السلام عليكم ورحمة الله وبركاته..
اود طرح مشكلتي وهمومي هنا ..
فيا تعب فضيع ياناس ومو عارفه افضفض لمين .. او اطلب المساعده من مين
حبيت هذا المنتدى وحبيت تفاعل الأعضاء ومساعدتهم لبعض .. ويارب القى من يخفف عني او يساعدني .. مشكلتي طويله ومو عارفه كيف اكتبها بالتفصيل ..
انا ياجماعه اعاني جدا من سوء تعامل امي وابويه .. جدا جدا ..
ف البدايه ابغى اوضح اسلوب امي وتعاملها معايا الي مو قااادره اتحمله اكثر ..
انا مطلقه وعندي ولد وعايشه عند اهلي امي انسانه متسلطه بمعنى الكلمه تبغى البيت كله يمشي على هواها .. جتى ابويه تمشيه على هواها وابويه يطيعها عشان يفتك من كلامها وشتمها .. متنرفزه 24 ساعه تتذمر اذا شافتنا انا واخواتي مبسوطين تغير وتقوم تنكد علينا بعباراتها مثلا ليش جالسين تضحكو قومو انتبهو لأخواتكم الصغار قومو نضفو البيت قومو ذاكرو لأخواتكم وووو واشوفها تنبسط اذا نكدت علينا او على بابا كأنها تشعر بالإنتصار ..
تدعي علينا بعدم التةفيق <<< صرت احس عدم توفيقي بزواجي وطلاقي بسبب دعوتها
في كل وقت تدعي تلعن تدعي علينا بجهنم بعدم التوفيق بالحرق بالمرض بكل شي يخطر على البال اوقات تخلي ابويا يزعل مننا ويضربنا ويشتمنا يعني تكبر المشاكل وتثورها .. هذا كلو تحملناه انا واخواتي ..


لكن المشكله الاكبر صارت بعد طلاقي .. صارت مهمله بشكل كبير في البيت ماتدري عني ولا عن اخواتي تطلقت وهي السبب في طلاقي كانت تنصحني بحاجات وانا متزوجه وانا انفذها وتقول الرجال ماينفع معاه الا كذا وكذا اعملي كذا وقولي كذا وكنت اطيعها بحكم انها امي وعندها خبره اكثر مني ولكن بعدها تطلقت وندممت كثيرا .. اهملت في البيت وماوقفت معايا في طلاقي ولاخففت عني مع اني والله العظيم مريت بأزمه نفسيه مايعلم فيها غير ربي واتبهذلت كثييير لكن ماوقفت معايا لا هي ولا بابا بالعكس كانو ضدي بكلامهم بسبهم وشتمهم ودعائهم الين تعبت نفسيتي اكثر... والمصيبه الكببرى انه بعد طلاقي اكتشفت ان امي على علاقه برجل اعمال واشغلها عن بيتها وزوجها اكثر واكثر واصبحت 24 ساعه في غرفتها للتتواصل معاه وادله كثيره اثبتتلي انها على علاقه برجل وانها تحبه وبعد فتره طلبت الطلاق من ابويه واصبحت تتعامل مع شيخ روحاني مصري ما اعرف ايش الغرض منه وكانت تحوله مبلغ كبير .. وبدأت المشاكل تزيد وانا ماقدرت اتحمل ..



يتبببع