مرحباً أختي

يبدو أننا لازلنا نعيش المشكلة الأزلية .. لا الرجل يفهم طبيعة المرأة وليست المرأة تفهم طبيعة الرجل

فتجد الرجل يستخف دمه ويتعامل ببرود مع زوجته ويعتقد أنها ستتقبل كل كلامه وأفعاله

ولا المرأة التي تتفهم كلام الرجل وتتغاضى عن كثير من الكلام وتترك الحساسية العالية من كلام زوجها وتعتبر أن كلامه جارح لها ولأنوثتها

مع أن الجميع يعلم أن المسألة تافهة وأن الجميع يحب بعض ويثق ببعض

ولكن مع ذلك تحدث مشاكل من لا شئ .. ثم تستخدم المرأة وسائل التهديد بالذهاب لبيت أهلها أو الطلاق .. ويستخدم الرجل كرامته ورجولته التي ليست في مكانها الآن وبدل أن يحتوي المشكلة تجده يفاقمها ويكبرها إرضاءً لكلمته ورجولته وعدم إنكساره

أخيراً
أختي .. الخطاء الذي حصل من زوجك بإستفزازك لم يكن يستدعي أن تعملي الهليلة الكبيرة هذه .. بكى وإنهيار وخروج من البيت وحماك يلحقك

للأسف .. كثرة إستخدام الزوجة للتهديد بالذهاب للأهل أو الطلاق .. كأنها تستخدم كروت كانت مميزة عندها تستخدمها في الشديد القوي ولحاجة قصوى .. ولكن عندما تستخدمها الزوجة على الطالعة والنازلة فهي تحرق كروتها

أرجعي يا أختي لبيتك ولا تكبري المشكلة

الله يهديك

معك حق بكلامك بالبدايه .. بس انا ماعمري هددت بدون سبب و مره يمزح قال اطلعييي سوي اكشن روحي لاهلك لين متى كذا سنه ماعمرك تركتي البيت قلت له ما اخليك ناشبه لك و على قلبك و والخ .. بس هالمره ماقدررررت والله ماقدرت لان قلبي احتررررررررق

ترى ما عمره انحل شيء بالشدة..
الأمر مو تافه ومؤذي للزوجة
ولكن حبيبتي مو على كل شيء نترك البيت و نطلع..
چان طلبتي منه إن يسوي لها بلوك بدون التهديد ببيت أهلج..
اوكي معاج حق تزعلين.. دام الحين إجازة و ما فيه بحوث ما له داعي التواصل

__________________

حاجة الناس إليكم من نعم الله عليكم ، فـ لا تملوا النِعم ☁✨

انا ماهددته وماقلت له احذفها ولا اترك البيت .. قلت له بلكها قال ابلكك ولا ابلكها ..
و انا والله لو بترك البيت كان تركته من زمااااااااان من اهله بس قلت له ما اترك البيت الا لثلاث اسباب > هالكلام من شهر واكثر .. قال وش الاسباب قلت يا اما ضرب او خيانه او زواج علي وضحك هو قال بيصيرن كلهن و مزحنا وضحكنا والخ .. والحين هذي انا اعتبرها بداية خيانه عشان كذا تركت البيت خليه يحس بغلطته و لأوووول مره راح اقطع تواصلي معاه .. كالعاده لما ازعل اسوي له جرايد بالواتس وسناب و و االخ .. هالمره بنقطع عنه عشان يحس

الحين تعبت والقولون شب علي والوجع فضيع وخايفه اكون حامل وعندي رقم هذيك و ودي ارسل لها و احس ضغطي مرتفع و اخاف مايحس بغلطته .. زوجته الاولى لما تزاعلوا قال كانت تنتظرني ارسل لها وما ارسلت ومن قالت طلقني طلقتها .. و اخاف انا نفس الشي و من جهه ماودي ارجع واطيح كرامتي لان والله معي حق

ما أراه أنكِ منذ زمن تنتظرين فرصة للذهاب لأهلك زعلانة .. ولما جاءت الفرصة اقتنصتِها!!


الله بهدينا ويهديج.

__________________


اللهم طِيبَ الأثر .. وحُسْنَ الرحيل.

فعلا والله .. لان تراكمت علي ضغوط من كل جهه .. تعبت من شغلي ومن اسلوب اهله ومن بنتي ومن شغل البيت ومن تصرفاته اللي اعترف صايره اشك فيه لان قلبي ناغزني صايره عليه حركات .. مثل مره جابني من اهلي وقال ابي البق السياره واجي و رحت وتأخر 5 دقايق و 10 قلت بقلببي اكيد يكلم احد وبعدها اتصلت وينك قال جاي ولما جا قلت ليه تأخرت قال كنت اكلم خويي بس داخليا قلبي حااااس مو خويه .. و طلعاته كثرت .. بس مالقيت شي عليه ويقوللي من زمان اطلع كذا بس انتي مدري وش فيك صرتي تدققين والخ .. وحلف لي ان ماله علاقات وقال لي مو لان تزوجت .. من قبل اتزوج كل همي دراستي وشغلي وماعندي وقت لهالسوالف و لو ابي كان اتزوج لان شغل تضييع وقت ورى شاشه ماحبه .. واتا اثق فيه بس مادري مرات قلبي ينغزني

فعلاً معك حق وبقووه
مشكلتك مو تافه ومحد يلومك
لكن كل مشكله ولها حل انا اشوف انه حلو يعرف حدوده ويتأدب معك من هالناحيه
بس كيف بيعرف وانتي مانعه التواصل معه ... تواصلي وتفاهمي اذا تواصل معك طبعاً وحلي مشكلتك وارجعي بيتك قبل تكبر لان اذا كبر الموضوع ماينحل ...

__________________
.. أستغفر الله العظيم .. أستغفر الله العظيم ..

موضوع انه يبشرها وتبشره لو انا مكانك بجد بتضايق ب\ون لايقول اصلا ابلكك ولا ابلكها ..
الموضوع اساسا ماله داعي البتباشير وخاصتا انه الان اجازه كمان ..

اذا طلب يتواصل معاكي تواصلي معاه لكن بدون صراخ ورفع صوت .. واذا جا ببالك ترسليله واتس وتعبريله عن احساسك برضو اتوقع عادي عشان يفهم وجهة نظرك ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

روقي واستهدي بالله ،
اتركيه لكن خلي باب التواصل مفتوح ،
وهي لا ترسلين لها شيء لانها ماعملت شيء غلط !
زوجك هو اللي ارسل لها يبشرها بنجاحه وطبيعي بترد تبارك له
ما أهذر لها هي غلطانه
لكن موقفك بيكون مرررررة بايخ لما ترسلين لها

طلعيها من بالك وارتااحي وبتزين ان شاءالله ولا عليك من الغلطان .. خلاص طلعتي بنفسك تحملي قرارك

__________________
سبحان الله وبحمده ، سبحان الله العظيم