موضوع طبعا ولا أروع من وجهة نظر المرأة ..
ولكن هل ينطبق سيناريو القصة على جميع النساء؟؟؟؟؟؟؟
خليني أنقح السيناريو وأضيف عليه الحقيقة والتي بالطبع لا تنطبق على جميع النساء إنما على الأغلبية ..
موضوعنا عن الزوجات الله يستر الزوجه بطبيعتها حساسه زيادة عن اللزوم و تزعل بسرعه على أتفه الأسباب (طبعا تعشق النكد) وما ترضى بسرعه لازم تتدلع بزيادة وقبل ماتفكر ترضى يكون ضغط الزوج ارتفع وصرف نظر عن مراضاتها.
الكلمه الحلوه من الزوج 00 انت مثل أيها الزوج (ياسي السيد .. ياقاسي والله مالك حق) وصلت من العمل ودخلت البيت (الدنيا برى حر والشوارع زحمة وطبعا أمس الليل مانمت بدري لأنه كان عندك حصة نكد) وزوجتك المسكينة من وقت ماخرجت لعملك الصباح وحتى وقت رجوعك من العمل وهي لازالت تغط في سبات عميق على السرير (ياحليلها ..)
ويوم دخلت ياأيها الزوج وهي تستقبلك بكلام يشرح الصدر "ما جبت غداء معاك؟؟
" اعطها على طول وقول لها انتي اليوم مثل الورده المفتحه واعطها قبله على خدها (ياحظك مين قدك ياسي السيد .. :14: ) وانصرف عنها ورح أشتري غداء ولا أكيد بتموتون جوع إنت وهي ... تعرف وش عملت لها ورحت ؟ أعطيتها احلا واجمل مسيقه تدق في اوتار قلبها الحان السعاده والفرح (ياحليلك
) هي تنطرب وإنت تنكرب (عادي ضحي ما فيها شيء ..).
وانت لاتدري 00 انا اقول انت اذا فعلت هذا الامر انت زوج ذكي (أكيد أنك زكي ولا تحمل حصة نكد ثانية ..
) وعندك احساس جميل (ايه أهم شيء الإحساس .. كثر منه ياسي السيد
)
مثلا 00 عزمت ضيوف على العشا ءاوالغداء وتعرف الزوجه اذا عزمت احد دخلت المطبخ وامضت فيه 5 ، 6 ساعات (يالطيف خمس/ست ساعات عشان تحط العشاء الجاهز من المطعم .. لا والله مالك حق ياسي السيد
)
لكن بعد الغداء او العشاء اشر لها من بعيد بيدك بااصبع الابهام وقل لها انتي كذا يعني تمام تسألك وش الموضوع قل والله تجهيز السفرة في 6 ساعات (مع أنه الأكل من مطعم ..
) كان يوحي بأنه مافي منك في هالكون الوسيع / تعرف هذه الكلمه البسيطه مسحت اولا تعب تلك الساعات الطويله في المطبخ وكذالك اعطيتها الثقه في المطعم وتحمل تعيدها وتعزم ضيوف مرة ثانية لأنها مرة مرة تعبت في تجهيز السفرة! وهذا يعتبر شكر منك على مجهودها وكما اسلفنا المرأه حساسه تحب الكلمه الحلوه وخاصه من زوجها القاسي (الله يهديه إن شاء الله).
اسمع الي احد الاصدقا ء ماذا فعل دخل البيت وهو جاى من العمل ورائحة الطعام تفوح داخل المطبخ قال الله رائحة الاكل
حلوه هات بوسه (طبعا إنت يالزوج تستهبل لا فيه أكل ولا يحزنون) .. يوم ترد عليك الزوجة وتقول "أول مرة تجيب أكل معاك، غريبة؟" (ايه مسكينة ما تنكر العشير ولا شيء! إنت مالك حق طبعا إنت مارديت عليها لأنك ذكرتها إنها ماطبخت ..) ويوم تروح المطبخ المسكينه (على بالها أكياس الأكل في المطبخ) تلقى المطبخ فاضي (سبحان الله) .. ياعيني جهز نفسك ياعم راح تسمع موال ولا أحلى .. تجيك حرمك المصون البوز طبعا شبرين (إحترس .. ممنوع الإقتراب قابل للاشتعال) .... عاد إنت يالزوج ملقوف ليش تقولها "خير .. ليش زعلانه؟" ... تقول الزوجة "تستهبل رائحة الأكل حلوة هاتي بوسة؟ يالله خرجنا نتغدى برى؟ :14: "
قلت لصديقي "بصراحه انت ....... ماتفهم 00 ولوانه زعل علي قلت ياليتك مادخلت البيت يااخي لاتمزح معها كذا هذا مزح مرة بايخ كان المفروض تشتري الأكل وتدخل تجهز السفرة وبعدين تبوسها أو أنك تطلعون تتغدوا برى ما راح تفرق كله أكل مطعم ولو بعد ماتتغدون برى ياحبذا تروحون تشترون هديه بسيطه!
اليوم الثاني قابلني يضحك مستانس قال "طلعنا تغدينا ورحنا السوق طلع المحل اللي نبيه عشان تنقي هديتها مقفل وفسرتها بأني عارف أنه المحل كان مقفل عشان كذا قلت نروح نشتري هدية منه بالتحديد (والله خبيث ياسي السيد
) وطبعا رجعت زعلانة يعني تيتي تيتي مثل مارحتي مثل ماجيتي"
اخوانى ولله الزوجه بسيطه هينه بس بحاجه لكلمه حلوه (أكيد والزوج مخلوق من كوكب اخر صعب المراس ولا يحتاج لشيء غير إنه يعطي
)
مثال 00 خرجتو سوى اي مشوار وهي جالسه جنبك (البوز شبرين) خذ يدها وحطها في جيبك ولا تشد على جيبك لبعض الوقت انت ستشعر بعدة امور منها الجنسيه (ايه هين) 00 والمتعه في ملامسة الحبيب حبيبه 00 وسعادة دا خليه يعجز وصفها 00 وهي كذالك نفس الشعور راح تفكر متى راح يفتح المحل اللي كان مقفل قبل كم يوم عشان تصرف مافي الجيب وتشوف اللي مخبيه الغيب.
وكما تقول كلمات تلك الاغنيه الجميله 00 وبدون ان اشعر تركت له جيبي حتى أعيش بسلام 00
اجمل مافي الزوج الاخلاق والرومنسيه (أما الزوجة عادي تكون أخلاقها أي شيء والزوج الرومانسي يستحمل) هذا تحبه الزوجات كثير انا اعرف الحريم زين يؤيؤيؤ لاتسمع المدام 000
مثال اخر امضيت مع زوجتك ليله حلوه بكل معنى يعني كل شي على أصوله (طبعا نكدت عليك عشرطعشر ألف مرة في الأسبوع) وكانت مشاعر متبادله بينكم في الجنس وغيره 000 اخبرها وانتم جالسين في اليوم التالي قل لها البارحه كنتي بارعه نفسي في كيلو نكد الأسبوع القادم كانت ليله حلوه متعه وسعاده عشتها البارحه وشعرت أني أكيد أسعد إنسان في العالم 00 ردت الفعل عندها سوف تكون جميله بدون ماتشعر فيها انت (لأنك زوج ورجل ماعندك ذرة إحساس) لكن الليله التى بعدها سوف تجد مايسرك منها (اللللللللللللللللللللللللله هو اللي ناقص :14: )
وفي الختام اخيرا اقول كثير من الازواج اليوم يحب زوجته لكن لايقول لها احبك وهذا غيض من فيض لأنه عنده مليون ألف شغلة في رأسه وهي كل همها وين راح تخرج بكره وأيش راح تلبس بعده ووووووووووو
الحقيقه انني اطلت عليكم اعذروني الموضوع له اهميه في حياتنا الزوجيه ولكن كونوا لنا جواري نكون لكم عبيد وأستبيح العذر من كاتب السيناريو الأصلي وأرجو أن يتقبل تنقيحي المتواضع ويأخذ الرأي الاخر بصدر رحب ومن غير زعل. فلكل عملة وجهين وحبيت أوضح الوجه الاخر فقط لاغير مع فائق إحترامي وتقديري
26-11-2005, 10:56 AM
لا اله الا الله محمد رسول الله 
ضوابط المشاركة
العرض المتطور