اختي الفاضل من الملاحظ أنك زوديتها بالمرة بعدين وش دخل ابوك في الموضوع أذا كان أنك ساعتي زوجك برضاك تراى هذا يجرح الزوج وربما يكتم ذلك في نفسه لكن سوف يظهر أثره في المستقبل لذا احسمي الموضوع بعد الاستخارة والدعاء اخر الليل والله غفور رحيم

ماني فاهمه كيف زودتها؟كيف جرحته....وللمعلوميه زوجي رفض المساعده في الاول ولا غصبت عليه...وهو بعدين اللي وافق على المساعده....ممكن توضح وجهة نظرك اكثر؟؟؟؟؟

__________________
[/IMG]

أنا مع الأخت حنونة

بخصوص كتابة زوجك شيك لا يقبل الدفع الا بعد المدة الذى وعدها أن يقضى دينه فيها

ولا تضغطى عليه أكثر من ذلك لأن الضغط يولد الانفجار

وهو مخطئ ونادم وأحضر أهله للاعتذار

ولكله تم قبوله

وفقك الله لما فيه الخير

والسلام عليكم ورحمة الله وبركاته ،،،

__________________
بيبو 2004

موضوعك غير واضح نوعا ما ..

هل طلقك زوجك الطلقه الثانيه حتى يدفع لـك من جديد 50 الف ؟
على حسب كلامك أخذ منك زوجك ما قيمته 12 الف بالاضافه الى قيمة غير محدده من الذهب ..
تستطيعين التفاهم معه بصوره وديه على ارجاع المبلغ اليك على اقساط شهرية ميسرة ..
ومادام زوجك قد قدم اعتذاره وتعهد بعد تكرار خطأه فليس لوالدك حق شرعي في عدم إرجاعك اليه ..
اما حكاية الشيكات فهي حكاية غريبه صراحه لأن أساس الحياة الزوجية مبني على الثقة والمشاركة لأن المصحلة واحدة .. اما اذا تحولت الساحه الزوجية لحرب مصالح سينهار البيت الزوجي عند أي تضارب مصالح مستقبلي فيه ..

لا زوجي ما طلقني الثانيه......اساسا حرم يلعب بشي اسمه طلاق...وحذف هالكلمه من قاموسه خلاص....الذهب انا تنازلت عنه بل طلبت من ابوي انه يتغاضى عنه لان زوجي سواء طلقني(بعيد الشر) او بقينا وعدني انه يرجع قيمته..وانا مجربه زوجي اذا وعد صدق..علشان كذا كنت ازعل لما يجيب طاري التسديد...لاني صرت احس اني كاني انسانه غريبه عنه ولاكان فيه اي شي مشترك بيننا....كنت ابغى الذهب يذوب بيننا....ويصير يرجعه لي كعيديات او ملابس او هدايا ايا كانت الهدايا.....وكمان انا ما تهمني الماديات قد ما ان اللي يهمني هو ابتسامة رضا منه واني افهم هو ايش يبغى....فلما انا مالقيت ابتسامة الرضا احتسبت كل مساعداتي له عند الله....ولكن لما صرت ما افهم منه هو ايش يبغى ..وهو صار يتوهني ويلعب باعصابي.....هنا انا وقفت ....وقلت لا....يا نمشي بحياتنا مثل الاوادم او ننفصل احسن....لانه قعد يلمح بالانفصال......شلت قشي ورجعت لاهلي وناويه على انها النهائيه ولا بعدها الا طلاق....بقينا فتره ما نكلم بعض....وبعدها جا اعتذر وكل الكلام اللي كتبته مسبقا صار..واعترف انه كان مضغوووووط بشكل قوي من الدوام وكان يحط حرته فيني انا ويغلط علي وان نفسيته تعبت من هالتصرفات اللي هو كان يحس ان فيه شي يغصبه يسويها فيني ...يقول انه لما كان يسوي اي شي يضايقني كان الالم يعتصره علي ولكن في نظره كانت هي الطريقه الامثل علشان احس بتعبه؟؟؟؟؟يقول انتي نكدتي علي اول الزواج فعزمت اني انكد عليك علشان تحسين باللي كنت احسه....والله ياناس والله يا جماعة الخير ما سويت فيه ولا ربع ربع ربع ربع اللي هو سواه.....اعترف انه بالغ لان الحياه على حد قوله خربانه خربانه...فأخربها صح علشان يكون لك عذر في الطلاق.....يعني هو قام يحل ويربط من راسه ...شيب راسي والله...صار منغلق من جميع النواحي ...اكلمه اخذ وادي معاه ...ما يرد...عينه في التلفزيون او اللاب توب....واذا جا وقت النوم نام لحاله بالمجلس...وصارت الحياه بيننا لااااااااا تطاق...علشان كذا طلعت..قلت له يا تستعدل او ننفصل...فلما تقاطعنا شوي ورجعنا كلمنا بعض وحلفت له اني شاريته ولا ابغا الا هو بس ودي افهمه غير رايه واستعدل والا هو كان ناوي على الطلاق...فقام نفذ الشروط كلها ولا بقي الا شرط الخمسين اللي هو اساسا وعدني بها.....ابوي طالبه بالخمسين مع ان قيمة الذهب على المكافات تقريبا تجي 35 الف...ولكن لان ابوي سمع مني حكاية ان زوجي وعدني بمهر جديد قال والله لاربطه بلسانه...ولا ترجعين الا لما يدفع الخمسين اللي هو وعدك بها ...اذا يلزم اي توضيح ثاني انا حاضره

__________________
[/IMG]

جنان واللاعب اشكر لكم مروركم الكريم...الله يحفظكم من كل مكرووووووووووووووه

__________________
[/IMG]

__________________


[/move]

للمعلوميه انا ما اطالبه بشي .....ابوي هو اللي مصر على الفلوس...والا انا عارفه ان كل شي يذوب امام الزوجين ...حتى الذهب والالماس.....وجهة نظر الوالد انه لو رجعت وهو ما سدد اللي عليه (على حد تعبير الوالد)انه يبرد من الهمه اللي هو فيها الان وينسى وترجع حليمه لعادتها القديمه....

__________________
[/IMG]

أختي الفاضلة
اعتقد ان الشرع لا يلزم الزوج بدفع مبالغ مقابل عودة الزوجة إلى بيت زوجها ما دامت لم تطلق ، ولزوجها الحق في المطالبة بها ، وإن لم تعد فيحق له طلبها بحكم القاضي.

ولكن اعتقد أن والدك طلب هذا المطلب لما شاهده من تهاون زوجك في معاملتك وإهمالك ، وأراد أن يعطيه درسا يحسسه بقيمتك الغالية ، ويقسو في شروط العودة حتى لا يتهاون الزوج مرة أخرى ، ويحسب ألف حساب لكل معاملة يعاملك إياها .

نصيحتي لك بأن تقولين لزوجك أنه لا دخل لك فيما اشترط والدك من مبالغ ، وتسألين والدك سؤالا محددا هو: إذا عجز زوجك عن دفع المبلغ فما هو التصرف القادم؟هل هو الطلاق؟ اخبري والدك بأنك لا ترغبين الطلاق ، ولكنك توافقينه على شروطه لأنه هو الخبير والأقدر على مساعدتك ويختار لك الأفضل دائما. وبهذا يعرف والدك مشاعرك تجاه زوجك ، ويعرف بأن رأيك من رأيه ، ثم يختار ما يناسبك.

لكن ما أخشاه هو أن يفكر زوجك وأهله بشيء آخر خاصة إذا كان لا يوجد بينكم أطفال ، فقد يفكرون بالطلاق ما داموا سيدفعون مبلغا كبيرا مثل هذا ، ويزوجون ابنهم زوجة أخرى بالمبلغ نفسه ، فذكري والدك بهذا.

وصدقيني إن كان زوجك لم يفكر في هذا هو وأهله فهم أخيار وقد اشتروك غالية فذكري واالدك بهذا أيضا وقولي له ، ما داموا قد وافقوا على كل الشروط وحققوها، ووافقوا مجرد الموافقة على دفع المبلغ وسعوا إلى ذلك فهذا كافي لأن تعودين ولو لم يستطع دفع المبلغ.

__________________
https://soundcloud.com/abo-faisal-9/...5-wa0024-mp3-1

والله اني تألمت وانا أقرأ كلامك
معقوووله كل هذا يصير بين زوجين!!!!!!!!!!!!!!!
ماخبرت الزواج كذا
تتحاسبون على وصخ دنيا؟؟؟؟

__________________