الى الاخت الكريمة ( روح الطير )
اول شي الف مبروك و الله يتمم لك على خير
ثانيا انا تفكيري كان مثل تفكيرك لاحظي كان كنت اقول اكثرهن بركة اقلهن ترحالا و شايفه وضع صديقتي الي تكلفت في كل شي و في النهايه ما تهنت في عيشتها و الحين هي شبه مطلقه و استهنت في كل شي حتى جهازي اشتريت اشياء جدا بسيطه و الملكه كانت اي كلام و فستاني كان جدا عااااااادي و لا رحت مشغل زوجة اخوي هيه الي زينتني و طبعا كانت في البيت و عز منا المقربين حتى صديقاتي ما عزمتهم و الزواج كان في قاعه عاديه جدا و الفستان استلفته من وحده ما ادري ايش اقول و ايش اخلي بس باختصار كنت مشيه حالي على الاخر لان وضع زوجي كان مو ذاك الزود و اهلي الحمد الله وضعهم وسط ما انكر انا الحين سعيده في حياتي بس ما انكر انا الحين ندمانه ندم ما تتصورين اني استهنت بالموضوع و مشيت حالي لمن اشوف الي حولي تزوجي احسن زيجه و في قاعات حلوه و ايش على ديكورات و على عشا و لمن اشوف جهاز العروس و انها اشترت كل شي في نفسها انقهر . انصحك لا تبالغين بس لا تستهينين بنفسك خذي و سوي الي في خاطرك بس لا تبالغين

و الله يوفقك و يسعدك

آمين اللهم آمين

__________________

اول شي الف مبرووك الزواج اختي :14:

ثانيا بصراحة مستغربه ..انا عارفه وفاهمه رغبتك في الفرح وهذا شي من حقك ومن حق اهلك وصديقاتك يفرحون فيك بدل اللي صار من مشاكل قبل... لكن مستغربه انك رافضة نهائياً انك تساعدينه علشان ماتكوني انتي اللي دفعتي مصاريف عرسك وبنفس الوقت عادي عندك ان تكون مصاريف عرسك من الغير

وتقولين انك راح تسددين معاه الديون يعني انتي بالنهايه راح تكونين دافعه من جيبك نفس الشيء يعني

<-- انلحس مخها

انا بالنسبه لي اقتنع بعرس بسيط ولا افرح ليله وحده ادفع تكاليفها سنوات

هذا غير نظره زوجك لك انك السبب في إراقه ماء وجهه واحراجه بالدين والسلف مع الناس

وصدقيني ليله العرس الكل راح ينساها مع الايام لكن هو ماراح ينسى ديونه وراح يذكرك كل ما حان وقت التسديد


انا عندي لك حلين:

اذا كنتي تمونين على زوجك بقوه ممكن تقولين له انك راح تسلفينه المبلغ .. وانه ياخذه منك احسن مما يتسلف من الغريب

او انك تبحثين عن قصر افراح مناسب وتحاولين تقلصي الميزانيه قد ماتقدرين .. يعني نقصي عدد المعازيم والطاولات والعشا اطلبيه من مطعم ارخص .. واقتصدي في الكوشه والتصوير والطقاقات


واذا الحلين ماناسبوك خلاص استخيري وارضي بالامر الواقع

ياما ناس اعراسهم كانت قمه في الفخامه لكن ماربي وفقهم

ونصيحه مني لك لاتصري على زوجك وتضغطي عليه وتخليه يسوي شي مو من طيبه بس علشان يرضيك

لأن هالشي بينعكس عليه بليله عرسه وبتشوفي التكشيره على وجهه كيف ..

حتى لو كان عرسك بسيط لاتفكرين ابد وعيشي اللحظه وانبسطي واستانسي قد ماتقدري .. هي ليله وحده ماتتعوض .. وحرام تضيعيها بالهم وضيقه الخلق ترا كلام الناس ماله اخر

حتى لو كان عرسك بأفخم قاعه ماراح تسلمين من الانتقادات .. اهم شي انك مرتاحه نفسياً وبس

تحياتي

اختي الحبيبة
ألف مبروك مقدما وان شاء الله كل أيامكم افراح
ما هي الشببكة؟ هل تقصدين المهر؟ هل تنازلت عن مهرك؟
اذا انت فعلا تنازلتي عت مهرك وتكاليف القصر اغغلى من المهر اذن اجعليه يعطيك مهرك لانه جقك الشرعي
وعن القصر اذذا كان غير بأمكانه فسيؤثر الديون على حياتكم وأول وتالي ستضطرين ان تساعديه كل شهر لتسديد الديون
وفقك الله حبيبتي

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

العزيزة اختي الحايرة في امرها روح الطير
شوفي يا بنت الناس بدل ما تتعبي نفسك و تضيعي وقتك و انتي تكتبي لنا و تخلقي لك جو من التفكير اللا منتهي روحي حبيبتي صلي لك ركعتين و اقراي قران لحد ما تحسي انك ريحتي نفسيتك و بعدين سوي الاتي
**رتبي حساباتك من البداية بورقة و قلم عزيزتي اكتبي تكاليف العرس و حاولي تسويها بابسط ما يمكن ان يكون
**لحد الان انا ما فهمت ايش الشبكة بالنسبة لك هل هي الذهب الرسمي اللي ينعطى للعروسة في العرس و الا اللي ينعطى لها في الملكة مع الدبل ان كان ع ذهب العرس فلا انصحك ابدا بالتنازل عنه و ان كان ع اللي ينعطى في الملكة فلا تتعبي نفسك و تدوري لك على وجع قلبك و راسك يا اختي انا ان كان عن نفسي ما عطوني في الخطوبة الا الدبلة و ساعة عادية جدا مو بماركة و لا هم يحزنون عديها و هو بيعوضك في منايبات احلى و احلى يا قلبي
و طمنتيني يا حلوة انك بتكوني ببيت مستقل
و لا تفكري باي تفاصيل اخرى و ما حدش عرس الا مشاكل و لا بد منها شر لا بد منه تعرفي الان مفروض انك تكوني شاغلة نفسك اختي العزيزة بالترتيب نفسه مش بالقاعة و القصر و اللي معرفش ايه توكلي على الله و هو خير المتوكل عليه
طمنينا عليك يا حبوبة

__________________
؟؟؟؟؟علامة استفهام حايرة؟؟؟؟؟

صراحة اختي الغالية
زواجي كان في المسجد وانا في امريكا
أي نحن لا ندور على الغالي
ومهري كان قليل جدا
وعندما تطلقت تنازلت عن مؤخري
ليس مهم غلاء القاعة عمري
المهم مكان مريح وجميل حاتى لو كان متواضع..انتم زينوهعلى ذوقكم

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

اختي اذا اردتي ان يستمر زوواجك و توقفي مع زوجك
لا تعطي اذنك لاحد و لا تقعدي تحللي نظرات العيون
لان امك عاشت حياتها ووقفت مع والدك الله يرحمه و ما انتظرت احد يوجهها
فمو من حقها تقول لك زوجك فقير و ما اعرف ايش
المهم قناعتك بيه و ان بعد عسر يسر
اختي الحياه نعيشها مره و الله يجازينا على صبرنا بعدين
سالتي عن اعراسنا
اهلنا و قفو مع ازواجنا مو لخاطرهم لخاط بناتهم ما تظل بنفسهم
حاولي تكوني بهلكم يوم فرحانه و سعيده
اذا شافو انك فرحانه و ما همك كلامهم يسكتو ومحد اله كلمه عليكي
ليش منزله قيمتك وقيمه زوجك من الان
يا اختي غلط تحطي نفسك بهالموقف ياثر عليكم بعدين
وما دام اهلك و قرايبك من الحين قاعدين يتكلمو فما حيتغير شي بعد الزواج

يا اختي اوقفي مع زوجك بهلكم يوم بدايه حياتكم
وتكسبي خير الدنيا و الاخره جددي نيتك على طاعه الله بطاعتك لزوجك و رغبتك ببناء بيت قايم على طاعه الله
حتى يرزقكم و بالمال و البنون

الكثير من الناس محرومين من راحه البال و من الزواج نفسه
انت بخير و نعمه الكثير مو لاقيها
اتعوذي بالله من الشيطان و خليكي فرحانه احلى الايام ما تتعوض فلان تضيعيها بقال فلا و ما سيقوله علان

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

بصراحة ولا تزعلين مني

نبرتك وانت تتحدثين عنه فيها نوع من الترفع والكبر

وانت يوم اتقدملك كنت عارفة انه على قد حاله وكان المفروض تحطي في بالك ما في قصر ولا اعراس فخمة

استخيري الله في هذا المر وفي غيره من الامور الي يخص زواجك منه

وعذرا على الجواب الصريح

شوفي اختي روح الطير ....
انا ماعندي رد على موضوعك بس في نقاط او اساسيات بالحياة الزوجية الرجاء انك انت تقدريها ...

اولا اختي الكريمة انه يستحب الى ابعد الحدود ان يكون المستوى المعيشي على قدر من التساوي عشان لاتحصل مشكلة مثل مشكلتك
ثانيا اختي الزواج شرااااكة في كل شيء من الالف للياء من فرحة من حزن من الم من بكاء من مال من بنون من ذرية من حياة من اسرار من كل شيء بالدنيا
ثالثا اختي الكريمة انا اقول انه من حقك تفرحي مو يوم واحد من حقك تفرحي طول حياتك ومن حقك تحلمي وتتمني وتقولي ابغا وابغا وابغا بس خليكي فاكرة انه انت اللي اخترتي الزوج داه مو من خصي عن حب ولا لا بس انتي لازم ترضي باللي ربي قاسمه ليكي ولزوجك ومعليه اختي راح كون قاسي شوي بس مو من حقك انك تقولي انه انا ابغاه يكون في قصر حتى لو رخيص وانتي عارف امكانيات زوجك انها دون المستوى وانت اخترتي هذا الشيء وكان واحد من حقوقك انك تتمسكي بالشبكة بل في بعض العلماء والمفتيين يقولون انه الشبكة واجبة
امل انه ردي مايكون قاسي شوي وانا حبيت اكون صريح معاكي لانه على قولهم الصراحة راحة
والسلام عليكم