سالنى عنه وللامانه ابوه اللي هو عمي رجال ونعم فيه واخوانك وخواته بعد الا هو كذا شاذ عن العايله ودايما لما كنا نسال يجيبون سيرة عمي انه رجال والنعم يعني حنا ما قصرنا من ناحية السؤال وفي الحي الكل يمدح في العايله
كنت بشتكيه لعمي بس انه حالته ما يعلم بها سوى رب العباد عنده سكري وضغط فما ابي ازيده هم فوق الهم اللي اهو عايشه من مستشفى لمستشفى فماني عارفه لمين اشكي حالتي

استغفر الله
هذا حال اغلب البيوت
الرجال بعد الزواج يندم والزوجه ايضا تندم بسبب وضع الزوج
الرجال يبغ زوجه خادمه فقط وخلفه وذريه وهوا يسرح ويمرح
هذا قضاء وقدر استخيري الله
وزوجك صارحك بأنه مو مستعد للزواج
فيه ازواج يضعوا اللوم على زوجاتهم وانها غير كفؤ للزواج وهوا عداه العيب كامل مكمل
وتصير الزوجه امام خيارين يا تقبل بشبه رجل يا تخرج مطلقه بعيوب يقذفها عليها
إنما يؤخرهم ليوم تشخص فيه الأبصار

معليش اختي بكون قاسي واستحمليني بارك الله فيك
لمن كنت تطلبينه وتبغينه يجلس معاك ايام الملكة وهو يتهرب ويرسلك اخواته ، هذا الوضع ما كان يوحيلك بان الموضوع في شي غريب ؟ ابد ماجا على بالك انه زوجك ومايبغى يجلس معاك عشان تتفاهمون على امور الزفاف ؟
لا تزعلين مني اختي لكنك تتحملين جزء كبير من المشكلة واحد زي زوجك باين استهتاره من قبل الزواج وللاسف ماتخذتي اي اجراء او تصرف
ما املك غير الدعاء لك واسال الله تبارك وتعالى ان يحنن قلب زوجك عليك ويجمع بينكما في خير

هذا طبع الاغلبية
بعضهم تعرف انه يسافر
او حتى يحب بجنون وتزوج منها علشان ينسى
وتوافق
على اعتبار انه بينسى ويتغير
ويتحول شخص ثاني بعد الزواج

والله مصيبة اذا كان حال أغلبية البنات كذا
ليه الوحدة خايفة من نصيبها ينقطع ؟
يعني تعرف ان يحب وحدة غيرها بجنون وتوافق عليه ؟

شكله فعلا فيه هاجس عند البنات الا وهو الخوف من العنوسة فيرضون بأي واحد وخلاص حتى لو فيه عبر الدنيا .. نسأل الله السلامة

ما بيكم تقسون علي انا ابغي الحل وشلون اقدر اغيره او اتعامل معاه محتاجه النصيحه اكثر شي
بخصوص تهربه يوم الملكه فانا كنت حاطه في بالي بداية الامر انه خجول ويبي التواصل يكون بيني وبين خواته او مع امه عمتي ابد ماحطيت في بالي انه مستهتر على اغلب الزيجات اللي صارت قبل اغلب الترتيب كان يتم بين الاهل مو بشكل مباشر بين الزوج والزوجه فانا قلت عادي يعني الموضوع طبيعي
اكتشفت استهتاره في اول يوم زواج طبعا لما تركني وطلع مع اصدقائه فقلت بطوفها مو من اول يوم نكد وتتالت الاحداث عقب يوم بعد يوم وهذي النتيجه اللي وصلنا لها
اعتقد لو انا اخطات اتمنى احصل فرصه للتعديل فهذا اللي انا عملته قد اكون مخطاه بس كان لابد من اعطاء الفرصه له عشان يمكن لعل وعسى انه يتغير

الله يفرج همك ويصلح زوجك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

بصراحة مادري اش اقولك.
لكن هذه تصرفاته من اول ماخطب.
وكان ظاهر لك ان اهله يتفاهمون بكل صغيرة وكبيرة.
لكن مثل غالب ان لم يكن كل البنات
نتغابى ونتغافل ونقول بكره يتغير...
المهم الان...
ماهي طبيعة سفرياته..
واخلاقه بشكل عام...

أظن ان يحق لك تتحسبي عليه ، و على أهله .

انا افضل ادعي له بالهدايه مادري شو اقول لكم بس اني احبه !!