المشاركة الأصلية كتبت بواسطة ضيعتني آلعاطفة

التهرب له أسباب إحنا نخمن بس لكن مانقدر نجزم ، فيه اللي تتهرب لأن أهلها يمنعونها تتواصل معك لاتستغرب في عوايل عندهم ممنوع تتواصل البنت مع زوجها لين تروح بيته! ، ممكن تتهرب من نصايح الحريم إثقلي عليه و ألخ ألخ ، ممكن إنسانة ماعندها ذكاء عاطفي وإجتماعي ماتعرف تتعامل مع الأشخاص الغرب أو الجدد في حياتها ، يمكن فعلاً مجبوره على هالزواج أو تحب شخص ثاني ، أنا أنصح المتزوجين الجدد لايصيرون لحوحين مو من البداية تبي مكالمات طول الوقت ورسايل حب وغرام الأفضل التواصل يكون مره بالأسبوع إنسى العواطف في البداية خلك جنتل أفهمها سولف معها إكتشفها تعرّف عليها مو معناته صارت زوجتك غصب تحبك المشكلة إن الرجل يجي مندفع والبنت حذرة ويصير سوء تفاهم ، لو ماكنت فارض نفسك وناشب والبنت تتهرب أنا هنا ممكن أعذرك بس قبل الإنفصال لازم تكون صريح يابنت الناس أنا أحس إنك ماتبيني وتتهربين مني إنتي مغصوبة؟! أنا بديت أفكر إني أطلع من حياتك إذا ماتبيني قولي وأنا أوعدك إني أخليك لكن لاتعيشين معاي وإنتي كارهه بعدها أقطع كل تواصل معها وإنتظر ردة فعلها يابتخاف وترسلك وتحاول تفهّمك يابتقول زين جت منه وتسحب عليك و وقتها لكل حادث حديث ، إذا مو غلطانة إنت فسخت العقد الله يعوضك ويعوضها خير إذا مافيها إحراج إنت تكلمت معها ولا فاجئتها إنك بتتركها؟ وأيش كانت ردة فعلها؟

المشاركة الأصلية كتبت بواسطة سموره ☆

كم عمر خطيبتك ؟ اعتقد انها كانت صغيره ..

لأني كنت مثلها اتهرب من زوجي ايام ملكتنا ... مع اني احبه ... بس مدري ليه كنت اتهرب منه واطرده إذا طول عندنا ... الحين ندمت اقول ليتني استمتعت بهالايام ... وقتها كنت صغيره ماعرف ايش اللي اسويه وايش الصح وايش الغلط ... لدرجة ان كان يراسلني يقول بجي اليوم اقوله لا لا تجي !! . واكثر من مره ... واحيانا انا اللي اطلبه يجي ..

بصراحة أرى انك تسرعت كثير بتركها ... الله يعوضكم خير

المشاركة الأصلية كتبت بواسطة فارس مكه

الناس تختلف في شخصياتها و طريقة تفكيرها أحتمال كبير يكون زوجك شخص غير حساس

أنا شخص حساس جدا و عاطفي جدا و في النفس الوقت صبور

لكن في النهاية أتقوا شر الحليم اذا غضب

المشاركة الأصلية كتبت بواسطة ملكاتو

التهرب هو عدم الحب