تهويل؟
اختي شوف المنتدى ترس خيانات بالنت وغيره بلاوي
نسب الطلاق المرتفعه في دول الخليج شنو اسبابها؟

98٪‏ من المتزوجين الي اعرفهم شخصيا يكلمون بنات على زوجاتهم واذا سألت ليش اتسوي جذيه يردون
- ياخي تغيير
- مليت من مشاكل البيت وعوار الراس وابي ارتاح
- علشان ما أمل من زوجتي
- تحسفت اني تزوجت

الوضع فلت وهذا واقع

من النسبة اللي حطيتها
98٪ من الرجال يخونوا. نعم مبالغات
طيب
اذا كان هالنسبة من الرجال تخون
ليش تتعقد من الحريم؟؟
او المقصد كل رجال يخون مرته تخون
او ان البنات يخونوا مع هالرجاجيل

لو المجتمع نبذ هالرجال و كل واحد بلغ عن صاحبه ال...
لخفت النسبة الخائنة.

__________________

حبيبي الله يفرج همك و يسعدك قلبك و شرح صدرك

اولا يقول الرسول صلى الله عليه و سلم ما زال الخير في امتي حتى قيام الساعة

ثانيا الشخص لو حصر نفسه في جو معين او مكان معين

شي طبيعي بتكون نظرتة للعالم نابعه من المحيط اللي حصر نفسه فيه

يعني الشخص اللوطي يقول كل الناس شواذ

والشخص الزاني يقول كل الدنيا ضايعها

والشخص اللي يسكر و يسهر في المراقص يقول الدنيا كلها كاس و سقازه

باختصار غير محيطك تتغير نظرتك للحياة

السلام عليكم
ماتمر به طبيعي بعد الطلاق
بعد انفصال خطيبي عني بدون ان يذكر اسباب، كان يشهد لي بالجمال والاخلاق والدين،مررت بحالة ان لا اثق بشاب ولا اظهر محبتي له ، واستغرب لما فعل بي ذلك، بعدها بخمسة اشهر شعر بالندم الشديد وعاد لخطبتي، ماوافقت عليه لكن ردت لي كرامتي،

------
بعدها بفترة خطبني شاب يريد التواصل معي قبل اي ارتباط شرعي، فرفضت ذلك وانا بنت وفي بيت اهلي ، اهلي منحوني الثقه فلا اخون نفسي ، حتى اخون ثقة اهلي بي.
ماريد ان اقوله لك اصابعك ماهي سوا البنت الي بتحافظ على نفسها مستحيل تسمح لنفسها بالخيانة. انا بنت وحالي حال اي بنت تبي تتزوج وتعيش حياة مستقرة مع زوج واطفال وعائلة لكن بالطريق الصحيح.

الله يساعدك وتتجاوز هذا الامتحان بـدرجة امتياز.
موفق ي بن عبدالله

سؤال
انت مسجل بعضويتين اسمك بالعربي والانجليزي؟؟

الدنيا لسى بخير
لما شفت معاملة ابوي لامي واخواني لزواجاتهم وحنانهم عرفت ان مو كل الرجال مثل بعض، كل واحد منهم يدور رضاي ويشد على يدي ويعطيني القوة وان لا احزن على امر مقدر، فـ الله موجود.
فقط وكل امرك لله ورد. افوض امري الى الله ان الله بصير بالعباد

لا مبالغ و رايج واحترمه
اختي انا قلت الرجال ايضا علشان لا اتقوليلي انت متحامل على النساء

اخوي عبدالله انا مثلك بالضبط
لدرجة اني وصلت في مرحله اني لو شفت وحده بالشارع ولابسه قفازات بايديها وشرابات
اقول بنفسي هين هذي من برى بس استغفرالله العظيم
ولكن اخوي ابي انصحك نصيحه انا جربتها والحمدلله وضعي احسن من اول كثير
وهي انك تشوف اخصائي نفسي وتتواصل معه حتى تقدر تتخلص من اللي فيك وبرضو اشترك بنادي رياضي وداوم على الرياضه صدقني راح ترتاح كثير
والايام كفيله انها تنسيك
انا انصحك وانا مريت بتجربه امر واقسى من تجربتك لدرجة اقسم بالله اني كنت بكل صلاة ادعي على نفسي بالموت عشان ارتاح من اللي انا فيه ولكن الحمدلله وضعي تحسن الحين وصرت اطلع واروح واجي ماعندي مشكله وافرغ كل الشحن اللي فيني بالرياضه ولاتفكر حالياً ابدا بموضوع الزواج انسى الموضوع حتى تشوف نفسك انت اللي تدوره
واعتبر اللي حصلك هو تجربه قاسيه المفروض انك تتعلم منها في المستقبل

ياأخي طبيعي بيكون نظرتك كذا اول حاجه مريت بموقف ثم دخلت بمستنع الحسابات هذي بتوتير وغيرو
أتخلص من الأسباب حتى تقدر توازن نظرتك
ربنا يهدي الجميع

__________________
اللهم صَل وسلم على نبينا محمد

يا الطيب انا رجل عمري 36 مو 15 ولا 25 علشان تقولي محيطك
خذ لفه بالانستغرام بحسابات الفاشينيستات او الممثلات وشوف المراهقين الي بالخمسين.
دخلتنا اب لواط و زنا وسكر ومراقص والعياذ بالله
الله يهداك بس

الله يسمع منج يا اختي
لا اسم واحد فقط
الله يوفقج