عادي يا اختي قولي تعبانة ومعدتي تعورني مع الحمل يمكن ..
والطبيبة روحي لمستوصف اهلي واصلاً مافي شيء الحين فقط خذيبك حمض الفوليك وبعد موعد شهر تسمعين النبض ❤️ بعدها تقدرين تكملين بمستوصف اهلي انا راجعت بمستوصف اهلي 9 شهور والولادة خليتها بمستشفى ..

روحيلك الحين اي مستوصف مع اخوك وادخلي طبيبة النساء وشوفي ايش تقولك ..

وبخصوص الجلسة عند اهلك عادي قولي برتاح شوي عندكم .. ترى مو شيء غريب .. وزوجك خليه لا تدقين او ترسلين او تكلمين امه خليه يراجع نفسه هالاسبوع واكيد بعد اسبوع يدق عليك ان شاءالله ..

انتي ارتاحي الحين وادعي ربي بالجنين السليم المعافى وتغذي كويس ولاااااحقة ع المشاكل .. اصلاً زوجك من يسوفك التهيتي عنه وتجاهلتيه بيبدا يفكر فيك ايش ملهيها ويمكن تعبانة الخ .. فخليه هو يراجع نفسه ..


الله يفرح نظرتك ويرزقك الحمل الخفيف والولادة الميسرة والطفل كامل الخلق والخلقة ❤️

مرحبا حلم،
لازم تكوني واثقة من نفسك...قولي بسوي فحص لان خايفة على البيبي وانا جسمي مايتحمل التغيرات الجديدة وو مب انا كبيرة وعمري 35!!!
ماينفع كذا الله يصلحك

حطي في بالك الثلاثين اجمل سن للمرأة واللي يقول غير كذا ماعنده سالفة ابد
ثانيا كل النساء ينجبون في سن 35... لو النساء تتوقف كان 99٪ من الرجال طلق او تزوج باخرى

الخلاصة
لاعاد تقولين هذا الكلام قدامه ابد ابد ماينفع ويتقليل من قيمتك في عينه

فيه كذا سبب لرفضه... ممكن تكون شخصيته شخصية (الشايب) تحسين انه مدبر عن الحياة اكثر من كونه مستمتع فيها.... وممكن يكون ذاق فرحة الطفل الاول... وممكن يكون يواجهة مشاكل كبيرة مع زوجته واولاده
لكن كل هذا مايهمنا

الاهم انت وطفلك الان
لو منتك احجز شاليه واعزم اهلي واجيب مالذ وطاب وننبسط واليوم اللي بعده اعزم صديقاتي وسوالف وتوسيع صدر والحمد لله... واشتري ملابس حلوة ودلعي نفسك وهو مصيرة بيتغير ان شاء الله

ترى ماله داعي تقولين له انا كبيرة كل شوي حسستيه انك عجووووز مع انك لازلتي شابة وحسستيه ان بنت العشرين تحمل من غير مشاكل مايصحش كذا

__________________

شويه حسسته اني كبيره بس عرفتي الي منقهره وخايفه عليه ماصدقت يقولي عادي انتي ام خمسين بس من كثر ماقرا انه صعب الحمل والتشوهات كلما كبرت خفت ولاهمني رايه. همي اشوف واتطمن ماحسه مهتم للحين ماقلت لاهلي ضايق خلقي شقولهم ماعرف ليه ساكته ماودي يصغر بعينهم يقولون مسكينه مافرحها ويقعدون يلعنونه واشيش معهم وتكبر السالفه المشكله مادق تبوني ادق اقوله تعال وانا سالته متى تجي يقول اقعدي ازين لك ثلاث شهور متوحمه علي مالي خلق نكد اخ بس بنفجر

شوفي حلم احنا مثل خواتك مهما قسينا عليك نحبك ونتمنى لك الخير

نقطة ثانية...اذا هو رفض ياخذك للمشفى روحي بنفسك قولي لاخوك او اذا عندكم سواق. .. هو بكيفه
ولا تعتقدين اللي ياخذها زوجها للمشفى انه يحبها ويهتم فيها واللي ماياخذها انه مايحبها
الرجال يختلفون
...ماستبعد انه حتى زوجته الاولى ماكان ياخذها
بعض الرجال كذا ماعنده الوعي الكافي باهمية المتابعة الدورية

النقطة الثالثة
انا ضد التطنيش ... لانك اول من راح يخسر...
انتي افرحي مع اهلك وانبسطي ... واستخدمي الرسائل.. مثل الله يخليك لي وللنونو ، اليوم طلعت مع اهلي واحتفلنا ليتك معي تكتمل الفرحة وكذا يعني خليك لبقة لابعد حد وخلي لسانك حلو معه
لكن لا تصرحي برجوعك ... اجلسي تقريبا اسبوع اذا ماشفتي تجاوب صرحي له برغبتك في الرجوع للبيت وقصري الشر

النقطة الرابعة
تقولين مابغيه يصغر بعيوني اهلي ويسبونه فاصير ماابغاه بعد!!
شوفي حلم هذا الكلام ماينفع... اول شيء انت مو مراهقة.. وصدقيني ماحد راح يخسر الا انت بتضيعين نفسك والنونو... طالما انه كويس بشكل عام ومشاكلكم صغيرة ياختي احتوي المشكلة ولاتكبرينها... عطيه وراح يعطيك اكثر... الرجل المعدد مشاكله كثيرة بين زوجاته وعياله والعمل ووو.. لما تكسبينه بتكونين رقم 1 ف حياته وراح يلبي لك كل شيء...

الله يسهل امرك

مبتعثة سعودية
ياحبيبتي احبك في الله وأحب اقرأ ردودك
الله يرزقك بالزوج الصالح والذرية الصالحة

مرحبا قلبي سر معاناتي
الله يحبك... ويوفقك ويسعدك ويسهل امرك

ضحكت لما قرأت الزوج الصالح تذكرت وحدة من زميلاتي تقولي لاتصيرين غبية مثلي
قلت خير ان شاء الله
قالت كنت ادعي ب الزوج الصالح ... وجاني واحد صالح بس داج ههههه (داج تعني حالته المادية متواضعة)
قلت اجل وش اقول... قالت اذا سجدتي ادعي بكل الصفات الحلوة الى ان ينقطع نفسك... قلت صعب انك تحصلين شخص كامل... قالت الله يعطي الجنة وقادر يعطيك واحد فيه كل الصفات اللي دعيتيهن ... ومن ذاك اليوم وانا متبعة سياسة الدعاء حتى ينقطع النفس ...

تحياتي،

شوفي يا بنت الحلال
وخذيها مني نصيحة عشان ما تتعبين بس
باختصار ما يبيك وقت الوحم ، يمكن وحم زوجته كان شييييين
بس في النهاية هدفه واضح
يعني لو وش تسوين ما يبيك هالفترة
يبي يفتك ومشتري راحة راسه، عشان كذا توقعي حتى إنه ما رح يدق ولا يسأل
لأن عنده قناعات وسلوكيات وده يطبقها عليك ويمشيك عليها
إعطيه أكبر طناش ألحين ، ولا تدورينه والا ترى بتتعبين لأنه اختار البعد ويبي البعد !!
همك وتفكيرك احصريه بحملك ، والباقي بتعدله الايام.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

بكيفه مو لازم يفررح اهم شي انتي افرحي وانبسططي مع اهلك ولاتخلين نفسسيتك تتعب وتأثر عالجنين

الله يتتملك يارب

اختي حلم ..

باين ان زوجك متعقد من موضوع الحمل والوحام .. لاتجدلينه أبدا تواصلي معاه عادي وبيني انك مشتاقة له .. ولكن لاتلحي عليه .. هنا بيبعد زيادة صدقني

شوفي صديقي زوجته حامل وفي بيت أهلها .. سوى نفس حركه زوجك .. ليه لان بحملها الاول والوحام .. جابت له الهم والغم . لدرجه كان ينام عندي بالبيت وزوجته في بيتها .. ماكانت تبيه وطلبت الطلاق والحين بحملها الثاني برمج نفسه على هالطريقه .. حامل بيت اهلك 3 شهور بعدين نتقابل وسلامتك

بالتوفيق