لتجعل عللاقتها رسميه به ولا تحسسه باهتمامها الزائد
ادعي الله لها بان تنساه وتعوضه
لتشغل نفسها بالعمل كما كانت ولتكن واثقه بانه انسان استغلالي
ربي يعوضها هو صعبه عليها بدايه الأيام لكن النسيان نعمه من الله
اليوم الجمعه وانصحك الحين تروحين تصلين ركعتين قبل الفجر وتدعي الله لأختك
تحياتي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

هو من الواضح غير جاد بطلب الزواج كونه يقدم حجج فالجاد يعجل الى طرق الابواب
ايضا يجب ان لا يستغل فكره ارتباطه بها لمعرفه اشياء تخص موظفين العمل لا يجوز به معرفتها
الافضل ان تتركه

غاليتي (حائزة الأمل )الله لا يحرمني منك ويسخرلك ربي
انا معاك بأنه استغلالي ولم يحتمها
لكن كيف تجيها القوى ما أدري ليش ضعفت


بصراحه احس انها كسرتني لما حكت لي الموضوع

أني كنت اعتبرها قدوتي وسندي في الحياة


انا اعتقد انه يبغاها عشيقه مؤقته تغير فقط

لأنه مومتوفق مع زوجته

حسب علمي انه هوه وزوجته متحكمين في البيت ومافي عندهم تنازلات

بس هوا مو داري ان اختي ماسكه بيت بقدرتها وحكمتها وعترف انها عاونت أمي بتربيتي حماية البيت

اوقات احسه (مخفه ) وهي قالت هذا الكلام



قلتلها ابعدي عنه فتره عشان تقدري تحكمي يمكن مأثر عليه

ربي يخليك (نايت2005)

لي فتره من يوم ماعرفت وانا مكسوره وادعيلها الله ينجيها منه

الله كريم

حبيبتي ..يظهر لي من كلامك عن خطيب أختك ، أنه استغلالي ولم يكن يوما ما جادا في طلب الزواج ..
حسبي الله ونعم الوكيل ..

ومن الواضح جدا أنه يريد أن يستفيد من منصبها ليس إلا ..

لذا فلتحذر أختك منه ، ولتقطع كل أساليب وصوله إليها ..، ولتحكم عقلها (فاللي هذا أوله انعاف تاليه)..

الله يعوضها ويرزقها خير منه ..ويحميها من شر كل رجل استغلالي لايخاف الله في بنات المسلمين ..

__________________
أحب جبالك يالجنوب وأحبك لأنك أنتي الجنوب

بسلم لي قلبك يالغاليه(زرقة البحر)

الله يريح بالك

حبيبتي هو لم يخطبها رسمي

بس بينه وبينها وانا

يعني كان قصده يقنعها ان تكون زوجه ثانيه

ولما اقتنعت قالها حاليا ما اقدر ظروفي ماتسمح



اقولكم شي

اختي تغيرت بشكل لا يطاق

طول وقتها تجلس على قناة الأغاني الله يهديها والله مليت ماصرت اجلس معاها طفش

يجلس يرسلها على هذي القنوات او يرسل على جوالها اسمعي الأغنيه الفولانيه

المشكله تهيج مشاعرها وتجلس سرحانه ولاتعصب علينا

صارت زي المراهقات (هي كبيره عمرها 38سنه)

مألومها دخول رجل في حياتها ياناس متخيلين من النادر نشم رائحة رجل في بيتنا

يعني مجرد ما يدخل رجال في البيت كلنا نعرف حتى لو ماكنا موجودين

(والله شي يضحك)


المهم انا بصراحه اول كنت بس اتحاشاها بس دحين ناويه بإذن الله بأجلس معاها الى ان تتخلص منه قبل رمضان بإذن الله

طبعا بفضل ربي ثم مساعدتكم ودعواتكم


تراها سندي في الحياة انا وياها مالانا غير بعض لازوج ولا ذريه الحمدالله على كل حال

المهم انا بأقولكم افكاري وانتوا اعطوني اراكم عشان ابدأ

اتفقنا...

على بركت الله

خبرينا بأفكارج وان شاءالله تلقين منا المشورة اللي ترضي رب العالمين..
والله قلبي يتقطع عشانها حاسة بفرحتها بدخول هالرجل حياتها..خاصة انه الظاهر من النوع اللي يعرف يدق على الوتر الحساس عند الاثنى ...الله ينجيها من هالذيب..ويخليكم لبعض ويرسلها ابن الحلال اللي يسعد قلبها صدق ان شاءالله

على فكره هي وقتها مليان يعني ماتقولو فاضيه عندها وقت فراغ

ترجع من عملها الساعه اربع ونص يادوب تغير وتتغدى معان وتدخل تنام الى بعد المغرب واوقات تصلي وترجع تنام واوقات تجلس معانا الى بعد العشاء يعني تسعه عشره وتنام

طبعا اذا صحيت على المغرب تجلس على الأغاني شي يطفش

وترجع تنام الساعه 12 ونص

طبعا يعني الأربع ساعات هذي موكلها في البيت

ماشاء الله عليها عندها صحبتها في الشغل وصحبتها ايام الجامعه وزياراتنا العائليه
يعني علاقاتها كبيره مومثلي محدوده جدا


المهم انا اعطيتها من كم يوم مطاط في يدها زي الأسوار كل ما فكرت فيه تسحبه بقوه وتتركه يلسعها
عشان تتألم ويسير عندها ردت فعل كل مافكرت فيه وتألمت



هي كل فرض للصلاة اشوفها تدعي ربي

طبعا بأقولها كيف تبغي ربي يسمعك وانت مشغوله بالأغاني




المشكله ما أقدر أأمرها انها ما تكلمه

بس بأجلس قدامها واقولها انت تبغيه ولا لأ

اذا قالت انا ماابغاه

بأقولها لازم نتساعد عشان نتخلص منه

1- ابعدي عن الأغاني لأنها بتأثر فيك كلماتها

2- امسحي رقمه وكل رسائله عشان ماتحني واذا دق اي رقم غريب لاتردي

3-كل ماتفتكريه اسحبي المطاط

ايش رأيكم كذا تمام؟

ترى اختى متفاهمه بس تبغى عزيمه في هذا الموضوع


نخيتكم

يسلم لي قلبك ياأم فلان

وانت كمان ربي يفرج همك ويريح بالك

هذي افكاري ايش رأيكم

ابدأ معاها

السلام عليكم ..

اختي روح غالي

اولا كل تقدير لاختج وبصراحه حبيتها وكبرت في عيني لوقفتها مع والدتكم وربتكم

وفعلا لها كل الحق انها تتهنى وتحس انها انثى..لكن ابيج تكلمينها كأنج صديقتها ولا تحسسينها انج اصغر منها وبتنصحينها

لا كملها بطريقه ما تجرح كبريائها..

انها غاليه وثمينه وهالرجل ما يستحقها..وان قرار الزواج بيكون قرار لباقي حياتها ان شالله ..

لازم يندرس عدل..وانا معاج ان فرصة الزواج لو كان سنها كبير ما بتكون كثيره لكن مو معناته انها تهرب من واقعها لمستقبل مظلم

انا جدا ماارتحت لهالرجل بدا يستغل منصبها..وعرف ان هي فتحت له قلبها ..وبدا كلام الذل وان هو يملكها..

قولي لاختك انها فوق ان اي احد يذلها ..وانها جميله ورقيقه وصاحبة قلب طيب وحنون..وانثى بكل معنى الكلمه لان طاوعت قلبها وحبت رجل استغلالي.. رجل حاقد..

هالرجل لو يحبها ما صارحها بفكرة الزواج او الحب وهو مو مستعد له مادي اجتماعي او غيره..

وظنتي اللي بيفكر يتزوج على زوجته مو بعيد يبيع غيرها!

حاولي توقفين مع اختك كثر ما تقدرين..هالبنت القويه ..مالازم تضعف الان وخصوصا في قرار حياتها..

وباذن الله لها نصيب افضل..وشي ثاني بقوله لكل بنات حواء..يا بنات اللي ما جاها نصيب لا تقعد تنتظر احد يدق بابها

يمكن النصيب موجود لكن ما يعرف يوصلك..

التواصل سهل وبستر.عن طريق خطااابه تخاف الله وتجمع راسين بالحلال مافيها شي لو طلبت البنت لنفسها رجل صالح مستقيم..وبكل ديره موجوده الخطابه..

والزواج مو خبط لزق..لا ينسال عنه وينعرف عدل وتندرس اخلاقه..وفتره خطبه مطلوبه..ولكن بحدووووود ضيقه جدا..الى الملكه..قبل الزواج..ايضا فتره لدراسه زوج المستقبل وتحديد اذا بيريح البنت باقي حياتها او لا..


اسفه للاطاله وان شالله قدرت افيدكم

تحياتي

__________________