اقتباس:
1- أخاف زوجي يشوف وحدة حلوة ويقارن بيني وبينها ويتمناها بدالي .
...
2-أخاف بالغلط يشوف بنت أجمل مني ويقارن.
|
أختي الأمور مو بالشكل إلي انت متصورته ولا بالبساطة الي انت متخيلتها , و أقول لك حاجة طالما أنت مو ملكة جمال العالم , فتطمني زوجك شاف من هي أجمل منك وماتزوج عليك (: ... وحتى لو أنت ملكة جمال العالم صدقيني اذا في راسه يتزوج راح يتزوج فالجمال مو كل شي في الموضوع. وفيه من يتزوج من هي أقل جمال من زوجته.
ولو كل رجال شاف من هي اجمل من زوجته تزوج عليها كان كل الرجال معاهم 4 ويحتاج يطلق وحدة عشان يتزوج .. والرجال عموما مو كل ماشاف وحدة جميلة جلس يتمناها و يفكر فيها ويبي يتزوجها ويقارنها مع زوجته ويتحسر , خصوصاً لما تكون زوجته مهتمه فيه وحريصة على مايحب.
فارجوك وقفي تخيل هذا كله من الشيطان.
اقتباس:
2- يشوف وحدة حلوة ويتزوجها وتعجبه أكثر مني ويحس إنه مخدوع فيني !
|
لاحظي أنك مطلقه العنان لأفكار سوداوية وتمشين على worst case scenario وتقنعين نفسك أنه حقيقة , وهذا اقصر طريق عشان تدمري ثقتك بنفسك , أتذكر معلومة أن في جزء من الدماغ مايقدر يفرق بين الخيالات وبين الواقع الي يعيشه الإنسان , وفي حالة فكر الإنسان بطريقة سوداوية راح يتعامل معاها على انها حقائق وراح تجيه نفس الأعراض وكأنها فعلاً حدثت : أرتفاع ضغط , اكتئاب إلخ .....
ليش كل هالسوداوية , يعني لو أنسان معافى وصحته ممتازة , ليش يكدر على نفسه ويفكر ويتخيل : لو جاني مرض قلب وش بيصير , يتخيل أنه ينوم في المستشفى وفي العناية المركزة وآلام تجيه وهو على وشك يموت ..... سؤال : لييييه كل هالتخيلات ؟؟؟ صحيح أنه ممكن الواحد يجيه مرض قلب لكن أخليه يشغل حيز من تفكيري ومافي علامات للمرض , وممكن الله -سبحانه- ماقدر علي في الحياة الدنيا يصيبني هالمرض ليش أتخيل وأفرض انه واقع ؟؟؟
بالمثل بخصوص الزواج , ممكن الله ماكتب لزوجك غيرك فالحياة الدنيا فليش تقصرين عمرك بكثر التفكير والتخيلات , ولو الله كاتب له ومقدر له يتزوج فكل هالأفكار والخيالات إلي براسك ماراح ترده ولابتفيدك. باختصار هي أقدار وارزاق مقسمه قبل نطلع للدنيا فزيادة التفكير في اشياء ماصارت وممكن ماتصير أبد ... مالها أي فايدة ومن الشيطان , وبيفيدك لو قريت أكثر عن الغيرة عشان تقدري تفهمي دوافعها واسبابها الخفية وأيضا بيفيدك لو قريت عن التسليم للقضاء والقدر.