اقعدي معاه قعده جديه

لا مش مثالية بس عالاقل من باب رفع العتب
ومو يمكن محتاج دزه ويتعدل حاله ؟
ثانيا هي شافته بالنظرة الشرعية
ترى باقول لج المستهتر مهما بلغ في كشخته يوم النظرة
الا ما تلاقي عليه شيء
وثانيا اوكي ياي النظرة مرتب
بس اكيد ما كان مركب طقم اسنان يلمع!
يعني شافت اسنانه اللي الحين لايعه جبدها منهم...
فبالتالي بيلقى عليها جزء من اللوم
فهي رفعا للعتب .. وللوم .. تكلمه بلطف عل وعسى يتعدل حاله

الانفصال مو امر عظيم طبعا
خصوصا ان توهم عالبر
لكن مو مثل شرب الماي
ولا مثل تبديل الفانيلة
ما عجبتني ولا مش مقاسي اروح المحل ابدلها
واذا ما رضوا يبدلونها باقطها وبشتري غيرها او بعطيها احد...

__________________

حاجة الناس إليكم من نعم الله عليكم ، فـ لا تملوا النِعم ☁✨

مشكلتك بسيطة
كل انسان قابل للتغير
كلميه قولي له اهتم بنفسك جربي وش خسرانه
ممكن بعد الزواج يتحسن وممكن لا
ودامه مو الانسان الي ببالك ليه توافقين ؟
بعدين البنات هنا اسلوبهم غريب !
على طول انفصال
لو رجل منزل الموضوع كانو قلتو اصبر عليها
بكرة تتغير وا وا
رايي شخصي

البعض يسألها هل شافته بالنظرة الشرعية!!
ياناس النظرة الشرعية عندنا البنت غالباً مرعوبة ومتوترة وعساها ترفع راسها للأسف الشديد، فكيف تبي تتعرف على الرجل المتقدم، حتى النظرة الشرعية ماتعطي 100% انطباع

عموما الله يكون بعونك ويصبرك ويلطف بك ويعطيك ماهو خير

أنتي شاوري وأدرسي الموضوع وهدي بالك، والله يكتب لك مافيه خير.

__________________
ياصبحِ لاتِقبل !!
عط الليل من وقتك..

انا ما شفت اسنان زوجي يوم النظرة
من الخجل يادوب شفته وجهه
يعني لوفيه عيوب ماراح انتبه لها

الزواج لعبة انتي وياها بعد الملكة قررتي الانفصال
عشانة ما يلبس سرول وعشان ما يلبس عقال
وسنانة مسوسة عيونك وينها يوم النظرة الشرعية
اذا ما شفتية عدل كان طلبتي نظرة شرعية ثانية ولايكون
زواج الا على شي مقتنعة منة بس اشوف الزواج عندك لعبة
وصدقيني لو نفصلتي بطلعين الف عيب بثاني اجل عشان
سروال وعقال تبين الطلاق الله يعوضة بفضل منك

__________________
سبحان الله وبحمده سبحان الله العظيم

^^^^^^^^^^^^
الله يعوضها بالأفضل منه ويعين الا بتطيح في حظه
النظافة امرها مهم والا بتعيش عمرها كله في قرف
وحتى لو نبهته وتغير ماراح تضمن أصلا انه يستمر بعد الزواج ...
اذا كنتوا تقدروا تصبروا على زوجة وسخة معاكم حق تلوموها ...

هذا بنات اول..
والاول تحول.
الان تشوفه وتتكلم معاه. والخجولة يسمونها دقة قديمة

مسز داني موتيني ضحك...
تتكلمين كأنك شفتيه....
بعدين هي ماشاء الله تبارك الله جريئة
بعدين حتى هي اكيد شافها ووجهها الوان واصباغ
واذا غسلت وجهها بيبان المستخبي مثل اي بنت في الدنيا
فهل من حقه يطلقها.؟
الكلام عام... وليس خاص بها

هذه نظافة يا ينابيع
ما ادري اذا كنت متزوجة او لا
بس ترى تسمعي من النساء عن نظافة رجالهم. ترى اذا ما كان نظيف من برة او مرتب
تراه من داخل اعظم
و قد مر مواضيع كثيرة هنا زوجات تتقزز من ازواجهن
و النصيحة العامة. روشيه و احلقي له و فرشي اسنانه و جيبي الملقط رتبي سكسوكته و بوسيه على راْسه!!
نصيحة تقتل في نظري. هي تهتم بنفسها لو بيتها لو بالاطفال. بشي بديهي نظافة البدن
على العموم. ننتظر توضيح اكثر من الأخت احساس
و يعني هل هو امر غير متقبِّل فهمه انها قد تكون لم ترى اسنانه!!!
يحصل
و مثل ما قالت خواطر. تخيل واحد يشكي من خطيبته انها مهملة بثيابها و لما تضحك يتقزز منها و لا تسولف. بيتحمل!

__________________