السلام عليكم

متزوجة من ثلاث سنوات بدون اطفال

مشكلتي زوجي ضعيف شخصية ومازال الى الان
بداية زواجنا عانيت بقوة من تداخلات أمه في حياتنا لدرجة ان حتى امورنا الخاصة تسئله ويجاوب عليها ، عاش حياة كلها حرمان وتسلط من ابوه احيانا اقول يمكن هالسبب صارت شخصيته كذا

حلم كل بنت ان تتزوج واحد يكون لها امان ، زوج يعرف يتصرف في مواقف الحياة
يكون عون لها وسند
العكس تماما ماحسيت بيوم من الايام ان اقدر اعتمد عليه
ابسط اموره مايقدر يسويها !! وقت كان عازب حتى ملابسه الداخلية أمه تشتريها له !!
تغربنا فترة خارج البلد كل المشاكل انا الي احلها لو اطنش كان تطربق الدنيا فوق راسنا
حاولت كثير أعطيه مهام يسويها لكن اما تصير ناقصة او يماطل فيها بقوة
حتى مواعيده في المستشفى مايعرف يحجز !!

من حسناته
انسان جدا طيب وقلبه نقي مايعرف يكذب ولايخدع ويهتم بمشاعري بشكل غير طبيعي


عادة مااقول ابدا امور حياتي لااهلي
الي مرره صدمني ان كنت تعبانه والجوال كان مقفل وأهلي كانوا يتصلون
ارسل لي اخوي ، أمي قلقانه عليك
قلت له بس انا مش لحالي ليش تشيل هم
قال ايه صح بس هل زوجك بيعرف يتصرف لو صار لك شي لاسمح الله !!
حسيت بالغبنة والله وقتها

ماعندي اطفال فكيف بيكون الوضع لو كان عندي !! كيف بقدر اشيل مسؤولية اطفال وبيت ورجال بنفس الوقت !!
تجي لي أوقات احس باارهاق نفسي كبير.