السلام عليكم ورحمة الله وبركاته

اختي رنيم انتي في بداية حيااتك تربطي نفسك في انسان متزوج وله عائلته واطفاله وزي مااشتكى لك منها راح يشتكيك لاخرى ولا تستغربي اذا حصل بعد سنوات؛؛؛
فكري ليش اخواته مابيحضروا الزوااج ولا والدته؛؛؛
تخيلي نفسك مكان زوجته لو مو طيبه وحبوبه ماراعوا لشعورها اخواات زوجها ومع اول مشكله قاللك مو مرتاح في زواجه الاول ولا رااح يرتااح في زواجه الثاني؛؛؛
اختي اتمنى ان تفكري بعقلك مو بعوااطفك؛؛؛
اعذريني على ردي اعرف انه قاسي والمفروض اكون معاكي للي ترتاح له نفسك بس وربي عشانك وانتي الحين في اول الطريق فكري كثير كيف علاقتك في امه واخوااته اللي بعد الزواج بيصيروا المفروض في مقاام امك واخواتك راح تحبيهم وهم ماقدروك ولا حضروا زواجك راح تحسي انهم عائلتك اللي تحبك وتخااف عليك ولا تأخذي منهم موقف من اول ايامك معاهم؛؛؛
اختي اول مشكله قابلتك زواجك عاائلي يعني راح تحرمي امك وابوك فرحتهم فيك اول فرحه كل ام تحلم في ليلة زواج بنتها ولا ابنها؛؛؛
اختي شكللي طولت بس اتمنى تكوني فهمتي قصدي؛؛؛
اتمنىى لك ولأعضاء منتدانا حياة سعيده ؛؛؛
اختكم امـ ـوـوـول

اشكركم كلكم على تجاوبكم لمشكلتي ومن شدة تفكيري بالموضوع مانمت ولا وقفت بكاءلان للاسف مافي احد حاس باللي في داخلي لكن في نقاط احب اوضحها :

_ اولا مثل ماقلتم زوجته الاولى قريبته بنت خاله لكن مو مرتاح معاها نهائيا لانها مسببتله مشاكل في حياته وثانيا متمشكله مع اهله يعني مو محترمه عمتها نهائيا وهي ما تدخلهم بيت وهم كذلك والسبب انها تسمع كلام اخواتها وكلام اهلها ويخلونها تعصي زوجها وهو حاول تغييرها بشتى الطرق وحاول يفهمها ان اخواتها نيتهم هدم بيتها لكن هي مصره على ان اهلها على حق وكلامهم صح ...

_ ثانيا : انا ماقلت اخواته مايردون على مكالماتي لكن قلت انهم ما اتصلوا وباركولي وكلمت وحده من خواته واخذت واعطيت معاها بالكلام عادي جدا ماحصل شي لكن اللي استغربته انها ماعادت اتصلت ويقوللي خطيبي انها تسال عني واساله ليش هي ما تتصل يقوللي تستحي ...

_ ثالثا : امه مبسوطه فيني كثير لدرجة اني لما تاخرت عليها في العيد وماكلمتها مازعلت لكنها استفسرت من ولدها اني ما اتصلت ولا عايدتها يعني مثل العتاب لكن الى الان مو فاهمه سبب عدم حضورها للزواج ..

_ رابعا : هو كان بيطلق زوجته قبل لا يعرفني وقبل لا يحصل اي شي لانه حاول يصلحها بالحسنى لكن هي تسمع كلام الناس وتنفذه وكان بيطلقها بعد ما ملكنا لكن انا رفضت وقلتله لو سمعت انك طلقتها اعرف اني ماراح اكمل معك لاني ما ابغى احرم اولاده منه مع انه مايقصر معاهم نهائيا ..

_ الاهم من هذا كله يوم كلمت الوالده انه يكون الحفل صغير قال لي انتي مو ناقصك شي عشان يكون الحفل صغير ومثل ماهو مايرضى على نفسه الكلام نحنا ما نرضى على انفسنا كلام اقاربك واذا هذا رايه الله يستر عليه هو من طريق ونحنا من طريق ...

وهو لو اقوله خلاص انتهى اللي بيننا والله يوفقك ماراح تستمر حياتنا بالشكل هذا اقل شي ممكن يحصله شي سئ بسببي وانا ما ابغى هذا الشي ودائما يردد افقد عيوني ولا افقدك انتي اعز شي لي بهالدنيا وانتي اللي ارتحت معاها
لكن انا من جد تعبت وش اقوله عشان يقتنع مع اني والله ماعاد لي نفس اتكلم بنفس الموضوع انا لو يسوون زواجي بخيمه بالبر ماقلت لا لكن على الاقل احد يعبرني ويحضر ...

انا اسفه طولت عليكم لكن من جد متضايقه جدا ولاني عارفه كيف اتصرف وهذي الامور وضحتها لكم وانتم لكم الحكم .

اختي رنيم اولا اسال الله ان يوفقك ويكتب لك اللي فيه خير من امر الدين والدنيا
اولا:الواضح من كلامك ان اهل زوجك مهوب راضين او بالاحرى اخواته وبالدليل اخته اللي ماترد على مكالماتك امه حضرت الملكه لانه ولدها ولازم توقف معه بس انا في تصوري ان اخواته علاقتهم كويسه مع زوجته الاولى وعشان كذا مايبغون يجرحونها ويحضرون زواجه عليها انتي فهمي زوجك انه يجي على نفسه ويحضر الزواج وفهميه ان الناس مقدرين انه شخص متزوج للمره الثانيه وفيه الراضي وفيه الغير راضي بهالشي ان فهم والا استخيري ولاتغضبي والدتك وانتي في وجه زواج ورضاها مهم وانتي ان شالله فيك الخير استخيري وادعي ربك انه يسخره ويرضى ودايما ذكريه انك شاريته وتبين رضاه وبعد تبين رضا والديك والله يوفقك

اختك ام منيره

__________________
<a href="http://www.baby-gaga.com/"><img src="http://tickers.baby-gaga.com/t/bunbunsrd20071105_24_girle.png" alt="baby" border="0" /></a>

اختي رنيم


فيه حل يمكن يرضي جميع الاطراف


ان يكون الزواج ليس بالشكل الكبير مره ولا بالشكل الصغير مره


يعني يكون الزواج في استراحه والمدعوون هم اهلك واهله المقربون فقط وكم ذبيحه عشاء (لاتتجاوز 3 ذبائح او 5 بالكثير )


وبدون طقاقات ورقص وصجه ولجه


مجرد زواج عائلي في استراحه ( وعلى فكره ترا فيه استراحات خمس نجوم وفخمه وكثير من الاعراس تقام فيها)




وبكذا تكسبين جميع الاطراف



الله يتمم لكم بخير ويجمعكم على الحلال ويوفقك بينكم

اختىالكريمه

الموضوع والمشكله تتمثل فى كيف تعالجين وترضين جميع الاطراف ولكن السؤال هو من منهم يرضيكى انتى ؟؟؟

الكل بيفكر كيف يصير الفرح ولابد ان يحدث كذا وكذا ولكن هل فكر احدهم جميعا فى التفكير فيكى انتى ومساعدتك انتى وحل ازمتك اعتقد بانه لا

وعليه اختى الفرح يكون على حسب الظروف الى انتى فيها وتوكلى على الله ولكن بعد ان تصلى صلاة استخارة

وتقبلى تحيتى وتقديرى

__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل

مســـــــــاء الخير جميعا

اشكركم كلكم على اهتمامكم بموضوعي ,,, توصلت انا وخطيبي لقرار اننا ما يهمنا الحفله ولا يهمنا من حضر ومن راح المهم في الاخير انا وهو نحنا اللي راح نكمل المشوار سوا مو الناس وتاسف لي على الكلام اللي قاله وقال انه بسبب حياته والضغوط النفسيه اللي يعيشها تصرف هذا التصرف وخاف من المشكله اللي سارت انه حياته الثانيه تكون شبيهه بحياته الاولى اللي هو هربان منها ,,, وما تركته الا وهو راضي ويضحك وهذي طبيعتي اني ما اتركه وهو متضايق نهائيا ,,, لكن والدتي الله يهديها معنده ما ادري ليش مع انهم لما يسمعون ان فلان سوا زواج مختصر يقولون افضل والله يبارك فيه لكن على موضوعي انا ما ادري ليش العناد ,,,, انا الحل اللي وجدته مناسب ويرضي جميع الاطراف انه يسير الحفل في المدينه اللي هو ساكن فيها منها هو راح يسوي حفل كبير واهله يحضرون وامي ترتاح لكن امي تقول ما عندي استعداد اجلس هناك ومالنا احد هناك ......... الخ , الوالده حسيتها عندها شوية قبول او انه بيطيح الحطب لكن ماردت علي وحست اني تعبت من الموضوع لان سار لي يومين لا اكل ولا نوم ,,, وطبعا اخواني يغافلين لكم الله ما احد ممكن اتكلم معه لان كل واحد مشغول بحاله ,,, امي لو توافق على الحل اللي قلته ماراح يسير اي اشكال لكن لو في طرف ثاني يكلمها ويقنعها لكن مافي حتى الوالد ما حاول يتكلم معي بالموضوع كان مو بنته اللي بتتزوج ,,, خطيبي كلم امي من قبل وقالها على ظروفه وهي ما مانعت ولا تكلمت الا بعد ما انتهت منه يعني ما وضحت وجهة نظرها لا تعتقدون انها ظروف ماديه هو مستعد يدفع اي مبلغ لو كلفته الحفله اللي تكلف ما همه لكن ظروفه العائليه...
وش تنصحوني اسوي مع امي تصدقون ودي اجيبها تقرا كلامكم في المنتدى لعل وعسى لكن اخاف تحذفني باقرب شي عندها ,,, انتظر ارائكم ......

قلتي"لكن أمي تقول ما عندي استعداد أجلس هناك ومالنا أحد هناك.....الخ" فعليك بالتركيز لحل هذه النقطه بالذات مع والدتك.فمثلا اخبريها انكم ما بتطولون هناك وانها كلها يومين وينتهي كل شي وان عليها تصبر علشان بنيتها فلذة كبدها، أو ما ترينه مناسب.

قلتي"الوالدة حسيت ان عندها شوية قبول أو أنه بيطيح الحطب اللي في راسها لكن ما ردت علي وحست اني تعبت من هالموضوع لأن سار لي يومين لا أكل ولا نوم"هذا يعني ان 90في المائة من المشكلة انحلت والحمدلله، وبكرة راح يكون عندها شوية قبول بمشيئة الله.

اقترح عليك انك تختارين وقت تكون فيه امك مبسوطة ومنشرحة لوحدها وراضية عنك وتقولين الدعاء الوارد عن النبي محمد صلى الله عليه وسلم اذا استصعب أمرا وهو"اللهم لا سهل الا ما سهلته وانت تجعل الحزن اذا شئت سهلا"وترى كلمة الحزن في هذا الدعاء بتسكين حرف الحاء وليس بضمه،وتسكين حرف الزاي أيضا، ثم تدخلين عليها وتحبين راسها وجبينها ويدها وتتكلمين معها بهداوة وتقولين الله يجزاك يايمه بالخير انتي مو مقصره معايه في شي، يا يمه يا حبيبتي ريحيني الله يريحك ويجزيك عني الجنة ترى مالي الا الله ثم انتي ساعديني خلينا ننهي المشكلة في اللي قلته لك والمسالة كلها يومين وتنتهي اهم شي يا يمه التوفيق ولا تخليني يايمه من دعائك.

وانا متأكد بعد كل هالكلام بيطيح باقي الحطب اللي براسها، ولو صار عند أبوك نفس المشكلة سوي معاه نفس اللي تسوينه مع امك.
كتبت هالكلام وتعاطفت معاك كثير وكانك أختي واتمنى لك ان شاء الله التوفيق.بس ادعي لي.

ربما اختي أقناع الأهل أسهل من اقناع زوجك

فالأهل يريدون سعادة ابنتهم أولا ً وآخرا ً ..واذا بينتي

وجهة نظر زوجك لوالدتك قد تتفهم الموضوع حاولي ..طبعا

اذا كان فعلا زوجك كما قلتي بهذه الصفا اللتي ذكرتي ..

__________________

أختي حاولي مع احد اخوانك اخوك الكبير مثلا ان يكلمه حتى لو مو فاضي لك بس كلميه قولي له لازم تشوف لي حل او ابوك لازم يفضون لو ساعه لك ويكلمون امك فيها
وربي يسعدك وينولك اللي ببالك

تحياتي

__________________