مبروك الوظيفة أخي
وطالما أنت تقراء مشاكل المتزوجين هنا في المنتدى بالتأكيد لن يكون لديك رغبة بالزواج
انصحك بالزواج لكن حاول ان لا تدخل القفص الذهبي بديون وذلك بالتجميع من الآن
والله يوفقك مهندسنا العزيز

مش لازم تكون متحمس قد ما تكون مستعد للزواج

__________________
وهل من مصير اخر ؟

الله يكتب لك مافي الخير يارب

والله انت سويت زي اخويا الكبير مابدو يتزوج مو متحمس

من كتر ما انا دايما بمشاكل مع زوجي 😢

لكن الحمدلله انتهى كل شي بيننا

نصيحتي ليك مو كل المتزوجين حالتهم صعبه ومشاكل وصراعات مستمرة

بالعكس انت ادعي الله والله يرزقك بنت الحلال في الوقت المناسب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

السلام عليكم
سبب قلت حماسي مو بسبب قلق من زوجة المستقبل لا بالعكس انا في هذا الموضوع متفائل
لكن اشوف ان الزواج خسارة للمال والوقت في حين اقدر استغل هذا المال والوقت في امور افضل واشتغل على نفسي اكثر واضل عزابي ما اشيل مسؤولية وانجح في حياتي

طيب الي متي؟
سير علينا في موضوعي
(انا وزوجتي والشغالة)
عشان تكسب خبرة وتستفيد هههههه

__________________
سبحان الله وبحمده سبحان الله العظيم

الله يوفقك ويرزقك الزوجة الصالحة

نصيحتي ما دام مالك حماس دحين خلك بدون زواج سنة وسنتين
لين تجمع وتتمتع بفلوسك وتبني بيت على مزاجك وتختار زوجة على مزاجك
وتدخل الحياة الزوجية وانت مستقر ماديا
واستمتعت كم يوم بدون زوجه ومسؤليات

صح لاحظت من ردودك
وكمان ماتفضلها موظفة
علشان كذا تورطت...
عموما حلو الي يفكر ويحسب حساب لخطواته

__________________
الحمد لله الذي اذهب عنا الحزن

زين ما سويت

لاحق على الهم

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

السلام عليكم السيد المهندس
اخوي تخرج من الجامعه كان متحمس للزواج وتوظف وظيفه راتبها مقارب لراتبك. وبعدها صار يقول نفس الكلام اللي تقوله بالضبط كل ماقلت له ليش ماتتزوج يقول ابي استغل راتبي واسوي مشاريع واهتم في مستقبلي واطور من نفسي
الحين هو متوظف له سبع سنوات دخل الثلاثين سنه ولا بعد تزوج
صحيح دخل كم مشروع لكن كلها ماتسوى التعب والعمر اللي ضيعه يعني يخسر من هنا يربح من هنا لكن الترقيات اللي تجيه من الدوام افضل من المشاريع اللي دخلها
كل اصدقائه تزوجوا وكل واحد انشغل بعائلته وصار اغلب الوقت فاضي
تعود على انه يأجل فكرة الزواج
ماحس على نفسه الا يوم قلت له اني قررت اخطب واملك لين اتخرج واحصل وظيفه وبعدها اتزوج.
لاني اصغر منه بعمر كبير والحين هو بيتزوج ان شاء الله
بكل صراحه شفت هذا الشيء حتى عند ربعي
واحد منهم ضابط من عشر سنوات تقريباً وكل فتره يجمع له مبلغ ويدخل مشروع ويفشل وعلى هالموال والحين بدا يشوف اغلب اللي بعمره تزوجوا وهو باقي على مشاريعه
والثاني دكتور راتبه الحين فوق العشرين ماشاء الله كل فتره يأجل الزواج يقول علشان اكمل دراستي وليومك ماكمل دراسته لانه ينشغل

الزواج ماراح يعطلك عن مشاريعك بالعكس فيه الخير والبركه
صحيح اقول لك لا تستعجل بحيث ماتتدين او تكون متعجل يعني خل اهلك يدورون لك بنت الحلال بكل راحتهم وبعدها اذا جاء وقت الملكه بيكون معك مبلغ مالي مجمعه وعلى مايجي الزواج الا وانت مجمع لك مبلغ زياده يكفيك. لا قروض ولا مسؤليات.
بعدها افتح لك حساب تجمع فيه الزايد من راتبك كل شهر وحاول انك تكون مرتب امورك وتعرف مسؤلياتك. ماتكون مسرف ولا تكون بخيل. لو تجمع لك كل شهر ٢٠٠٠ ريال كل سنه بيكون عندك ٢٤ الف ريال. المبلغ هذا يكون ماتحتاجه نهائياً لانك ماتسدد قروض ولا شي فقط التزاماتك. مثل اجار شقه فواتير مقاضي وطلعات وسفره بين فتره وفتره.
لا تنسى الزياده السنويه.
اذا رتبت امورك على راتبك ماشاء الله صدقني سواء بتدخل مشروع او تشتري سياره جديده وانت متزوج بيكفيك الراتب وانت مستانس.
اهم شي تكون عارف كيف ترتب امورك ولا تخلي الطمع سبب بتأجيل الزواج
اذا عندك اسباب ثانيه وتحس انك مو قد المسؤليه ايه اقول لك اجل الزواج
لكن غير كذا لا بيروح عمرك وانت تلاحق ورا الفلوس

اللي يروح السوق وهو مطفر كل شي يشوفه يعجبه
بعكس من راح وجيبه مليان مايعجبه شي ويستخسر يضيع قروشه
وهذا حالك
لما ماكان عندك كنت متحمس ولما صار بإمكانك راح الحماس
اعطي نفسك فرصه ولم القرش ع القرش وجهز كل شي تحتاجه على مهل مهلك
عشان لايروح راتبك بعد الزواج تقاسيط
بارك الله لك في وظيفتك ومالك ورزقك الزوجه اللي تعينك على أمر دينك ودنياك وآخرتك اللهم آمين