عندك اطفال اختي؟
هل تحبينه؟
مستعده تكملي باقي حياتك معاه بنفس الروتين العملي والتنازل عن متطلباتك النفسيه اللي تسعدك؟

حامل حالياً فقط بأول طفل بإذن الله
ايوه أحبه جداً
مستعدة أكمل لسببين:
ـ إن زوجي مافيه عيوب أخرى تقدح فيه كثيرة و مريرة
ـ لأنه يتغير"صحيح بصعوبة و بعد ما اتعب كثير" لكن هالشي يعطيني أمل كبير
خاصة لما أقارنه بغيره من الأزواج اللي بدوا يتغيرون ببطء بعد عشر سنوات أو ٥ سنوات ..
أنا خلال أشهر تطور والله

نقطة الطلاق لما هددني فيه انا سكتت وقلت له بعد تفكير : انا ماراح اختار الطلاق لكن ماراح اكون مبسوطة معاك
اليوم الثاني عزم جارنا من نفسه و اخذ رقمه عشان يخليني اتعرف على زوجته
"يعني قطع شوط"
لكن للاسف لما جا الجد وقلت له خليني اعزم جارتنا .. تردد و رفض "ورجعنا لنفس الحالة القديمة من الحكرة"
لكن اجمالاً اشوف رغم تردده فيه قفزات قاعد يقفزها رغم شخصيته المنغلقة تعطيني أمل

الله يوفقك ويصلح امورك ويحقق لك ماتتمنين

آمين يارب جزاك الله خير على دعواتك

ادعي ربك كثيرررر و عوديه شوي شوي
ان شاء الله يتغير
من تجربة
فيه ازواج يتغيرون بس بعد عشر سنوات
وفيه بعضهم عشرتهم صعبة
اذا يخاف من الحسد عشان زيارة قوي فيه الجانب الديني واذكري حق الجار
واذكري له كيف النبي صلى الله عليه وسلم كان يبر في صديقات خديجة بعد وفاتها و يعطيهن من الهدايا تقديرا و حبا لزوجته
بيني له اهمية الصداقة
واصبري و لا تستعجلين النتايج
فالحياة كلها صعوبات 😊

ـ صحيح أهم نقطة الدعاء
ـ بالنسبة للتغيير هو قالها لي صراحة: انا يمكن اتغير بهالموضوع بالذات بس بعد عشر سنوات او اكثر
ـ فعلاً هو يخاف من الحسد جداً ، للأمانة كل اللي قلتيه ذكرته حق الجار و صاحبات خديجة رضي الله عنها
لكن يرد علي ب ردود جدلية: زي مثلاً ان صاحباتها هذولا كانوا بالجاهلية ، بعد الإسلام تفرغت لبيتها فقط !

ـ صدقتي والله كلامك عقلاني و اتفق معاك فيه ، يبي له الموضوع صبر و الحياة مو كاملة
أشكرك

يبدو أن زوجك من النوع المتطرف في حب التملك، فلا يريد أحد يشاركك غيره.
حاولي أن تسعي إلى فكرة أنكم تخرجون سوا وتتمشون برى المدينة.

__________________
ياصبحِ لاتِقبل !!
عط الليل من وقتك..

ما اتوقع ابداً حب تملك
لأني سألته صراحة و جاوب بالنفي "و ماهو من النوع اللي يكابر او غير فاهم نفسه"
أيضاً من خلال عشرتي معاه فهمت ليه يتصرف كذا ..
خليط من الحرص و الخوف و الغيرة + تربيته في بيئة منغلقة جداً بلا علاقات + شخصيته أساساً متحفظة جداً

سعيت والله لفكرة الخروج سوى و حصلت مرات معدودة وحتى السفر
لكنها كانت مملة جداً و قاتلة بالنسبة لي و تنتهي دائماً بدموع مني و شجار و غضب منه
لأنه يقيدني بالطلعة جداً
مثلاً رحنا حديقة وكانت شبه فاضية
قلت له بقوم امشي شوي قدام عينك "رفض و عصب"
يبغاني جمبه و أي تصرف يسويه أسويه
يشوفني منطلقة جداً و انه لازم يكون موجود معاي لأن ماعندي حدود لأي شي في الطلعة
مع اني أبداً مو كذا
لكني احب استمتع لما اطلع في حدود الشرع و العرف و المعقول ..

الله يصلحه

....

__________________
أشهد أن لا إله إلا الله و أشهد أن محمدا رسول الله صلى الله عليه و سلم

آمين يارب
أشكرك على تواجدك