أختي...
ما يصيبنا من هم وضيق وكدر يعود إما إلي ارتكاب معصية أو تقصير في عبادة..
عودي إلي الوراء قليلا واسترجعي شريط حياتك...
وأوصيك بوالديك..
حلاوة الدنيا في رضاهم..
ومرارتها في قهرهم وإهمالهم وعدم الاهتمام بهم..
وكما تدين تدان...
لو حاسبنا أنفسنا علي أفعالنا...لوجدنا الراحة والسعادة التي ننشدها..
وأخيــــرا...
( إن الله لا يغير ما بقوم حتى يغيروا ما بأنفسهم)

طبعا هذة الكلمات أوصي بها نفسي قبل غيري...
أسعدك الله وأنار طريقك !

zzeko تسلم على الرد والنصايح

سكوتر ...تابعت حلولك للمشاكل ...ودايما تعجبني حلولك المنطقية واشكرك على الرد والاهتمام... وبالنسبة للاسئلة

1ـ كم عمرك ؟
23

2ـ ماهي حالتك التعليمية ؟ طالبة ..أم طالبة متقاعدة ..أم موظفة ...
طالبه

3ـ من هو الشخص الأكثر إثارة للعصبية في المنزل ؟
للأسف الشديد الأم وبشكل مستمرررررررررر وخاصة لي

4ـ ماهي النواحي الجيدة والإيجابية التي ترينها في شخصيتك ؟ لاتقولي مافي ..
الايجابياات:- الطموح
اجتماعيه وممكن اندمج مع اي حد وبسرعه
طيبة القلب والتعامل ببساطة مع الجميع

5ـ ماهي النواحي الجيدة في حياتك ؟ أيضا لاتقولي مافي
اعتقد السؤال الرابع والخامس اجابتهم واحده

6ـ ماهي المواقف ( واعصري مخك جيدا ) التي سبق ومرت بك أو مريت بها وخرجت منها بشعور التقدير لذاتك
اذا انجزت مشاريع الدراسه بشكل ممتاز
اذا حصلت على درجة عاليه
اذا سويت شي مميز ونال الاعجاب
اذا طبخت وطلعت الطبخه حلوووه

7ـ مانوع علاقتك بالله سبحانه وتعالى ..هل تؤدين الصلاة في وقتها مستكملة ركوعها وسجوده ..وخشوعها ؟ هل تحافظين على حجابك ؟ أذكارك ؟......ألخ
الحمدالله ..قدر المستطاع احاول احافظ على العبادات والاذكار

بنوتة أمورة آمين يارب


3body بانتظااااااااااااااااااااار الحلول بأسرع وقت


همسات في القلب تسلم على الرد الحلو.... ارتحت ووواااااااااااايد من عبارة فاقد الشي لايعطيه..الحين احس ببعض الأمل اشكرك جداااااااااااااااااااااااااااااااااااااا..ويارب أكون مثلك واقلب الوضع السلبي اللي عشته لوضع ايجابي


^فرح^ تسلمين على الرد والنصايح

السلام عليكم ورحمة الله وبركاته يااختي العزيزه..
اولا انا ماقريت الردود الى آخرها..لاني صراحه..حسيت باٍحساسج..لاني بيني وبينج اعاني من شوي من المشكلات اللي تحسين فيها..

خل نتكلم نقطه نقطه..

اولا لاتشكين ولا لحظه انه عندج ازداوجيه بالشخصيه..أبد..انتي قاعد تعيشين..جياه يعيشونها ناس وااايد..وانا تقريبا منهم..
شوفي يااختي العزيزه..لكل فعل ردة فعل مساويه له بالمقدار ومعارضه له بالاتجااه..
انتي لو اللي حوالينج مو عصبيين ..انتي ماصرتي عصبيه..وانتي مادام انج تقولين انج عصبيه من اللي حوالينج..واذا طلعتي بره تصيرين انسانه ثانيه..خلاص عيل ..لاتفكرين ابد ..بالمستقبل ..لانه انتي غير عن اللي حوالينج..وهذا مبين من كلامج..لاتحاتين هالشي ابد..

وبالنسبه للشك..هذي وساوس يااختي الكريمه..وهذا انا عانيت منها ..كثير وللحين اعاني منها..يعني لما اسكر السيااره واقفلها ..ارد لها لما ابعد بس جم متر عنها ..واتأكد اني مسكرها والا لا..تعوذي من ابلييس..وركزي..بالاشياء اللي انتي توسوسين عليها..مثل الكمبيوتر ..حاولي تركزين مره ثانيه ..انج تسكرينه وانتي بكامل تركيزج..عليييه..وتعوذي من ابلييس..وانسييييه ..حتى لو وسوستي انج ماسكرتيييه ..انسيييه وتعوذي من ابلييس..وحطي في بالج شي انه حتى لو انجبرتي تردين له..حطي في بالج ان هالشي عاادي..ولاتحطين في بالج ابد..

وبالنسبه للشي الثاني ..انه تشكين انج مب قد الشغل..وانه انتي مب واثقه ..انج بتأدينه بشكل زين ..وانه لو أحد ثاني بيأديه احسن منج..ابي اسألج سؤال بسيط..انتي لو مب زينه تهقين احط بيعطيج شي عشان تسوييينه؟؟
لا ..لأنج زينه الناس بتعطيج شغلها لان شغلج ممتاز ماشاء الله عليج..
وثاني شي..انتي ليش تحاتين الناس شيقولون عنج..؟؟
انتي تبين ترضين الناس والا ترضين نفسج..شوفي يااختي الكريمه..نصيحه اخو..يعاني من نفس هالشغله بالضبط..انتي لو بدتورين على رضا الناااس..ماراح تخلصين..ولارح ترضين احد..اذا رضا احد غيره مابيرضه..جذي الاهم ..انج ترضين نفسج..وغيرج يحترق..يحترق..يحترق..دام الناس ماراح ترضى لو شنو سويت ..أرميها بالخلف..ولاتلتفتين لها أبد..
تذكري هالكلمه..أنتي شي ناادر..انتي بهالدنيا مافي منج ابد..
دام انتي ماتضرين احد..ولاتأذين احد..لاتهتمين لأحد..
زين ..وخير ياطير..اذا سويتي شي ..وطلع مب وين..؟؟
الكمال لله وحده..وانتي الاهم انج بذلتي الجهد المطلوووب..منج..واذا محد رضا على شغلج..عساه مايرضا ..المهم نفسج راضيه ..وربج راضي عنج..الناس اذا مارضت الحين ..باجر بترضى..ومايصح الا الصحيح..يااختي العزيزه
تعلمي الثقه بالنفس..ولاتلتفتين لأحد..تأكدي من شي..ان الله قريب من عباده..صيري انتي قرييبه..من الله واقربي اكثر واكثر..عشان ترتاح نفسج وقلبج..وصدقيني ..منها ثقتج بنفسج راح تزييد..انتي لاتلتفتين لصغائر الامووره..عشان لاتلتهين عن الاشياء الاهم..

اما فاقد الشي لايعطيه..انتي مب فاقده الشي..ابد ..انتي لو فاقده الشي..جان ماكتبتي..كلامج هذا..
انتي اللي قاعد تسوينه مع اهلج رد فعل على تعاملهم معاج..انتي بس هدي نفسج..وعامليهم..باللتي هي احسن ..باللي يهدي قلبج ونفسيتج ويرضيها ويرضي ربج...
انتي بس دوري رضا الله بوالدينج وبكل شي..وتذكري الشي هذا ..انتي اذا سويتي خير ..الناس بتذكرها لج..لو نفت هالشي وتغاضت عنه..الناس تذكر كل شي ولاتنسى ..وكل شي محفووظ
انتي لاتتعبين ..معهم بأي شي..ولاتحاولين تقنعينهم ..انهم ييفهمونج..حاولي بس تكيفين نفسج..اشلون تتعاملين معاهم..واشلون ..تسكرين اذونج عن العصبيه..وتعلمي اشلون تطوفين ..ولاتحطين في بالج شي..
ولاتخزنين في قلبج شي عشان لايتراكم..
انا بقولج مثال بسيط..
كوب الماي الزجاج..اهوه ثقيل..؟؟
طبعا لا ..بس ابي منج تجربين شي..اهوه امسكيه وارفعيه بالهوا بشكل افقي..واثبتي..تلقين ايدج تتعب من شيلته بعد دقايق بالرغم من انه خفيف حيل..
جذي المشاكل لو كانت صغيره..اذا ماريحتي نفسج منها ونسيتيها وتناسيتيها ..راح تتعبين منها..على الرغم من انها صغيره وتافهه..

اتمنى من اني ماطولت عليج..واتمنى اني افيدج لو بشي بسيط ..

والله يهديج..للخير

الأخت عيوني الحزينة .. لي إليك عودة
لايأس مع الحياة ..أنت حقا اسم على مسمى ..أهنئك ..على هذه الروح العالية

لا يأس مع الحياة
اشكرك من كل قلبي على الرد الحلوووووووو...والله كلامك منطقى ومية بالمية صح....خليتني احس باني انسانه طبيعيه وانه فيه ناس غيري يحسون باللي احسه.........ماتعرف اشكثر ريحني كلامك
عسى الله يجبر بخاطرك...ويريح بالك...ويوفقك بدنياك واخرتك...اللهم امين

لو اقولك مليون مره شكرا بعدها ماتوفيلك...لاني احس اني اعاني ومحتاجه لمثل هالنصايح

تسلممممممممممم

سكوتر
بانتظار عودتك

الأخت الفاضلة..عيوني الحزينة.. اليوم طنشت القيلولة ..من أجل عيونك الحزينة
( حينما يهبك الله جوهرتين رائعتين تطلين من خلا لهما على العالم ..فلماذا تكسينهما ثوب الحزن ..شرط البداية غيري صفتهما!!!)
أختي ..سيكون ردي طويلا ..وربما مملا ..لكن طولي بالك ... أحضري نوت صغير وقلم وباسم الله ..توكلت على الله
1ـ أي محاولة للتغيير والتطوير في حياتنا بعيدا عن التوكل والدعاء وحسن الظن بالله ..هي محاولة هشة يائسة .. اجعلي لك جلسة دعاء صافية يوميا ..حتى لو لم تحسي بالخشوع جاهدي نفسك وتذكري أن من توكل على الله كفاه. هذا الأمر بحد ذاته يحتاج إلى صبر ومصابرة ..ولكن لاتيأسي ..فربك كريم لايخيب راجيه

2ـ حينما تأملت مشكلتك ..وجدتك تتحاملين على نفسك كثيرا ..حنى اتهمتها بالازدواجية ( الازدواجية يا أختي ..أخطر من ذلك كفاك
الله شرها ) ماتقومين به هو تبديل أدوار طبيعي ونقوم به كلنا في حياتنا اليومية ..لأن صلاحياتنا مع أهلنا تختلف عن صلاحياتنا مع الآخرين .... الموظف الذي يطأطئ رأسه عند سماع انتقادات مديره .. لاىيفعل هذا مع زوجته .. لاتعتقدي أنك غير طبيعية إطلاقا ..بل هذا هو عين العقل ..يقول عمر ابن الخطاب رضي الله عنه ( ينبغي للرجل أن يكون مع أهله كالصبي ..فإذا خرج إلى الرجال كان رجلا ) ..فهل هذا ازدواج !!!!!!
3ـ تقولين عن نفسك إنه من المستحيل أن تتغيري ... عجيييييب ... الصيانوه ( أهل الصين ) يقولو :الاستياء أول خطوات التغيير ...ستكونين الأفضل ياعزيزتي ..لكن الأمر يحتاج إلى وقت ...مجرد رغبتك في التغيير هي علامة فارقة في شخصيتك ... هذه الرغبة ..ليست شيئا سهلا إنها تدل على عمق ووعي في التعامل مع الذات والمجتمع ...كم من الناقصين .. والمشوهين إنسانيا ..لايفكرون بالتغيير ..ويعيشون كأنهم الأفضل .. بينما أعماقهم تعاني التخلف والهزال والضمور ...
4ـ الشك .. بداية لوسواس قهري ..قابل للاختناق ..ومن ثم الموت ...إذا حرمناه أنفاس الاهتمام... ماأعرفه عن مثل هذه الوساوس أنها تأتي بعد إصابة الإنسان بأزمة نفسية ..( أتمنى أن لاتكون الحكاية كذلك معك ) ومن الضروري أن يهمل الإنسان هذا الهاجس ..تذكري ..أنت من تملكين الدواء ..وكما تفضل الأخ لايأس مع الحياة..لاتهتمي لهذه الوساوس ..وعودي إلى ماقال فلن أستطيع أن أوضح لك أكثر منه
5 ـ حكاية الثقة بالنفس ( لي معها وقفات ..ووصفات ) لكن ماأريده منك الآن أن تنسي شيئا أسمه الثقة بالنفس .. كتبت لي عدة نقاط إيجابية في ذاتك .. وحينما تكونين ناجحة في خلق العلاقات ..ستكونين محل ثقة ..أنت تشعرين بالذنب لأنهم يطلبون منك إنجاز بعض الأعمال لأنك الأفضل ..وأنت لاترين ذلك ..يعذبك ( ربما إحساسك أنهم مخدوعين بك .. هم غير مخدوعين والدليل أنه ميسندون لك الأمر ..لاتعولي كثيرا على تصرفات أهلك معك وانتقادهم لما تقومين به ..هم أهل ..يمونون ..ويظنون أنهم ليسوا مطالبين بالثناء ..يعيشون معك علاقة بكل تلقائيتها ..وصخبها ..و سطحيتها ..لكن الآخرين يسندون إليك الأمر لأن عيونهم تتفحصك جيدا ..تصرفاتك ..تعاملك ..وهم بذاك يرونك أهلا للأعمال المسندة إليك ..مادامت العصبية تسيطر على البيت ..فأنت قد عرفت الداء ..إنها الحاجز بينهم وبين إطراء أعمالك ...
وحينما طلبت منك كتابة النواحي الإيجابية في شخصك ..وإنجازاتك ..إنما قصدت أن تنظري لنفسك ..بمنظار تقدير الذات ...وليس تحطيمها
كل ماذكرت أختي ..من مواهب ..نعم من الله تعالى عليك ..فاشكريها ..تزدد ..وتنمو مع الأيام
6ـ فاقد الشيء لايعطيه ..ولي سؤال ..مامعن فاقد في نظرك ..الفاقد ليس هو من لم يجد الشيء من الآخرين ..بل الفاقد هو من يفتقده ..في أعماقه ..
سأضرب لك مثالا بدهيا ..لتمسحي هذه الفكرة تماما ..خيرة البشر عليه الصلاة والسلام ..عاش يتيما ..ولكنه كان إذا أقبلت ابنته فاطمة قام إليه يستقبلها ..وقبلها وفرش لها رداءه لتجلس عليه ..أرأيت أعظم حنانا وأبوة من هذا ..هو لم يحصل على الأبوة ..لكنه لايفتقدها إنها موجودة في أعماقه الكريمة ..ولقد أعطى الحنان لكل من حوله ..صلى الله عليه وسلم ..رغم أنه ذاق في حياته ماذاق..
أعتذر للإطالة ..هذه ليست حلولا ..ولكن قبل أن أبدأ ..أردت أن أمسح من رأسك كافة الأفكار السيئة التي تدور في نفسك حول نفسك ..سأعود إليك ..ولكن بعد أن تكوني مستعدة لتقبل كلماتي القادمة ..وانتظر منك ردا ..إيجابيا ..وإلا فسأعتذر عن الإكمال
دعواتي لك ..بالتوفيق والسعادة

عيوني حزينة أخونا سكوتر ما قصر وما ظنيت إني بزيد على كلامه ....

كلامه 10000000%

واحب انوه على نقطة .... لابد من تطبيق كل كلمة قالها لك ...

لأن معرفة الصلاة لا تكفينا عن عدم أدائها.... كثير ما نجد الحلول ولكن ما فائدتها إذا لم نطبقها... وجودها كعدمها ... طبقي طبقي طبقي وفي الحال وفوراً...

واتمنى لكي حياة سعيدة...

تحياتي لك اخيك عبوووودي

__________________

الموتة واحدة فاجعلها شهادة في سبيل الله

سكوتر اشكرك على التفاعل والرد والسموحة منك على تفويت وقت القيلوله من اجل الرد )


واسمحلي ارد على بعض النقاط اللي كتبتها:-

1- الحمدالله أحاول دائما ويوميا الحمدالله ان ادعى الله وبأوقات معينه

2-بالنسبة للازدواجيه صحيح معاك حق ....بس حتى وانا بالبيت اكون بالليل شخصيه وبالنهار شخصية ثانيه....وبداخل البيت عكس خارج البيت...عشان جيه اقول يمكن عندي ازدواجيه.

3ـوالله عندي رغبه بالتغيير للأفضل وهذي امنيتي

4-بالنسبة للشك...انا تعرضت مو لازمه نفسيه واحده بل لأزمااااات وأزمات..وياريت لو اقدر اذكرهم لك بالخاص..بس المشكله مااعرف استخدم الخاص

واشكرك على الرد واعادة الأمل لي...وكلامك يسعدني ويريحني تسلمممممممممممممممممممم ويزاك الله خير...وان شاءالله بميزان حسنااتك