هلا بيك أختي
و سامحني والله ما قصدت اجرحك أو شىء يمكن أسلوبي بالرد ما كان زين
انا عندي لك حل دوري على شغلة زينة و براتب زين إن شاء الله بعدها راح تقدري تصرفي على نفسك و فوق كذا زوجك لازم بيصرف عليك يعني هذه حل المشكلة
المهم ان المتقدم لك يتحلى بالدين و الخلق لان هذا هو سر الزواج الناجح و قد اوصى به الرسول صلى الله عليه و سلم و على آله .
اعلم من أحد الصديقات انها تزوجت احد الاغنياء و تمنت لو لم تتزوجه !!! فالغنى كانت نقمة عليها و تمنت لو تزوجت شخص بسيط و يقدرها و لا زوجها الذي يتكركها بالقصور و الأثاث وحيدة بين الجدران و هو يخرج لنزواته!!!

تمنياتي لك بحياة سعيدة و مثل ما تتمنيها

أختك

ابد ابد لاترفضين الزوج المناسب اذا كان ذو اخلاق عاليه ومقدر للحياة الزوجيه
اصلا اذا حبيتي شخص حب حقيقي بتعيشى معه لوفي عشه او على التراب لانك بتحسى معه بالسعاده
الحقيقيه وتحسى ما ينقصك اي شى وتنسين الماضى
الله يوفقك بابن الحلال اللي يستاهلك

__________________

وحدي وصلت العـــــــــز لآخر موانيه ***أنثى لكــن عن ألفين رجـــــال

حبيبتي الحياة الزوجية لما اتكون مع واحد مرتاحه معاه ويعطيج ماي عيونه بالي يقدر عليه ويحبج ويحترمج ويصونج احسن مليون مرة من الاشياء الي تشترينها بسوق لمجرد لانها عجبتج !!
ابوج الله يخليه لج ويطول بعمره مو دايم لج ياقلبي ومو علشان دلعج ودللج خلااص ابي اعيش هالحياة وغيرها لاء غلط في حياة احلى انت ماجربتيها انج اتكونين اسرة بروحج انج اتكونين ام اتكونين زوجة في اشياء وايد لازم صج تتعبين وتفكرين فيها اكثر من شنو مستوى ولا معاش الي تبين اتوافقين عليه ياقلبي .. كلنا عشنا حياة غير الي قاعدين انعيشها ببيوت ازواجنا وقلنا نفس كلامج بس لما اييج نصيبج فكري بالشخص الي جدامج قلبه تفكيره التزامه بدينه مو بمعاشه !!!
ياريت اكون سهلة عليج التفكير

__________________

حبيبتي انتي من تملكين الجواب!!

نعم لست انا او غيري يحدد لك هل ستتكيفين مع من هو اقل مستوى مادي لك ام لا..فأنا اعرف فتاة اعلى من

مستواك المادي ولكنها قد وضعت حدا للمستوى المادي الذي تريده في زوجها فطلبت في حدود المعقول

فأقل راتب ستقبل به 4 الاف مع زيادة ..وستحاول ان تأقلم نفسها مع بيتها الجديد..

حبيبتي..اغلبنا يعيش في مستوى عالي في بيت اهله ولكن عندما نرتبط بشاب في مقتبل الحياة فعلينا ان نفكر

في الاخلاق اولا ومن ثم المال والمال بشيء معقول..

انا لست متزوجة ولكن احببت ان ادلو بدلوي..ولك عذري على التطفل..

اختك

حائزة الأمل

__________________

طبعا لازم تهتمين بالدين والاخلاق اولا
لكن من الصعب انك تتأقلمين مع واحد راتبه عادي لانك تعودتي على الصرف
فنصيحي لك خوذي واحد اعلى من المتوسط يعني حاولي يكون زوجك مهندس او دكتور وهذولا رواتبهم مرتفعه نوعا ما وانتي اذا توظفتي رح يكون لك راتب ومع شوي تنازل منك رح تعيشين باستقرار ان شاء الله لكن ما ينفع تاخذين واحد راتبه خمسه مثلا مارح تتأقلمين معاه الا بصعوبه
لكن لو توظفتي انتي نصيحتي لك وفري من راتبك الشهري مبلغ او سوي جمعيه وحاولي انك ما تروحين السوق كثير بالايام العاديه وبالاجازة شوفي وش جمعتي او استلمي جمعيتك وروحي اشتري اللي نفسك فيه رح يكون مبلغ محترم احسن من روحة السوق كل يوم هذي ياشيخه تخلي البخيل يصرف كل فلوسه من يقاوم اغرائات السوق؟؟
اذا خففتي روحات السوق ونظمتي مصروفاتك وراتبك عندك وزوجك رح يعطيك باذن الله ماعندك مشكلة
وعلى فكره كثييير من البنات كذا وانا منهم اهلي مستواهم المادي قدام الناس متوسط لكن ابوي وامي على قولتك مدلعيني وبطاقه امي حقت البنك في محفظتي ومصاريفي واااجده
لكن ما شلت هم اذا تخرجت ان شاء الله بتوظف وبضبط وضعي بصرف نص الراتب واوفر نصه وبعد كم سنة بستثمر الفلوس اللي جمعتها
لان مثيلاتنا في الصرف لازم يكون لهم مصدر كبير ولا يتعبون

انا اقول انتي الي تعرفين كيف تمشين حياتك الزواج حياة ثانيه بعيده عن الام وعن الاب وعن ( دلع الاب)
بعدين الزوج الي بيتقدم لك يفكر في وحده تساعده على امور الحياه بتكوين اسره
وانصك انك تسالين ابوك كيف عانا في تكوين حياه وقارني بزوج المستقبل

عزيزتي الحلو فيكي انك عارفة انو اسرافك مشكلة...
بس ما تفكري انك عم ترهقي اسرتك بهالعادة السيئة...يعني لو سألتي حالك كم اتصدقتي هذا الشهر ...ما اتوقع يوصل عشر اللي تصرفيه في السوق...وانتي معترفة انو شي مو ضروري اللي تشتريه...يعني مجرد انو عجبك ...والله اعلم تستعمليه او لا...
انتي لازم تفكري تحلي المشكلة هادي مو عشان زوج المستقبل بس عشان نفسك...وربنا رح يحاسبك عن كل قرش من وين كسبتيه واين انفقتيه...هاد عبئ والله اكبر مليون مرة من هم الزوج...
عزيزتي بدك نصيحتي وما تزعلي....لازم تصلحي وضعك مو عشان الزواج بس عشان نفسك...ما اقلك ما تشتري ابدا بس اشتري بتعقل الشي اللي انتي محتاجيتو...
واتمنالك التوفيق بحياتك وربنا يرزقك الزوج الكريم ان شاء الله

__________________

AqsaRose

والله كلام فيله فرحني هذا الصح اختي

تسلمين فيله على كلامج الدرر

اختي الوحده تعيش مع واحد تحبه بتنسا كل الاشيا حتا طلعه السوق ما راح تحبيها مثل قبل وما بتكون شغلج الشاغل

تحياتي لج ارضي باللي دينه واخلاقه زينه واتركي هم الفلوس بعدين تراها تجي بوقتها

الغاليه مشكلتج سهله والواضح من كلامج انج واعيه للمشكله يعني بتحاولين اتحلينها
الحل المناسب هو من البدايه تتطلبي من زوجج مصروف شهري ثابت..حتى لو اشتغلتي عشان هو الزوج ومفروض يصرف..والراتب بكيفج انتي المتحكمة فيه
لكن كلام زهره الاقصى صحيح لازم تغيرين في عاداتج لاجل نفسج انتي... خاصة يوم قلتي انج تشترين اللي تبينه واللي ماتبينه
حبيبتي كلنا في اهالينا هذا وضعنا ولا ادري وين اودي الفلوس بس الحين عقب الزواج صرت احسب كل شي واراقب الاسعار ...اصلا بروحج بتحسين بالمسؤوليه..لان المهم هو الزوج مادامج مرتاحه معاه مابتهمج بيزات الدنيا ولا اسواقها...
وعندج فرصة لتنظيم نفسج وهي انج بعد ماتشتغلين اتحاولين انج ماتاخذين من الوالد مصروف ابببببببد... وتحاولين تنضمين حياتج بالراتب وحاولي تخصصي قسم منه للتوفير وقسم منه مساعده للبيت..عشان من الحين تحسين بالمسؤوليه ودربي نفسج...صدقيني سويها وشوفي صح في اول الاشهر صعبه بس بعدين بتتعودين واتذكري ان هذا لمصلحتج..
وعلى فكره اسالي الوالد شو اللي مب مناسب في اللي يتقدمون لج؟؟؟ ياخوفي ان الوالد يضيع عرسان اوكى بس من خوفه انهم مايقدرون يصرفون عليج ..او انه مستواهم المادي مب اوكى!!!... انتبهي الغاليه من هذه النقطه وحاولي تفهمي السبب عدل..عشان تتكلمين فيها مع ابوج وتبينيله وجة نظرج في زوج المستقبل..والافضل تخبرينه يستشيرج قبل لايرفض حد يمكن لج نظرة ثانيه...
ياما بنات فاتهم الزواج بسبة النظرة المادية اللي لاتودي ولاتجيب..واغلب الشباب يالله يبدون حياتهم.. ويبون اللي تساعدهم...فانتبهي الغاليه...لان الاهم الدين والاخلاق
واعذريني على الاطالة

أخواني وخواتي شكرا جزيلا وجزاكم الله ألف خير على تفاعلكم

ريحتوني شوي ...وخلاص ان شاء الله مابفكر بهالشي كعقبه اذا تقدم لي عريس مناسب

وبصير مره سنعه ان شاء الله وماطفش ابو العيال ...وابوي عقاب له وردعا لامثاله بخليه يصرف علي حتى بعد الزواج عشان لايتعود يدلع كثير .....الله يطول بعمره ويجزاه الجنه

أنا اكتفيت بهالرودود ولكم جزيل الشكــر وأرجو إغلاق الموضوع عشان المواضيع الأهم تاخذ حقها