نبه وعلم ولدك انه فيه أجزاء في جسمه ممنوع لمسها حتى لو راح المدرسه ممكن يتعرض للتحرش واستودعه الله
اللهم اهدي ضال المسلمين وأصلح شبابهم الله يفرج همك ويصلح اخوك وابن اخوك ويحنن قلب امك عليك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

بارك الله فيك اختي وفعلا من ذي الناحية الحمد لله حريص جدا بحيث اني انبهه انه ماحد يشوفك وانت بدون ملابس ولو احد مسكك او شي تجي تقلي والحمد لله هو ايضا نبيه ومايرضى حتى يغير ملابسه قدامي لازم يقفل الباب على نفسه والله العظيم اني دخلته مدرسة نموذجية بعيدة جدا عن بيتي بسبب سمعة المدرسة والولد مرتاح الحمد لله فيها

لا تخليه مع ولد اخوك الاكبر منه حتى لولم يكن عنده خرابيط
كل واحد يلعب مع الي في سنه
امك على العين والراس لكن عند سلامة ابنك قل لا
اصبحنا نسمع باشياء تشيب الراس

يا اختي نفس رأيي بس تعالي فهمي امي

نزلت عندها قبل شوية سلمت على راسها ويدها ولازالت زعلانة قلت لها يمة تبغين شي ? قالت لي لا سلامتك وخرجت من عندها وفقلبي غصة ولا حول ولا قوة الا بالله

ابدا إلي صار ما له علاقة ببر الوالدين .. وحط في بالك فعلتك ابدا ما فيها
ذرة عقوق وربنا عالم بالنيات .. وخوفك على ولدك هو الصح وكل محاولاتك
في دفع البلا عن ولدك أحييك عليها الصراحة .. وهو امانة في رقبتك يوم القيامة
.. لانه لو مشيت على كلام امك وتركت ولدك لعبة عند ولد عمه .. ولدك ممكن لا قدر
الله يضيع وتدمر حياته للأبد بسبب ناس ما يتقوا الله .. ولدك ثم ولدك ثم ولدك انتبه
عليه .. تراه صغير ما يعرف مصلحته وصدقيني قد ما تتكلم معاه عن التحرش الواقع شيء
والكلام شيء ثاني .. وانت في يدك بعد توفيق الله انك تحافظ عليه.

إنت عندك هدفين
1- تحافظ على طفلك وتربيته
2- ترضي والديك وخصوصاً أمك

أنا أشوف انك تقدر تجمعهن الثنتين بسياسه ومداراه
ياخوي بر الوالدين صعب وركز عليه القرآن والدين واااجد لأنه فعلاً صعب ، أعمارهم عقلياتهم تقكيرهم حججهم يبيلها صبر ،، واللين مادخل في شيء إلا زانه
مو لازم ترفع ضغط أمك وانت عارف الكلام والنقاش مايجيب نتيجة ،، تجلس تعيد قدامها انك ماتبي ولد اخوك وانه فيه وفيه وان ولدك وانت مدري ايش و و و وانت عارف كل هذا هي ماتفهمه ولا تبي تفهمه !!
خلاص لازم ترضيها إلعب عليها ياخي سايسها وساحلها بدون ماتفلت ولدك !
لا تنام يوم وهي زعلانه منك مهما كانت الأسباب قويه !

قولها ابشري يايمه وخلاص انا ابي عيال العم يتصادقون وابي احتوي ولد اخوي كأنه ولدي وابيهم يجتمعون ويكبرون على الطاعه وانا بكون معهم دايم وبجمعهم وبحاول انتبه لهم و و و

دامهم بس يجونكم يوم واحد فض نفسك هاليوم واجلس معهم طول الوقت ،، جيب بلاي ستيشن يلعبون فيه قدامك او طلعهم مكان وانت معهم حسس امك انهم مع بعض وبنفس الوقت انت راقبهم ولاتغفل عنهم ،،

أما أخوك صراحه لاتعليق الله يهديه ويصبر زوجته ولايبتلي أبنائها بجريرة أفعال والدهم !!

"" انا استشفيت من موضوعك وردودك إنك حاد ومباشر وغير مجامل وصريح ، هذه صفات طيبة بس أحيان تحتاج للمداراه والسياسه خصوصاً في النقاشات الأسرية عشان تحرص عالروابط بينكم ""

لاتغفل أبداً إنك تستودع ابنائك وعائلتك الله في كل نهار وليله

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

شكرا اختي والله يجزاك خير على اهتمامك

قريت كلامك اكثر من مرة وفعلا من صفاتي اني ما اعرف اجامل احد ابدا ابدا لا زميل ولا مدير ولا اخ ولا حتى امي وابوي واذا مرة مرة انحديت اني اجامل اسكت ولا اتكلم والي قدامي يفهم اني ماني راضي

فكرة اني اجلس اراقبهم في ذا اليوم ابدا ماخارجت معي لانهم بكل بساطة ينطون من غرفة للثانية زي الفشار ولا يبقون فمكان واحد شوية في غرفة شوية في الحوش شوية عند باب الشارع فصعب واذا جا اخوي اترك اخوي واقعد اراقبهم صعب جدا سرت امسكهم عندي في الغرفة الي فيها ابوهم ولا اخليهم يتحركون

دعواتك

الأشد والأعظم نكيرا وجرما هو إقرار امك وتسليمها بزنا ابنها وأنه لاشيء عليه .. ذكرها بالله أخشى والله أن يلحقها اثم عظيم وهي موافقة على هذي الكبيرة العظيمة .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

يا اختي خليها على ربك … امي تفكيرها ما اعرف اوصفه
والله العظيم خايف عليها من عقاب الله بدل ماتمسك ولدها وتذكره بالله وعقوبة الاعتداء على اعراض الناس تبرر بشكل عجيب
لكن اش فيدي اكثر من الي سويته ?

قرارك صحيح ولاغبار عليه لكن هناك مشكلة لازم تحلها وهي ان امك راضيه وتعلم بما يفعل اخيك وهذا لايجوز لاشرعاً ولاعرفاً

__________________

طعنة العدو تدمي الجسد،وطعنة الحبيب تدمي القلب