والله كلن وله وجه نظرة
بخصوص الي تقول البنت ناقصة تدرين بمهرها
اقدر اتزوج 2 بليلة وحدة
الله يسامح اخوها بس
انا بشوف وش الامور
الخوف البنت نفسها ماترضى
طبعا بتقول ليه وش ينقصني صاحباتي ومن الكلام المعروف
ماتدري انا ودي اوفر عشان السفر والاثاث والشقة
دعواتكم تتيسر الامور

لاتكلف على نفسك
وقلها وخليك حريص من الان صدقني اذا تنازلت
هتتعب طول حياتك

ما أظن العروس بترضى هذي ليلة العمر

من عمر السابعه تتخيل البنت شكلها لابسه الفستان الأبيض والورد و الكوشه

وحولها أمها وأخواتها وصديقاتها

وتنزف وتصوير مع تصوير فيديو بيكون ذكرى



البنات عندهم العرس أهم من شهر العسل لأنها سافرت قبل مع أبوها وما راح تنبسط كثير مع زوجها لأن بتكون مستحيه وخايفه منه

زواج الرجال اعتقد لازم منه .. ممكن يكون باستراحة كبيرة او قاعة سعرها حلو وذبيحتين او ثلاثة تكفي ،

اما زواج النساء خيّر زوجتك تبغين زواج بقاعة فخمة وطقطقة والا احجز لك لأوروبا شهر عسل اختاري

واكيييد بتختار الخيار الثاني .. ودلع نفسك ودلع زوجتك باوتيل الدخله يكون حلوو والسفرة تكون حلوة


ع فكرة ، لو بتحجز انصحك تحجز من الآن راح تلاقي عروض واشياء حلوة للطيران .. وقسم اولوياتك عشان ماتنزنق مثلا التذاكر بعد شهرين

الفيزا بعد 4 شهور

الاوتيلات بعد 6 شهور .. وبكذا بترتاح بدل ماتدفع المبلغ كاش وتنزنق تدفعه ع دفعات من الراتب ..

الله يوفقكم يارب

معرف وش الي ما ترضى فيه البنت؟؟ عرس بيكون مثل اي عرس ثاني بتلبس فيه وبتعزم فيه صديقاتها..
الفرق هو ان العدد اقل بكثيير ويكون محصور على الاقارب المقربين والصديقات.. ونفس الشي عند الرجال..
يعني ما يكون فيه عدد كبير من الحضور..
لا تنسون الواحد بيدفع عشان زواجه حول 200 الف ريال.. فكرو من وين يدبر المبلغ هذا وهو شاب وراتبه عادي؟؟ ليس كل الشباب رواتبهم فوق عشرة آلاف... ولا كل الشباب آبائهم يساعدونهم.. ولا كل الشباب لديهم عانية العريس..

اذا بتكثر متطلبات العروس تأخرو الشباب في الزواج. وتأخر الشباب في الزواج = عنوسة بالبنات.. وهذا شيء مفروغ منه..

توكل على الله وفاتح البنت اذا كنت تكلمها
اذا راضية الاهل سهل تقنعهم ..
اهم شيء العروس والباقي بيرضون
لكن لما تبغى تفاتح خطيبتك
ابدأ اول شيء بذكر الدول اللي نفسك تروحلها
بعدين قولها لو تبغين نسافر لها فعلا
بنخلي الزواج عائلي الخ

لو كان الامر متروك للرجل لالغى فكرة العرس و المصاريف أو جعله جلسة بسيطة
المشكلة بالنساء لا اعرف ما فائدة الاحتفال و البهرجة على الفاضي

ما رأيك اخي الكريم
بإلغاء عرس الرجال
و الاكتفاء بعرس النساء

او اجعل عرس الرجال جلسة بسيطة جدا

__________________

وش فيها لو اقتصر على خوالها و عماتها وبناتهم و صديقاتها ولبست الابيض و انبسطت بينهم بتفرق ؟؟يعني اقاربها و صديقاتها
لكن هو المفروض يفهمهم وجهة نظره باسلوب حلو
وثانيا استخير قبل تقول لهم و لاتسوي خلافات معهم على هالشي

والحين ليش ماتلبس ابيض و حولها امها وخواتها و صديقاتها ؟