السلام عليكم ورحمة الله
انا العضوه ميرال♡ بس نسيت الرقم السري لاني من زمان مادخلت

الموضوع كان مشكله بسيطه تجر للطلاق ،، سافرنا وغيرنا جو الحمد لله ورجعنا

قبل مادخل بمشكلتي ، زوجي يعاني من ضعف ب السمع من صغره

المشكله صارت قبل امس عزمتني وحده من صديقاتي ودي الصديقه دايم تعزمني وزوجي يقول لي مره ثانيه اوديك كنت اسمع كلامه
المهم قلت له بالظهر فلانه عزمتني وهو طالع فيني وساكت فقلت اكيد وافق ونمنا الظهر وصحى العصر وطلع وانا تجهزت وخلصت ودقيت عليه عشان يجي وقلت له انا جاهزه تعال لي
قال لي فين ؟ قلت له عند صديقتي فلانه
قال لي ليه ماقلتي لي من الصبح ؟ قلت له انا كلمتك الظهر
قال ماكلمتيني واسف مشغول ماقدر اجي ،، عصبت بالتلفون وقلت له ياتجي الحين او بروح بيت اهلي
قال انا مشغول ماقدر اطلع ، قلت له وين مشغول وانت قاعد عند اهلك
قال تتجسسين علي وتراقبيني ؟؟ قلت له لا بس تكلمت مع اختك وقالت انك عندهم
قلت له الساعه 8 اذا ماجيت مارح اقعد بالبيت
قال لي اوك وقفل وجاني 8 ونص كنت معصبه وزعلانه قلت له ليش تاخرت محد بيروح بدا الوقت
قاال مين قاال اصلا اني بوديك ؟ قلت له طيب ليه ماقلت لي وقت ماسالتك الظهر وخليتني اقولهم اني جايه وهم منتظريني
قاال انا ماسمعت قلت له الا سمعت لا تكذب
حلف يمين ان ماسمع قلت له مو ذنبي انك اصمخ ماتسمع
قال لي تعايريني بمرضي ؟ قلت له ماعايرتك بس انت اللي تبيه تسمعه تسمعه واللي ماتبي تسمعه ماتسمعه وتتحجج بمرضك
وزعل وقال اذا مرضي مضايقك مانتي ملزومه تعيشين معي ومشكوره لانك تحملتيني
وماعتذرت له بنفس اللحظه ، طلعت من الغرفه ورحت كملت يومي ونومي بغرفة صغاري
وامس جيت اتكلم معه مايرد علي قلت له وش فيك قال ولا شي
وبعدين جاني يقول اذا مرضي مسبب لك احراج او مضايقه فالله يستر عليك ، قلت له لا ابدا واعتذرت له
قاال لي اسفك مو مقبول وانتي جرحتيني وهالجرح ماني مسامحك فيه طول مانا عايش ولو اعتذرتي بنفس اللحظه كان يمكن اقبل اعتذارك بس تركتيني ونمتي عند العيال وماجيتي تعتذرين الين لما جيتك انا وتكلمت .؛ قلت له اسفه ماتوقعت بتزعل وانا وقتها كنت زعلانه
ماخلاني اكمل كلامي ورفض يسمعني والى الحين مايكلمني
يقول لي انتي مو ملزومه تعيشي مع واحد ناقص

والله انه يعذبني بكلامه هو يدري اني احبه ولا يهمني مرضه ودي اول مره اذكر فيها مرضه اول مره بحياتي اجيب سيرة السمع
ضميري يأنبني لاني زعلته وابيه يسامحني