هالانستقرام والتويتر صار مرسال للمنفصلين وكيف يبون ينسون وهم كل شوي والثانيه

يطلون عن يوميات الثاني . حتى بعد ما بتتزوج بتقعد تراقب وموال مالوش اخر

اسألها وانهي الموضوع تبي ترد حياها الله ما تبي الغي اي شي يذكرك فيها

والي خاطبها لها الله

ليش تقدم على خطوه جديده من غير ما تنهي على الي قبلها . يعني هي بس سالفة تكسير راس

وبتزوج وبخليش

__________________
وهل من مصير اخر ؟

انتبه لا تظلم بنت الناس عشان بس تكسر راس طليقتك

اتركها اذا ما لها قبول في نفسك

وبنت الناس وش وضعها؟؟ تراك بتضلمها واصلا بتضلمها وبتكسرها الحين لأنها معلقة آمال فيك وبتتركها !
وبعدين هل طليقتك بتتعدل؟ او بتجلس على عاداتها؟

الزواج مو شي لعبة ومشاعر بنات الناس مو لعبة.

لا حول ولا قوه إلا بالله
وزوجتك الحالية اللي تنتظر تعيش فترة ملكتها وتفرح بنفسها مخليها وتراقب بنت الناس اللي صارت أجنبيه عنك
والله إذا اكتشفت بعد الزواج تعلقك بطليقتك بيصير كسر لها وألم خاف ربك فيها مالها دخل بلخبطه قراراتك

استعجلت بالزواج وانا متأكد ان الزواج الثاني لم يكن قرارك ولكنك شخصية مهزوزه

قالوا تزوج وبتنساها مباشرة رحت تتزوج

حسبك الله لاتنسى ان لك كتاب لايغادر صغيرة ولا كبيرة الا احصاها

تتزوج بنت الناس وتقول انا ماحبيتها وهي بنت حلال وقلبي متعلق بالاولى

الاولى خذها مني لن تتغير ابدا انا مجرب هالنوع من الزوجات وان تغيرت شهرين 3 بالكثير وترجع لنفس اسلوبها وعنادها وعصبيتها
فنصيحة لاتظلم زوجتك الجديدة مقبله عليك ومعلقة فيك آمال وانت مستمتع بالتويتر والانستقرام تفتش ورا طليقتك وتراقبها
ان ظلمتها فحسبك الله وان استعجلت بالزواج منها وانت تشوف انه غلطه هي مالها ذنب تكسرها

سرحها باحسان لأنها تستحق زوج افضل منك وقول السبب الحقيقي في رغبتك بالانفصال

اما تتزوجها وتقول مارتحت معاها وقلبي مع طليقتي هذا مايرضي احد وكلها ديون بالدنيا ستسددها عاجلاً او آجلا لا تخاف

لو كنت مكانك لما فكرت بإرجاع الزوجة السابقة لأنني لم أجد مايشفع لها بالرجوع
المهم الآن لاتظلم الثانية وإذا أحسست بأنك قد تظلمها أو أنك لاتريدها فطلقها من الآن أفضل لها ولك
لكن ما الذي جعلك تستعجل في خطبة الثانية هل هو رغبة في الإنتقام من الأولى أم ماذا؟

سبحان الله فيه شخصيات تتعلق بجلادها تعلق رهيب...يمكن لو كانت طليقتك بشخصيه مسالمه ماكنت عشقتها لهالدرجه...

توقعت منكم كلام يهون عني مو ناقص ملام ، الموضوع عن طليقتي مو عن زوجتي الثانية الي انا ماراح اظلمها بأذن الله ولكن ما باليد حيلة القلب متعلق بالاولى مو كل احد حب الثاني كان من نصيبه هذي اختصار حق حالتي وانا اعرف ان الظلم ظلمات يوم القيامة وماني مفكر اظلم زوجتي الثانية ، موضوع اني اراقبها وتراقبني ادري انه غلط لكن مو بيدي كله احاول امنع نفسي لكن بالكثير شهر وقلبي يحتدن وارجع اراقبها واتطمن عليها ، الموضوع كله اني فاقدها ومتحسر عليها ، لو انها تزوجت كان سجدت شكر لله تعالى وتمنيتلها التوفيق لكن الي قاهرني انها موجودة وماني عارف اتهنى فيها.

تفكر شلون تقدر تتهنى بطليقتك و زوجتك صافطها ع جنب ؟


و الله كلامنا لمصحلتك انت اولاً عشان ما يكون بذمتك ذنب احد
و الا شعرفنا فيك و الا بزوجتك و طليقتك

الحب من الله مو بيدك
لكن قرارك بالزواج وانت مازلت تفكر بطليقتك كان غلط
المفروض ما تبدا حياة جديدة الا وانت مفرغ قلبك وعقلك من ترسبات الماضي

" استخر ربك " وتمم زواجك
وانسى من تغلت عليك يوم شافت حبك ودلالك لها
حتى يوم بلغتهم بخطبتك ما تحركوا
ليش؟
لانهم لمسوا حبك لبنتهم وهي ايضا لمست هذا
فعارفين انك بترجع تذل نفسك لهم ف ليش يبادرون؟؟

والمسكنه وشغل الحريم اللي تسويه طليقتك بتويتر
لانك طالعت لغيرها
لانك صدمتها يوم التفت لغيرها وكانت تظنك صرت اسير عندها
لان امثال طليقتك ترفس النعمه ثم اذا صارت بيد غيرها عرفت قيمتها

الخلاصه
اما
1/ تترك زوجتك لمن يحبها كما احببت طليقتك وربما اكثر
وتعود انت لطليقتك وتحمل دلالها ودلال اهلها (لانك بينت حبك بزياده)
ولا انك تظلم انسانه ما تحمل لها اي مشاعر

2/ تستمر مع زوجتك الحاليه وتحذف حسابات طليقتك
وتفرغ قلبك لمن احترمتك وقدرت مشاعرك
وشوي شوي بتنساها وتنسى اللي خلفوها


وقبل كل هذا استخر واستخر واستخر