شوفي اختي العزيزة ، صحيح طريقة مكياجك من وجهة نظرك حلوة بس هو ما تعجبه ، و اللي يأكد هالكلام إنك كلتي انك ما تعرفين تضعين إلا المكياج الدخاني ، اختي في رجال ما يحبون المكياج الصارخ ، يحبون المكياج الناعم ، و بالنسبة للبس اقترح عليكي انك تأخذين زوجك السوق و يختار زوجك لكي ملابسك . و بالنسبة للمكياج حاولي تأخذين دورات مكياج .

إذا طبقت و غيرت مكياجك و لبسك ، ثقلي شوي عليه و لا تسألينه اشرايك اشرايك و بنفس الوقت كل يوم اهتمي بنفسك اكثر و اكثر و أيضا" غرفة نومك لازم تكون مرتبة و رائحتها عطرة و لا تنامين اختي إلا و انتي كاشخة و حاولي تغيري في شخصيتك أيضا" بحيث يعني تشوفي شنو الأشياء اللي يحب زوجك تكون فيكي من غير ما تسأليه ، يعني تذكري و شغلي ذاكرتك و شوفي إذا هو مرة مدح في أمرأة شنو الصفات اللي مدحها فيها ، يعني كالثقافة أو أسلوب كلام أو طبخ ، اغيري في نفسك شوي شوي و بنفس الوقت عطيه الإحساس انك تغيرتي و أنج صرتي شخصية ثانية من غير ما تكلميه و تقولي له اشرايك اشرايك .

يالله ان شاءالله يهديه لكي اختي و يسعدك يا رب .

حبيبتي شامبو خلاص انتي مو مقصره لا تسالينه برايه سوي اللي تشوفينه

بس ابيج تغيرين وتنوعين مو دايم بشكل يمكن مره تضبط وتعرفين ذوقه


والمشكله الرجال يشوفون كل شي الا انفسهم

مثل ما قال فولر العين ترى كل شي ولا ترىنفسها

ربي يسخر لج زوجك اللهم اااااااامين

اختي ابيك تسوين شي

بس تحددين عيونك بالكحل وبفرشاه (( تكون مشطوبه على شكل مثلث)) تحطين على خط الكحل تمشيين عليه مره ثانيه بالظل الاسود على اساس ما يكون جامد يكون منظره طبيعي

حطي غلوس شفاف اذا شفايفج كبيره واذا صغيره حطي روج وردي باهت او مشمشي مايل على بيج وتحطين عدسات فاتحه

يكون منظرك ملائكي وناعم يمكن يحب النعومه

غيري انتي بترتاح نفسيتج وكوني امراه غير كل مناسبه وابعدي عن الروتين.

ماشاء الله
كل الاراء نسائية
بس نسيتوا شي مهم
المشكلة رغم ان الاخت شامبو هي السبب فيها ولكن الحين المشكلة هي مع الزوج

نصيحتي لج
كل اللي قالوا الاخوات صحيح 100%
بس زوجج يبي يؤدبج علشان لاترجعين للاهمال مرة ثانية
استمري بكل اللي قالوه اخواتي
بس في يوم تعدلي وضبطي كلشي
ولما يدخل زوجج البيت ومايعطيج ويه
ابكي
وابكي
وابكي
لين ينكسر خاطره
ولما يسئلج اشفيج
قولي له : شسوي بعمري
اتعدل واتمكيج حق حبيبي وعمري وحياتي ( ومن هالكلام ) وهو مايعطيني ويه وكلشي اسويه ينقد عليه ويدقرني
وقعدوا وتفاهموا ( ولاتنسين البجي والدموع ) وبتشوفين اشلون بيقولج شنو مشكلته وبيتغير

انا ريال واعرف اشلون بسرعه ينقص علينا
الله يوفقج ولاتنسين تعاهدين الله ثم تعاهدين زوجج انج بأتعدلين
والسلام ختام

أختي الكريمة..

أحب أن أشير إلى أنّ هذه هي حالة أغلب نسائنا تهمل نفسها وزوجها سنوات ثمّ تقول أنا في مصيبة أو مأزق... حلّو مشكلتي..

أيها الغالية احرصي على تذكر لحظات مرت بينكما أفضل من تعزيز لحظات اليأس التي تعيشنها وتأكيدها...
أختي أسأل الله أن لا يحرمك أجر طاعة الزوج وأن لا يحرمةه أجر البر والإحسان بك..

والله الموفق

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

زوجك واضح جدا انه يخاف يمدحك ويحسسك بالامان وترجعين على وضعك السابق وبعدين الموضوع مو ميك اب ولبس لازم بعدين تدلعينه وتهتمين فيه مثل قبل والله يوفقك ويسخر لك قلب زوجك

شكررررررررررررا لكم اخواني واخواتي وخصوصا اختي المجرده والله كلام كل شخص فيكم كان دليل على اهتمامكم بالموضوع والمصداقيه في جوابكم ...............اسئل الله العظيم ان يجزيكم خير الجزاء وينولكم الي بخاطركم ويرزقكم بحياه زوجيه هائنه

ردود كل شخص فيكم احلى من الاخرى وفي تنوع كبير في الاجابه افادني جدا


يعطيكم الف عافيه

__________________
اللهم لك الحمد كما ينبغي لجلال وجهك وعظيم سلطانك