نصيحة مجربه..
ترى كل ما صارت بينهم مشكلة بتنط في ويهج
هذا اللي صاير معاي..

__________________

حاجة الناس إليكم من نعم الله عليكم ، فـ لا تملوا النِعم ☁✨

مشكلتك نفسية وممكن معالجتها بالتعوّد فقط .
خليك في بيتك وتعودّي انك تباتين فيه أريح لك ولبنتك ،لاتفكرين بالانتقال في عمارة زوجك ابد
انتبهي تفتحين باب المشاكل بيدّك وانت في غنى عنها.
دام الحي اللي انت ساكنة فيه آمن ومريح وين المشكلة
اول يوم اسبوع شهر بيخالجك شعور الخوف بس لاحسيتي فيه حاولي تلهين نفسك او تكلمين احد
وحاولي تنامين بدري علشان تتفادين القلق اللي يصاحب تفكيرك وبعدها بتتعودين وينزاح الخوف.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

لا تغيري سكنك
وشوي شوي عودي نفسك

قضي اشغالك كلها من غسيل وكنيس وترتيب واليوم اللي يجي فيه زوجك تكونين فاااضية ومرتاحة

الرسمي
نفسي اجرب يوم اجلس لوحدي .. أقرر طول اليوم اني بكرا ترى بجلس بالبيت ما راح اروح لامي .. ما يجي الفجر الا وانا مجهزه اغراضي ..
لكن لازم احاول ..

Vanity
بيتي بالسياره عن بيت امي خمسه دقايق او سبعه دقايق .. يقدر اخويا يرجعني او يجيبني من بيتي لكنه ما يخدم ..
مافي شقق تناسبني ولا انا فكرت بهذا الشي كثير ..

فرح تايه
رفضوا لانه سكنهم قريب من الجامعه ومن المدارس.. وعندهم الباصات مجانا .. وخدمات ثانيه مناسبتهم .. ومعاهم حق .. وهو اداهم حرية الاختيار ..

ندى
الوقت طويل من سته الصباح لظهر ثاني يوم صح ؟
والله نومتي ببيتي اريح .. تخيلي بعد ما تعبت ع بنتي هالفتره وخليتها تنام 12 او وحده بالكثير واصحيها الصباح .. عند امي تقلق من النور والإزعاج مسكينه.. أساسا هي اللي دفعتني أقوي قلبي وأفكر بجديه استقر ..


أعماق..
انا كنت مبدعه بالتصوير لكن من لما وصلت نص حملي حطيت الكام بالدرج.. وحسابي بالانستقرام وبرنامج اللاين حذفته لانه بنته تواصلت معايا عليه .. وصاروا اقاربوا يتفرجوا ع صوري بالانستقرام.. وتجيني إضافات كثير وصرت متوتره منهم .. لانه بكرا زوجته تقارن وتصير مشاكل فحذفته للأسف .. لكن ناويه على حساب جديد ..وناويه كمان ارجع للتصوير وأبدع فيه.. وللآن ما حصلت فرصه .. فكرة انشغل بشي لكني جباااانه .. كمان زمان كنت أحب اطبخ واتفنن بالحلا.. حاليا طبطب ليس يبئ كويس بالنسبه للغدا لو سويته اصلا..



مهره
ايوا انا .. وجات بيت امي مو بيتي ..
مرتاحه جدا ببيتي بس أحب انه يكون معايا ما أحب اجلس لوحدي ..

بالنسبه للأطفال انا ما ابغى اطفال تكفيني بنتي .. صدقا راح أنفذ هذا الشي وربي يكتب لي الخير بقراري هذا ..
اه اخاف من الليل.. الهدوء.. استوحش لوحدي... مقدر مقدر لكن والله ودي حتى زوجي اقوله قويني اديني خطه تساعدني أتغلب على خوفي اللي ماله داعي واجلس لوحدي ...
امي بالليل لما تقول بروح انام أزعل من داخلي ..



مؤيده بنصر الله
اخاف من الحراميه واخاف من بسم الله واخاف من انه تطفي علي الكهرباء وانا لوحدي.. وأتخيل خيالات .. يعني مو بس الباب اللي اهتم لأمره ..



زين ابيها

تقولي لي !!!
يختي وهي بعيده ان تضارب معاها جاني وحط حرته فيني.. كيف لما اكون جنبها ... بس أفكر كذا لاني بستقر علشاني وعلشان بنتي ..


موت النخيل
كلامك يوصف الحال الف بالميه .. لكن ربي يسهل .


مبتعثه متفائلة ..
الله يجيب اليوم اللي اتعود فيه يااااااااااااااا رب

__________________

ودي.. لانه زوجي دقيق ينتبه للبيت
بعد بنتي صار يعلق اني ما صرت اهتم الا ببنتي
وصار يقول شوفي الارض .. غسلي الملابس... سوي وسوي
ومنظري محرج قدامه وهو يطلب مني اكمل شغل بيتي ..

هذاك اليوم يقول لي انتي مهمله...
قات له ليش
قال طاولة المجلس ليش مايله !
وطاولة الخدمة ليش برا ..

يعني يدقق

__________________

اختي سكنت بعد شهر من زواجي بقرية نائية تبعد عن اهلي واهل زوجي 600 كيلو ولا املك اي وسيلة اتصال لعدم توفرها ذلك الوقت
وكان عمري 17 عاما


بكيت كثيرا من شدة الخوف
وسقطت كثيرا على ركبي لشدة الرعب من اي اصوات قوية خارجية
ثم حملت ورغم الفزع الشديد والرعب الذي عشت به اراد الله ان يتم حملي


كنت متوكله على الله
ومداومة على الاذكار من شدة الخوف
والله اني لا اجرؤ على الاقتراب من باب الشقة ودخول مجلس الرجال عند غياب زوجي من شدة الخوف


ايام الله لايعيدها
ولكن صبرت وتمسكت ببيتي حتى يسر الله النقل لزوجي واستقرينا تدريجيا والحمد لله

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

أختي دام بيت أهلك قريب من بيتك ليه ما تجي أمك أو أخوك أو أحد من أولاد أخوانك يبيتون عندك ليله ما يكون زوجك بالبيت و ادا البيت كبير سوي غرفة لاحد من أخوانك أو أمك يجيك ليلة بعد ليلة يبات عندك و ترتاحي و تريحي و الي يجي عندك يكون مستأنس و لا يمل المبيت عندك حتى تكبر بنتك و يفرجها الله من عنده