الله يجزاك خير ياخوي / أختي ..
و أنا و الله ماني شايلة بنفسي عليها أبدا .. و بالعكس أتمنى أسعدها قدرالمستطاع و ما أفكر بنفسي و قبل كم يوم طلبت من أخوي إنه يمشينا برة مو عشاني .. عشان أخواتي .
لإني حسيت إنهم من فترة ماخرجوا .. و لدرجة إن خطيبي طلب مني مرة يوديني السوبر ماركت نقضي أشياء صغيرة فقلت له ناخذ أخواتي معنا و قالت أخواتك هم أخواتي لكن الوالدة رفضت طبعاً و قالت روحوا إنتم الإثنين مع بعض و خذوا أخوكي الصغير و لا تتأخروا ..

يعني بأحاول معها .. لكن تأثرت كثير يوم شفتها كذة تعاملني و كنت أتوقع إنها أكثر وحدة بتكون مبسوطة لي و خاصة إنها كانت بالبداية ( يوم الملكة ) مررررة فرحانة لي و طايرة من الفرحة .. لكن فجأة انقلبت علي ؟؟

و الله يعديها على خير و عن نفسي .. فلو ماتحملتها أنا مييييين راح يتحملها ؟؟

و الشكر لك مرة ثانية ياخوي و للجميع ..

زوجييييييييييييييييييينياها وانا احليلكياها على طول مبسوط تقلب 180% اللي قلبتها من اول اخليها ترجع على حالتها الاولى وانا تراني محترم ومزيووووون حيل حتى كل بنات اقاربنا عرفت انهم يبوني بس انا مابيهم

__________________

. . اللهم كما سررته بنا في الحياة . . فسره بنا بعد الممات بصالح الدعاء . .

اللهم آمين . .

. . لن ننساك يا أمير قلوبنا . .

رفيعة الشأن
كنت بالبداية بأول شهر أتكلم عنه كثير و لاحظت كانت تصير مشاكل و تعلمت بعدها إني ماأتكلم عنه و إذا تكلمت عنه بتكلم عنه بكل خير .. و ماأكذب عليك إني أحس أخواتي يتعاطفوا معه أكثر من تعاطفهم معي .. حتى مرة قلت لهم أنا قلت لـ ( خطيبي ) شئ و قام رد عليّ و أحرجني ..
ضحكت أختي و انبسطت و قالت لي ( تستاااااااااااااااااااااااااااااااااااااهلي .. أحسن يعرف يسكتك و ياخذ حقه منك )
و أخذتها منها بمزحة و بروح رياضية .. و مادققت .

لكن بالفعل أشعر إنهم متعاطفين معه أكثر من تعاطفهم معي
( و هذا شئ حلو إنه قدر يكسب احترامهم بكرمه و أخلاقه )

و لك مني خالص الشكر و التقدير ..

_________________________________

أخوي عبووووودي .. اللي فهمته من كلامك إنها إذا تزوجت فحتنحل المشكلة .. بس توها صغيرة و عظمها طري و حتى و إن كانت بالثانوية العامة .. لكنها جداً بريئة و طفولية و بسة مغمّضة مثل ماكنت أنا ..

لكن أتوقع إن حل المشكلة بيكون بتعجيل موعد الزواج .. حتى ترتاح من خشتي

_____________________________________________

أختي دهن العود تحليلك رائع و منطقي كذلك .. و هي الصراحة أشعر بإنها تعاني من الكبت و لدرجة إنها خجولة مع صحباتها و انظوائية جداً و حتى تبعد نفسها عن الإجتماعات و عن الأقارب و دايم تكون مع أختي الثانية و زيدي عليها معاملة أمي القاسية لها و دايم تقول لها ( دمّك ثقيل ) .. و هذه الأشياء كلها من قبل خطبتي فليه ألحين اللي انقلبت علي ؟؟

و عشان الأسباب اللي ذكرتها من قليل و قسوة أمي عيها فبأحاول قد ما أقدر أراعيها و أراعي مشاعرها و ما أجرحها و لحد اليوم ماعمري بينت لها إني ملاحظة تغيرها عليّ

أذكر لك موقف من المواقف ( واللي من خلاله يظهر القصد .. بتغييير تعامل أمي معي و معها )
أختي زمان ماكنت تدقق على طلعة الأسواق و ممكن بأي وقت تروح و أصلاً ماتحب تخرج الأسواق و الفترة هذه تلاقي أمي تاخذني معها للأسواق عشان ( الجهاز ) و تعرفي متطلبات العروس .. فهي ألحين تقول لأمي أبغى أروح السوق فتوعدها أمي و يوم تجي فرصة إنا نروح السوق فأمي تنسى إنها وعدت أختي و تقول لي ( يالله اليوم بأخذك و نروح السوق و نشتري لجهازك ) فأختي تعصب و تنكد و تقول لأمي أنا من زمان قلت بأروح السوق معك فأنا وقتها ما أرد و أقول لأمي خلاص إنتوا روحوا و أنا بأروح بيوم ثاني و أختي ماتبغى تروح معي السوق و لا كنت رحت معهم . و أحيانا أختي بعد ماتعصب تقول لأمي مابغى أروح السوق و أصلا إنتوا كل شئ تسوه لها و أصلا كل شئ هي ..

القصد .. هذا الشئ من زمان و كانت أختي بالعكس ( هادئة و ماتهتم بالموضوع و ماتدقق و بطيب نفس ) و عكس حالياً - من بعد عقد القران - بكل شئ صارت تعصب و بكل شئ تقول ( إيوة .. لو - روح الطير- كنتوا عملتوا لها )

و من ناحية التفرقة بالتعامل فصحيح إنها أصغر وحدة من أخواتي لكنها من صغرها ماتعودت على إنه أحد يدلعها و لا تحب أحد يدللها و تنطوي على نفسها .. و يمكن لإني شخصيتي مرحة أكثر منها فأجذب الأنظار من أمي و أبوي و أخوالي ؟ و مع كذة ماكنت أتسغل النقطة هذه أبدا و ماأحب أحد يفرق مابيننا و كنت دايم أراعي مشاعرها ( فهذا اللي يحزنني .. إني أعاملها بالحسنى و هي شايلة علي بشئ أنا مالي ذنب فيه ) و كنت أتمنى إنها تفرح لفرحي .و أنا متأكدة إنها فرحانة لي لكنها ماهي حاسة بنفسها لكن ماأبغاها كذة تعاملني و لا أبغاها تشيل هذه المشاعر السيئة نحوي

و من ناحية إني بعيدة عنها من زمان .. فصح أحب لها الخير و أقدم لها اللي تبغاه ، لكن أنا طبعي كذة شوي - بعيدة عن أخواتي - يمكن لإن اهتماماتي غير عنهم ؟ و شخصيتي غير ؟ و هي كلامها قليل و تحب تتكلم مع أختي اللي أصغر مني و يمكن لإنهم قريبين مرة بالعمر و مع بعض دايم و اهتماماتهم وحدة و تربوا بنفس الظروف و على عكسي أنا كنت بعيدة شوي عنهم لظروف سفري سابقاً و بعدي عنهم لظروف . : )
لكن مع ذلك ماعمري حبيت أجرحها و أفرح إذا شفت خواتي مع بعض كذة و يارب دايم تكون كذة .

و جزاك الله خير و بأتبع نصايحك و أما من ناحية الوالدة فحاولت أكثر من مرة أتكلم مع أي إن أسلوبها مع أختي كذة يسبب لها الإستياء و إنها بتجرحها كثير و تقسو عليها كثير .. لكن ترجع أمي بعد فترة و تعاملها هكذا ؟

من الرائع انك تهتمين بشعور اختك وانها ما هانت عليكي....لأن لو وحده ثانيه كانت قالت "خليها تضرب رأسها بالجدار، هي الي بدأت"....على اي حال انا مع -دهن العود- صارحيها واسأليها عن سبب التغير ..ويجب ان تكون طريقتك لطيفه في طرح الموضوع وسؤالها عن السبب...تذكري لا تعصبي عليها لأنها سوف ترفض اول مرة ويمكن اتسمعك كلام يزعلك..بس انت الكبيره وخليكي حنونه عليها حتى لو غلطت عليكي ....حاولي مره مرتين ،عشر مرات ،المهم تكسبيها ....واهم شي كلمي امك انها اتزيد من حنانها شويه عليها....انا لا الوم امك انها تعاملك احسن منها ولا اظن انها تدلعك اكثر ...بس الفكره هي انها البنت الصغرى- حسب ما فهمت من صياغ الموضوع - فأمك لا تريد زيادة التدليل والدلع لأن زيادة التدليل وخصوصا للبنت الصغرى يودي الي مشاكل لا تخفى على الجميع ..حيث البنت تجد كل شيء ولا تحرم من اي هذا يؤدي الى فساد الاخلاق بالإضافة الى اشياء اخرى مثل حب الذات او الانانية وحب امتلاك كل شي...وهكذا ...
فإذا لم يحدت تطور في الموضوع ..ارجو منك ان تصبري عليها وتدعي لها بالهدايه حتى يتم زواجك وهنا سوف يتغير كل شيء حين تنتقلين الى بيت الزوجيه فسوف يكون بينكما شوق وحب وليس حقد وغيرة.

ادعو الله ان يصبّركي

نقل الى عالم المقبلين على الزواج...

__________________
سئل الخوارزمي عن الانسان فقال..
اذا كان الانسان ذو (اخلاق) فهو =1
واذا كان ذو جمال اضف الى الواحد صفر=10
واذا كان ذو مال ايضا اضف صفرا=100
واذا كان ذو جمال اضف صفرا ثالثا=1000
واذا كان ذو حسب ونسب اضف صفرا =10000

فلوذهب العدد (1) ذهبت قيمة الانسان وبقيت الاصفار بلا فائدة...

%%%%%%%%%%%%%%%%%%%%%%%%%%%%%%%%
اللهم اشفي امي وابي شفاء تاما..وعوضهما كل خير

جديد المنتدى...

سؤال وجواب (س.ج)

مرحبا اختي روح الطير

الف مبرووووووووووووووووووك مقدما وربي يتمم لك على خير ويهدي اختك
عزيزتي واضح من تصرفاتها انها تغير منك وهذا شي طبيعي وعلى فكره يحصل عند ناس كثير وبعدين مثل ماذكرتي انها بثانويه عامه يعني سن مراهقه وسن زواج
الشي اللي لازم تعرفينه ومايضيق صدرك عليه ان سبب غيرة اختك منك مو لانها حاقده عليك لا ياقلبي
السبب لان فترة الخطوبه والتجهيز تكون العروس مصدر اهتمام الاهل والخطيب واهله والاقارب والكل تحت امرها
وفترة طلعات وتقضي بالسوق يعني يكون فيها زحمه مو طبيعيه فغيرتها انولدت من هذي الامور لان الكل مهتم فيك وهي صارت من غير شي ....لذلك اصبحت تطلب الزواج لكي تحصل على نفس الاهتمام خاصة ان هي بعمر زواج ويمكن انها تنخطب باي وقت وبما انها ايضا مراهقه فهي تتمنى انها تعيش اللحظات الرومانسيه للخطوبه اللي انتي تعيشينها ................الشي الثاني وهي نفسيتها انك بتتركين المنزل واحساسها بفقدانك يصعب لها الامور واكيد انها بتحس بكراهيه لخطيبك لانه بوجهة نظرها هو سبب كل هذه التغيرات والامور اللي صارت بحياتكم انا حبيت اذكر هذي الاسباب لكي لاتحزني
الحل:
لااااااااااااااااااااااااااااااااااااااااازم تروح معاكم كل مكان وتشاركونها بالذوق وتاخذين رأيها وتسولفين معاها عن استعداداتك وكل شوي تقولين (عقبالك يااختي) يعني حسسيها انها بتعيش هذي الاوقات قريب اذا الله اراد
وانتبهي انك تتكلمين باشياء خاصه مع خواتك على جنب من دونها !!!!!!!!!!!!!!!!! هذا بيزيد المشكله
وصدقيني بعد الزواج كل هذا بيتغير وبتعرف انها كانت على خطا لانها حركات اطفال بس تصير دايم
والله يوفقك

أختي الغالية..
أتوقع أمك قللت من زيارات خطيبك للبيت عشان أختك ما تزيد عصبيتها من جهة.. وعشان ما يسمع خطيبك تعليقاتها الوقتية ويمكن يتضايق منها وتصير مشاكل انتوا في غنى عنها..
على العموم حال أختك مثل ما ذكروا الأخوات والأخوان طبيعي جداً
وألف مبروك مقدماً .. والله يوفقك دنيا وآخرة..
أختك / الأميرة

اختي روح الطير
مبروك ولله يتمم لكم على خير

بس اختك غايره منك واضح مو مسئلة انها ماتحبك بلعكس بس هي غايره

انا اخوي الي اكبر مني يوم تزوج عصبت وسويت الهوايل واكلمه من طرف خشمي يعني حالتنا حاله
كنت مراهق يعني افهم وشو زواج
انا بصير جالس وحدي وهو مبسوط مع مرته تسوي له وتخدمه وحركات كثيره كانت تعجبني ودي اسويها
حتى مابغيت اروح عرسه لين امي بغت توطاني
بس يوم تزوج وخلص رجع الوضع عادي ولا كن شي صار
عاد انا بعد كم سنه تزوجت وتذكرت الموقف وقلتله
ولله عادي لا تشيلين في بالك هي مسئلة وقت بس
صدقيني غايره
انا كنت اقول لمي ابي اتزوج وش زوده هو يتزوج ونا لا
لاتعطين الموضوع اكبر من حجمه

انتم متقاربين في السن يعني بينكم كثير ولا شوي ؟