في الغالب ،، الرجل مايحب المرأة الجريئة والمستقلة كثير ،، مانقدر نقول ان الجرائة غلط او عيب لكن مانحب هالصفة ،،تقولين ابوك رباكم كذا لكن زوجك شخصية ثانية تمام ومستحيل مقارنة الاب بالزوج ،،
،،
مالك الا حل واحد ،، خففي جرائتك واعتمدي على زوجك اكثر ،، حتى من ناحية الغيرة ،، خلك واضحة وصريحة اكثر ولا تثيرين غيرتة ،، واتوقع تخف مع الوقت .

شاكره لك ردك
ولكن يااخي انا ذكرت في موضوعي اني لي شخصية وحرية واستقلالية ولكن بحدود !!
يعني فيه فرق !! ابوي رباني تربية صالحة مافيها الحرية اللي انت راح بالك عليها !!
الحمدلله !!
واضحه وصريحه في ايش ؟ وانا ماتعمدت ابد لا بحجابي ولا بتصرفاتي اني اثير غيرته !!

أختي الفاضله
بشخصيتك المتوازنه تقدرين تفرضين الثقه لزوجك وتعاملك معه حاليا بأبراز عدم ألمامك ببعض الأمور والأستفسار ولجوئك له أكثر من رائع أستمري وتدريجيا سيتحسن الوضع ..
أما موضوع الغيرة فليس شرطا ان تكون شك أو سببها قصص سمعها من أفراد ..
حتما انها غيرة حب فتعايشي مع الوضع ولا تتذمرين منها لكي لايضيق الخناق أكثر .. أبدي له مدى سعادتك بغيرته عليك ..
والله يتمم عليكم نعمته ويألف بين قلوبكم

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

اللهم امين
شاكره لك ردك
المشكلة هذي ماهي جديدة في حياتي 4 سنوات وانا اعاني
دائما استغرب من ظهور هالمشاكل !! واقول اكيد فيه سبب
وبديت اراقب تصرفاتي واراقب نفسي وبنفس الوقت اراقبه هو عشان اعرف السبب

لما فهمت من اكثر من موقف انه يتضايق من شخصيتي او يتضايق من الاشياء اللي ذكرتها في موضوعي مع العلم انه عمري ماحسسته ولا حتى حسيت انه اقل مني !!
وكثير مرات اطلب منه مساعدتي يعني عمري ماسويت له اقنور او دليت او ماله اهمية في النهايه انا انثى واحتاج رجل

لكن ي اخوي بديت اخفف من شخصيتي وبديت اتغابى عشان يحس انه هو افضل مني

لكنه يضيق علي اكثر واكثر و يتمسخر علي احيانا !! واتقبل واسكت وامشي !!

لكن مو عارفه الى متى ؟ او ايش فيه حلول اخرى عشان اصلح الوضع !!

كثير من الرجال يبون المرة صماء عمياء ثولاء ما تفهم شي الا بامور تخصهم كأزواج

اما اذا كانت تعرف تتصرف والله عطاها الذكاء فبتصير مسترجلة في نظرهم


وبصراحة هذا جدا منافي للمنطق والعقل


السيدة خديجة رضي الله عنها كانت تاجرة وكانت تستأجر من يدير تجارتها يعني بالوضع الحالي تسمى سيدة أعمال

قايمة بشؤون نفسها وعارفة تدبر أمورها ،،، ولم يقل اي احد في الدنيا كلها انها ناقصة الأنوثة بل بالعكس كانت مشهورة بالحياء والعفة مع انها كانت تتعامل مع وجال وتاخذ وتعطي معاهم،،،



بس بالضبط مثل ما قالوا انتي نوعيتك يا اما الرجال يدعمها ويفتخر فيها مثلما افتخر الرسول صلى الله عليه وسلم بالسيدة خديجة

او يكسرون مجاديفج مثل زوجج


الله يعينج بصراحة

__________________
لا اله الا انت سبحانك اني كنت من الظالمين

مرحباً أختي

سأقول رأيي والله أعلم

لابد أن تتناقشي مع زوجك وتشرحي له طبيعة شخصيتك

فهو لابد أن يعرف الفرق بين أنك ذكية وشاطرة وفهلوية وتستطيعين تدبر الأمور وتخليصها .. وبين أنك شخصية تريد السيطرة والإستقلالية وفرض الرأي

وحاولي دائماً أن تفهميه أن ماتقومي به مجرد مساعدة له وإعانه وليس عناد أو فرض رأي أو لقافة

أما بالنسبة للغيرة فلا نستطيع الحكم عليه فيها إلا لو سمعنا رأيه لماذا يفعل ذلك


والله أعلم

يا أختي بقلك هي من الاخير وبحكم رجال كثير صادفتهم بنفس شخصية زوجك

اذا كان كل ماذكرتيه صحيح وواقعي فزوجك يعاني من فقد الثقة بنفسه فكيف يعطيك الثقة وهو فاقدها ? وفاقد الشئ لا يعطيه
وبالتالي لايريد لك ان تكوني افضل منه فهو رجل وانت امرأة ففي قناعته لابد ان يكون الرجل افضل من المرأة ويريد ان يكون كل شئ بيده
حتى في قراءة الكتب والعلم والفائدة يحسدك عليها ?!!!

ابحثي عن طرق زيادة الثقة عند زوجك

وأما شخصيتك فلا تلغيها ابدا وواصلي على القراءة وتطوير نفسك وخذيه معك في طريق العلم بمعنى اذا انتهيتي من قراءة كتاب اعرضي عليه ان يقرأه وان الكتاب الفلاني يتكلم عن كذا واستفدت منه كذا

ويارب يصلح زوجك ويزيد من ثقته بنفسه

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

انا بصراحة ي اخواتي واخواني مادري شقول ومادري شسوي !!
لان الحياة مشاركة وهو مايبيني اشاركه بآي شي وحتى لما يسولف عن موضوع ويشوف اني فاهمه فيه يتضايق ويسوي مشكلة !!

وبالنسبة للاخ اللي اقترح اني اتناقش معه , مادري شقول بس ملايين المرات اللي اتناقش فيها معاه واحب اسمع كل كلامه ومااقاطعه عشان يفرغ اللي عنده ويسمعني بس للاسف مايسمعني ابدا ولا يتقبل مني ابدا !!
حتى لو سمعني يحاول يطلع نفسه براءه بآي شكل من الاشكال !

يعني ي جماعة من الاخير انا جربت كثير من الحلول اللي تخليه يفهم اني مو احسن منه وترفع ثقته بنفسه

المشكلة والشي الغريب انه مثلا بعض اخوانه يعتمدوا عليه او فيه مواقف تبين انه انسان يحسن التصرف ويعرف شلون يتصرف واصحابه بعد
ويجي يقولي عن مشاكل صايره بالعمل معاه ويقولي شلون تصرف وبالعكس مدحته واقوله ماشاءالله عليك شي جميل ومن هالكلام !!

لكن لما يسمعني انا اقول موقف مثلا او اني اساعد اخته او امه .. اعرف اتصرف واتدبر اموري يستنكر هالشي مني !! ويتضايق !!

حتى ابسط نشاطاتي مايخليني اسويها !!

ساعات بصراحه اقول يمكن مغصوب علي ! لانه مقصر معي جدا سواء بالكلام الحلو وادري انه الرجل مايتكلم ولكن يفعل وتقبلت هالموضوع

فيه اشياء اخرى عميقة بس مااحب اتطرق لها !

بصراحة انا افكر بالانفصال بما انه مارح نتوافق ابد وخصوصا انه 4 سنوات على هالحال
ومااتوقع انه هو الزوج المناسب لي ولا انا الزوجة المناسبه له ومافي بيننا اطفال احس الطلاق افضل الحلول !

اختي اقري رد اخوي ابو كنان نفس الكلام اللي كنت باقوله لك

__________________

شكرا لك اختي