ليله غير منسيه ورومنسيه....يمديكم عليها؟؟؟ - الصفحة 2

25-09-2004, 11:28 PM

كيان الشوق

قلب المنتدى النابض

تاريخ التسجيل: Jul 2004

المشاركات: 694

ليله غير منسيه ورومنسيه....يمديكم عليها؟؟؟

تدرون وش صار فيني بعد سنه من الزواج ؟؟؟؟

حبيت أعمل ليله حالمه ليله أعيد فيها ذكرى الزواج !!!!

لكن حدث مالم أحسد عليه

طبعا كنت متشغفه هذا اليوم حتي اعمل المفاجئه التي كنت سوف أفجرها في ذاك اليوم

اللي كنت أستجمع ماهو جديد ومثير وجميل من هذا المنتدى الراااااائع لتحقيق أجمل ليله
في العمر

(
ليله غير منسيه ورومنسيه )

المهم ما أطول عليكم ..

مرت سنه طبعا على زواجنا وحبيت أعيد هذي الذكرى الرائعه طبعا كنت مسافره وعملت ليله حلوه وخفيفه وقلت لما أرجع من السفر انشا الله واكون في البيت أعمل عاد اللي نفسي فيه وجالسه أشهر أفكر في أجمل الطرق..

المهم

كان ذاك اليوم الله يسلمكم زوجي طالع للاستراحه لأن له ربع من ديره ثانيه جايين ومسوين عشا لهم وقال انه راح يتأخر علي
قلت فرصه اني انا آخذ وقتي بعد

المهم حبايبي قمت اغسل وانظف في البيت وكنت وجهزت المفاجئه في المجلس وهي كالتالي:

* مخدات حمر على شكل قلوب مطبوع عليا أبيات شعريه تحمل أسمي واسمه وبعضها فيها عبارااات حب ورومنسيه

* شموع فواحه باللون الأحمر

* فواحه في المجلس ريحتها جنااااان

* قصاصات ورق شجر مخمليه لونها أحمر مكتوب عليها احبك وغيرها من العبارات بحروف متقطعه من الباب الى المجلس

* قطعة مخمل كبييييير تعلق بالجدار مكتوب فيها قصيده غزليه روعه ومعلقتها

* وغي كذا القاتوه مكتوب عليه ألف مبروك نفس قاتوه ليلة الزواج وكان منهبل عليه (يوم الزواج )

وآخر شيئ أنا عاد .................

المهم كل هذا في المجلس وكان شكله روعه وتعبانه عليه حيييييل في التصفيف والتجهيز

لأن المجلس كان مساعد لأن اللون كان أحمر

المهم جت الساعه 12 بالليل والحبيب تأخر

أرسلت له مسج وقلت له لازم تجي تأخرت علي

المهم دخل الساعه 1 بالليل وكنت متحمسه حيييييل

لكن

ما جا لحاله eek::

جا معه الله يسلمكم ضيف

المهم هو دخل وانا على بالي استقبله عند الباب

بأبدأ

فاجئني قال بسرعه جهزي فراش ومويه عندي واحد بينام عندي

قلت كيييييييييييييييييييييييييف

قال بسرعه بيدخل الحين

قلت وانا . : .. المجلس .. والسنه ...

قال وشفيك ؟؟؟؟!!!! :

المهم فتح المجلس وشاف الحاجات قال وهذا وقته ؟؟؟؟؟؟؟؟؟

جتني صدمه نفسيه

قال ضفيها بسرعه الرجال برا :

المهم قمت اضف تعبي وهو ضف معي بسرعه وشي رماه بالصاله وشي بالغرفه

وقمت أبكي من القهر وضيقة الصدر وحقدت حيييييل على ذا الضيف مع انه ماله ذنب بس...

قلت هذي أول مره أسوي فيها هذي الحركه وأول مره من تزوجنا أتجرء فيها ويصير كذا!!!!!!!!!!

المهم دخل الضيف المجلس طبعا كانت الريحه زكيه وتجنن بس فيه حاجه نساها الحبيب
نسى الكمبيوتر مشغل :

لاني كنت عاملع بالفلاش حركه كاتبه جميع الرسائل اللي كان يرسلها لي أيام الملكه والخطوبه طبعا حدث ولا حرج عن هذي الرسايل عاملتها مثل الفلاش طبعا ماخذه هذي الطريقه من هذا المنتدى

وشافها الضيف وبلعها وزوجي انحرج :

كذلك الضيف أنحرج وفهم وش السالفه :

المهم حلفت بعدها ما سوي شي بعد هذي التحطيمه الكبيره اللي حدثت لي

طبعا طولت عليكم بس أعذروني

لكن المشكله ودي أسوي شي لهذا اليوم وماني عارفه كيف

يعني كيف أعيده بعد اللي صار بصراحه صرت متشائمه

وأبغى التعويض ياريت تنصحوني والا هذا الموقف أحرقها

وش أسوي مع أني حلفت مايشوف مني مثل كذا بس تحسفت يوم قالي انك كني مبدعه بس الوقت ماناسب ابدا

وكان شي ماصار مع المفروض انه هو اللي يعوضني

أبغى نصيحتكم الله يوفقكم :

وعذرا الف عذر على الاطاله

وأتمنى انكم ماتفشلوني انتم بعد

__________________
****

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه