آنه عندي قروبين لأهل ابوي
و3 لأهل امي
و واحد لبنات المدرسة
وواحد لبنات الحج
وواحد للأعمال الدينية والاستغفار
وواحد للمدرسة الدينية

يعني حوالي 9 قروبات ...
بس مو كلها اتابعها أول بأول
بل إن كلهم ما اتابعهم اول بأول الا اذا مزاجي يسمح
اساسا حتى المحادثات الخاصة محادثات وايد ما قاعدة ارد عليها


مثل هالبرامج وايد حاوة حق التواصل مع الناس
وتوصلج اخبار الناس والديرة والاهل وكل شيء
بالعكس اشوفه شيء وايد حلو

ليش تتحسسين اذا ما ردوا عليج ؟ 😂 عادددي
يجوز ما انتبهوا .. ووو الخ
مو شرط الا متقصدينج ...


صار لي موقفين في اخر فترة مع عماتي
الموقف الاول كتبوا خبر ولادة بنت عمتي وما كان لي خلق ابارك ...
بعدها بجم يوم كتبو خبر ولادة بنت عمي .. وكتبت بالضبط " مبروك ما ياكم مرت عمي القمر وتتربى بعزكم فاطم )
😂😂😂😂 دشت لي عمتي خاص .. وكتبت معلقة عتاب
وعادددي قلت له ما كان لي خلق وجذي يعني

الموقف الثاني مع عمتي الثانية
قالت لي انتي متغيرة علي قلت لها ليش عميمة
قالت سويتي حق عمتج فلانة لايك في الانستغرام وما سويتي لي
بكل روح رياضية قلت لها عمه هو اسمه لايك اذا عجبتني صورة احط لها لايك اذا ما عجبتني ما احط 😂😂😂😂


هذي البرامج للفرفشة ... مو للنكد والحساسيات
اذا منتي مرتاحة في قروب تعذري من اللي ضافتج فيه واطلعي منه

__________________

حاجة الناس إليكم من نعم الله عليكم ، فـ لا تملوا النِعم ☁✨

أخالفك الرأي ..
إذا المسألة فيها تهنئة ولشخص له حق علي .. عم خال .. اشوفه واجب تباركين
مو تخلين المسألة للمزاج .. إذا بتردين ردي ع الكل وإلا اتركي الكل ..
اما سالفة اللايك هذي اوفر بصراحة ..

وبالعكس انا أتمنى ان القروبات لإعلان شيء يخص العائلة بعيد عن السوالف اللي مالها معنى .. وأنا طلعت من بعض القروبات اللي ماارتاح فيها بس تظل بعض القروبات موجودة ..

راقية ماشاء الله عليك .. هذا المفروض

والله أنا ماعلي من أحد القروب اللي مايعجبني أطلع منه خراب يادنيا عمار يادماغي !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

أنا اشهد ..

أنا اي احد يضيفني من غير لا يسألني على طول اطلع من القروب لا سلام ولا كلام .. مهمى كان اللي مسوي هذه المجموعه او اين كان اللي مشاركين فيها .. بالنهايه هو الغلطان بيزعل خل يزعل انا ما غلطت ...

فعلاً .. من حقك

انا القروبات مو مشكلة عندي لأَنِّي أسوي لها ميوت و ارتاح و منها تواصل مع الناس وقت الروقان و ما تنقطعين عنهم
مشكلتي مع الرسائل الفردية انزعج كثير منها
و غير كذا ما احب اشوفها يعني حتى لما سوو خاصية الكتم لها احس نفس الحال ماا احب اشوفها



عموما اللي ما يعجبك احذفيه و ما عليك خطا

أنا مثلك اسوي لها ميوت .. بس بالنسبة للي ماأبيها اطلع منها .. بس احياناً يشوفونك ماتبيهم ولاتبي تتواصل معهم ..!
لذلك القروبات اللي تخص العائلة .. اضطر اكون فيها لمعرفة الأخبار الجديدة عندهم ..
والا ماراح ادري عن العالم ...
بالنسبة للرسائل الخاصة اذا تجيك عن طريق برودكاست ، يقال اذا حذفتي رقم الشخص معاد تجيك
انا بصراحة ماجربت ..

موضوع القروبات مزعج بس الواتس عموما برنامج جميل للتواصل مع الأهل
بعدين ليش تضايقي نفسك قروب مو عاجبك اعتذري واخرجي عادي .

انا اذا لقيت نفسي فجأه بقروب اقولهم معليش جوالي بيعلق من القروبات ف لازم اطلع وخلاص صل الله على محمد

__________________
لاتسعى لتصحيح ظن احد بك ££ خالقك ينظر لقلبك وهذا يكفيك