قال رسول الله صلى الله عليه وسلم: من كانت له امرأتان يميل لإحداهما على الأخرى جاء يوم القيامة وأحد شقيه ساقط . وفي رواية: يجر أحد شقيه ساقطًا أو مائلاً أخرجه الإمام أحمد في (المسند) ج 2، ص 295، 347، 471، وأخرج النسائي وابن ماجه في سننهما نحوه.
وعن أبي هريرة رضي الله عنه، عن النبي صلى الله عليه وسلم قال: من كانت له امرأتان فمال إلى إحداهما جاء يوم القيامة وشقه مائل أخرجه أبو داود في سننه ج 2، ص 601، وأخرج الترمذي في (الجامع) نحوه.
وفي هذه الأدلة دليل على توكيد وجوب العدل بين الضرائر،

__________________
سبحان الله وبحمده سبحان الله العظيم

الله يجزاك خير على هالحديث المبارك
يمكن الناس تتذكر أنه لي حقوق
ربي مايحب العبد المستسلم الإنسان لازم يطالب بحقوقه
للأسف هوا يقول ماني مجبور أعدل
عشان مامعاي اصرف!!!
وانا من بداية زواجي عمره ماعدل من وقت لما كانت اموره ميسره
كان يسفرهم كل الاجازات وانا يتركني ولايعوضني بسفره مثلهم
ومسكنها في بيت اربع ادوار
وانا غرفه وصاله ثلاثه في اثنين تخيلوا حجم البيت
ومع هذا مااستأجر لي البيت إلا بعد سنتين ونص من المطالبه
كان تتركني في بيت اهلي
بعد هذا كله يبيني أقدر ظروفه ووضعه وانا مو مصدقه اللي يقوله اصلا

بس من قريت مواضيعك ....زوجك بايع ويبيها تجي منك

بايع والا شاري
عساه يلقاه بالدنيا قبل الاخره

دخول والدك في الموضوع نرفز زوجك وخلاه يرد هذا الرد القاسي
صحيح ما نبرر له هذا الرد مهمى كان هذا عمه واحترامه واجب ..
اتمنى انك ما تكونين من النوع اللحوح اللي على الطالعه والنازله تطلبين العدل في المبيت منه ..
ترا قليل اللي يعدولون بين الزوجات في التعدد ..
غالبا اذا كان من نفسه يميل للزوجه الثانيه ... اما اذا كان عشان يقهر الاولى فتره قصيره ويرجع لها ..
الله سبحانه وتعالى يقول ولن تستطيعوا ان تعدلوا بين النساء ولو حرصتهم ..
يعني العدل مو انه اذا جلست معك شهر يعني اجباري اجلس معاها شهر بالدقيقه والثواني
ممكن يزيد يوم ينقص يوم .. خليكم مرنين ..
خصوصا انكم في مكانين مختلفين يعني مو بيت واحد ..
فهذا الشي قبل لا يتزوج شي متوقع .. لانه المشاوير بروحها تخرب النفسيه
اضيفي الى ذلك مصاريف اسرتين مو اسره وحده ..
الله يعينكم ويصلح حالكم ..
حاولي ما ادخلي اهلك في مواضيعكم الا اذا وصلتوا الى طريق مسدود ..

تزيد يوم تنقص شهر
عادي مو مشكله
لكن يجلس هناك شهر شهر ونص
وعندي بس اربع او خمس او ست ايام بالكثير!!!! احسب الفرق
النفسيه محطمه
دخلت ابوي لانه كل مااتكلم معاه يدير ظهره او يقاطع كلامي او يسكت
عطيته خبر ترى لو كنت راضي تسمعني راح ادخل والدي
مو راضي
لازم يحس وراي أهل لين متى الاستهانه

بعد ماكنت خايفه من الطلاق ولاحظ خوفي
وانتو كنتو تنصحوني أنه مفروض ماأبين له خوفي لانه راح يضغط علي بهالنقطه
الحين تغير الحال
كرهني فيه يوعد ويخلف
يحلف ويكذب
يلف ويدور
اي شي يقوله يسوي عكسه
دائما يصدمني بتصرفاته
مثلا مرا جبت له هديه عطر
اول شي ترك العطر مثل ماهو ثلاث ايام كإنه مو شايفه لين قلتله ع الاقل اقرا اللي كتبته
وكتبت ع الكرت كلام
انه عسى دنيتي تكون انت
رمى الكرت بالكرتون وقالي عاد تكون انا والا مو أنا
محد داري وش بيصير والعطر لما بخ منه
قال مو من الروائح اللي احبها
هذا نواعمي انا إبتسمت وسكت
تصوروا الجرح اللي قاعد يسببه..

أحيان يعاملني افضل معامله لدرجة يحسسني الوحيده بحياته
ينام يصحى واحد مختلف تماااما
يهنني ويستحقرني ويحسسني أنه مالي اي قيمه
صرت ماعاد همي الطلاق
خلاص ربي عطاني القوه من القهر اللي عايشته والقلق اللي مسببه لي
عمري ٣٢سنه وهو٥٥سنه
مع هذا الفرق برضو مو محترم نفسه على كبر عمره

وش السالفه المواضيع اليوم كلها ترفع الضغط
اختي الله يهديك لاترخصين نفسك وش اللي ادفع لك بس تجلس !!!
تدفعين له عشان حضرته يتكرم ويجلس عند زوجته وعياله!!
واما رده على ابوك اكره شي عندي بالدنيا قلة الادب مع كبار السن وخصوصا ان ابوك الله يحفظه ماغلط ولا اهانه
اختي اذا لك اخوان دخليهم بالموضوع
لان باعتقادي ان الناس نوعين نوع يستحي ومايخاف ونوع يخاف مايستحي واعتقد ان زوجك من النوع الثاني
وبعدين فيه شي محيرني وش علاقة الفلوس بجلوسه؟
يعني اذا جلس راح يكون المصاريف اكثر؟

استخدمي ذكاء وكيد النساء ياورد... ليش ماتخلين اولادك يدقون عليه اذا راح لزوجته الثانية خليه يوله عليهم ... اذا حب اولادك وتعلق فيهم اكيد بيحبك ..... انت حسسيه اذا جاء انه غير موجود ... ماتعرفين الرجال مثل الكوره شوتيه يرجعلك....

كل كيد النساء مشيت عليه
من ناحية رومانسيه وعياله اخليهم يكلمونه واحننه عليهم
مافي فائده
للعلم لما يجي بس مجرد يشوف عيالي يسلم عليهم
خلاص بعدها يصير يحاول مايبيهم عندنا واذا طلعنا تتمشى
يقول خليهم عند اهلك خلينا لحالنا احسن
او شيلي بس واحد منهم
نفسيه نفسييييه