يا صاحب الموضوع

اعتقد نسبة الرجال الذين سيدخلون موضوعك بيكون جوابهم مثل جواب الأخ الكريم

99 ٪‏ بيقولون لك طليقتك باعتك ..

لكن دعونا نقلب الأدوار .. لو طليقتك العقيمه ونويت تتزوج وطلقتها وانت رحت تزوجت وانجبت العيال وحققت حلم الأبوه وبعد كذا ما اتفقت مع زوجتك أم العيال وطلقتها وحبيت ترجع لطليقتك السابقه عشان اخلاقها ..

هل تتوقع تقول ما برجع عشان كرامتي ومدري إيش ؟؟

ماراح تقول هالكلام .. والمجتمع كله بيقوم ضدها ان قالت شي يخص زواجك وانجابك

المجتمع كله بيقول من حقه يتزوج وينجب ويحس انه أب ..

محد بيقول الادميه ذي انجرحت وانت بعتها مثلاً .. بيقولون نصيب وانتهى

في اعتقادي والمفروض الكل يوقف موقف محايد في هذا الموضوع

الانجاب من حق الاثنين .. واذا الواحد تزوج وشاف حياته او هي شافت حياتها عشان العيال فمحد يقول باع او باعت ومدري ايش

خلاص هو او هي انسانه ماقدروا يقاموا غريزة ربي غرزها فينا

حب الأمومة والأبوه حق للجميع سواء رجل أو امراه

انت عارف انها تطلقت منك لسبب مثل هالسبب ولا جرحتك ولا اهانتك
هي لو قدامها تحصل ع عيال ماكانت طلبت منك الطلاق

بعكس الرجل يقدر يتزوج وحده وثنتين وثلاث واربع ويحافظ عليهم جميعاً بس اهم شي يخلف
مايفكر في اللي انجرحت واللي قالت باعني واللي مدري ايش

هي ماقدامها الا تتطلق وتتزوج مره ثانيه عشان تنجب ..

أريحك من الحين واقول لك رد أغلب الرجال راح يكون مثل رد الأخ السابق

فإذا بتعتمد فقط على رد الحريم الكل بيقول لك ارجع لطليقتك
واذا بتعتمد ع رأي الرجال الأغلب بيقول لك انها خانت وباعتك ومن هذا الكلام

فما قدامك غير الاستخارة .. واستعين بالله الواحد الأحد

وياليت تبعد التواصل هالأيام مع طليقتك أو قريبتك
لغاية ماتوصل لقرار بدون تأثير أو عامل خارجي

بالتوفيق ..

__________________

(( لا شيء يجعلنا عظماء سوى ألم عظيم ))

مجروح من شو يا خوي؟

__________________


اللهم طِيبَ الأثر .. وحُسْنَ الرحيل.

تزوج الثنتين

برأيي إذا كان في انسجام بينك وبين طليقتك رجعها إذا هي جرحتك أكيد كان لها كتير مواقف طيبة معاك تشفعلها لا تنساها كفاية انكم عارفين طباع بعض تمام وفي بينكم حب وعشرة أحسن من تجربة جديدة مع وحدة ما تعرفها تمام يا تصيب يا تخيب

اخوي راح اكون صريح معك
طليقتك مو حب فيك تبي ترجع ولو فعلا كانت تحبك ماتخلت عنك من الاساس
طبعا مانلومها على انها تبي عيال هذا حقها ولكن اللي يحب ممكن يتنازل عن اي شي في سبيل اللي يحبه
عندي اخ جلس 16سنه بدون عيال والمشكله من زوجته ورفض انه يتخلى عنها او حتى يتزوج عليها يقول ماابي اغثها
وسبحان الله الله رزقه ببنت بعد هالسنين وهو يوديها من دوله لدوله يعالجها الين ربي رزقهم
اخوي طليقتك تبي ترجع لك من باب ( وجه تعرفه ولا وجه تنكره )
يعني هي عارفتك وبنفس الوقت مطلقه مرتين فـ فرص الزواج لها صعبه شوي

انا رأيي انك تتزوج قريبتك اللي وافقت عليك

.

استخير الله


.

اذا راينا موضوعك من منضور تبعد عنه العاطفه
مع هذى الرد
السؤال هنا
هل سوف تتقبل طليقتك وهي معها اطفال من رجل غيرك
هل سوف تتقبل وجود الاطفال اللذين هم سبب طلب زوجتك
لطلاق ورجوعها لك وهي تحملهم


او هل تبتدي حياه جديده مع انسانه جديده

انت من يستطيع ان يقرر بعد التفكير العميق
والاستخاره

هذا الرأي عاطفي اصلا
و اذا كان عندها اطفال من آخر؟

__________________

طليقته صبرت معاه 4 أو 5 سنوات و هي تعلم انه عقيم

و انتوا تقولوا ( باعتك ) ؟
خافوا الله

9سنوات هي فترة زواجهم

__________________