انا بعد يوم دخلت قلت وش هالهم ؟؟..

ياأختي هوني على نفسك ..ترى الموضوع بسيط ....تفاهمي معا زوجك ..

خلي لغة الحوار بينكم هادئـه ..وعلى شوية مزحه ..

جسي نبضه ..فهميه وقولي لـــه والله هذي أمنيتي وودي احققها .......

وصدقيني الرجال اذا لقى من يعانده ..ترى والله مافيه أعند منـه ..


بس شيلي من بالك سالفــــــة

اقتباس:

بس هذي نقطة دعم لي

وإلا ترى بيخــلي نقطة الدعم عنـد أهــلك ..

بعدين تحملين لقب لاسمح الله ماهو بزين

لاتعاندين زوجك ..وإذا زوجك ماهو مقتنع بالسالفه ومايبي أحد يعور راسه بالسالفه ..

خلاص لفيها ..ولاتجيبين الموضوع له ..

السلام عليكم
انصحك بالاستخاره لانه من استخار ما خاب
واذا في شغلج خير فسوف تتيسر الامور ان شاء الله
والتفاهم حلو تفاهمي مع زوجك


عفوا :ان شاء الله تكتب على هذا النحو

اختي الغالية إيلاف

أصري على رأيك وأنا متأكد أنه بيوافق لانه زي ماقلتي أنتي مافاجأتيه وقلتي له أبي أتوطف من الباب للطاقه

هو عارف هذا الشيء من قبل لايدخل عليك وهذا حق من حقوقك .

وأنا عندي سؤال لك هل زوجك يحبك ؟

إذا كان الجواب نعم أنا متأكد سوف يرضخ للامر الواقع وإن أبدى رفضه لان هذه محاولات مستميته منه لكسب الوقت لاسيما وأن الوظيفه جاهزه وكل تأخير ماهو في صالحك وهو يعرف ذلك .

هذا من ناحيه !!

من ناحيه أخرى أخشى أن يكون زوجك معارض على طبيعة الوظيفه بمعنى آخر ممكن تكون الوظيفه غير مناسبه يعني فيها اختلاط أو ماشابه ذلك ( وهذا سبب الرفض ).


وإذا وفقك الله في هذه الوظيفه وداومتى ( والكلام ذا بيني وبينك ) أنتي قيمي نفسك بنفسك هل هذه الوظيفه أثرت بلفعل على حياتك الزوجيه وتسببت في إهمال زوجك وأولادك فا إذا كان ذلك كذلك لابارك الله بمال جلب الاسى والمصائب على صاحبه فزوجك وأولادك أهم من أي وظيفه .

وبعدين اختاري الوقت المناسب لفتح موضوع الوضيفه مع زوجك وحبذا لو كان هذا الوقت وانتي بكامل زينتك -----------. ( هذا والله ثم والله من واقع تجربه وشوفي النتيجه كيف ).

وفقك الله لما يحب ويرضى وأسعدك الله في الدنيا قبل الآخره وجميع المسلمين .

احمدي ربك إن زوجك موفر لك كل شي ، ولا تتبطري على النعمة. بلا وظيفة بلا هم. زوجك وعيالك أهم من الوظيفة والكشخة اللي تقولين عنها.

والاختلاط اللي تبيه راح تلقيه بدون وظيفة. الناس كلهم خير وبركة.

شكرا لكم اخواني واخواتي

انا ماقلت له ابتوظف بوظيفه بقريه بعيده ولا مكان فيه اختلاط ولا دوامين


حتى الوظيفه اللي لقيتها اخترت اقرب مكان لي فيها

وهو مو مقصر باشياء بس اشياء احتاجها وانحرج عند الغير انها ماهي عندي

هو مايقدر على كل متطلباتي انا والعيال

وان شاء الله عيالنا بيكثرون وبنحتاج فلوس اكثرررر

وانا والله مافاجأته
هو عارف من اول ماخطبني
بعدين كل فتره والثانيه ارجع اذكره

واجس النبض كل هالايام اللي راحت واحس انه مايبي الموضوع يكبر ويوصل لابوي
يبيني اهون من نفسي



وبخصوص الهم
انتم ماتحسون قد ايش انا خايفه من ردة فعله
اخاف يعصب ولا يوصل الموضوع لحد مااتوقعه


وشي بغيت اقوله لكم
هو من النوع اللي يبي دااااائما انا تحت سيطرته
مايبي يكون لي شخصيه مستقله
او يكون عندي مبلغ

هو من النوع اللي يفكر انه ممكن اجي بيوم واقوله مااحتاج منك فلوس عندي اللي يكفيني

او يخاف اني اقوله يوم مو انت اللي جبت لي الغرض هذا عشان تتحكم فيني

والله اني عممممممري ماقلت له شي
واهلي حالتهم الماديه احسن من اهله بكثييييييييير وعمري ماعايرته ابد او حسسته بانه اقل

أنا برأيي ياحبيبة دامك أنتي من النوع الاجتماعي وتحبي تخالطي المجتمع أتوقع (((أقول أتوقع))) أنه اي شي بيضايقك بعدين بتقولين عشاني مو متوظفة يعني بتصير الوظيفة شماعة تعلقين عليها حياتك ولو يطلب منك شيء أو تتمنين شي حتى لو زوجك مومقصر بتقولين لو كنت موظفة ماصار هالشيء....هذي طبيعتنا يالحريم.....
لكن شوفي حبيبتي إذا بنفسك الوظيفة ترى الشغل حلو حاولي مع زوجك ومهما كانت الظروف أحس أنه الوظيفة مهمة للمرأة في حدود المباح ..
اذكر واحدة سمعت عنها كانت موظفة وقالت مالي ومال وجع الراس وتركت وظيفتها لان زوجها موظف اصيب الزوج بمرض أقعده فأصبحت حالتهم حالة !!!
اذا النعمة بين يدينك وقادرة عليها مع رضا الزوج ...فاحرصي عليها....
الوظيفة نعمة من الله...أن كان الشخص محتاج لها فهي ستفيده ..وإن كان غنيا بغيرها ..فهي زيادة ترف له...وخدمة لمجتمعه....حلو أنك تحسين أنك فعالة في المجتمع...
هذا رأيي
والله أعلم....
وقبل كل شيء
لاتنسي رضا زوجك مقدم
والبابا كمان له نظرة
وفقك الله

__________________

وشي بعد نسيت اقوله

من ضمن انه مايبي يكون لي مبلغ


اخواتي جزاهم الله خير عطوني مبلغ صغير وقالوا لي طقطقي فيه بالاسهم مدامك قاعده ماعندك شي

ولو تبين بعد سنه رجعيها حنا مانحتاجها الحين


هو يوم عرف السالفه هذي مرررررررره زعل

شفتوا كيف يبيني تحت سيطرته هو بس

بس شوي ورضى وقال انا ماعلي منك سوي اللي تبين

والله حرام يحرمك من امنيه حياتك
انا حاسه انه من بين كلامك اش كثر اني تحتاجين للوظيفه سواء ماديا او نفسيا
والله جلست البيت تطفش
والبنت ما طلبت شي حرام بالعكس كل امرأه تتمنى يكون لها شخصيه مستقله محد يسيطر ويتحكم فيها
درستي وتعبني وشرطتي عليه انك تتوظفين مو من حقه يرفض
انصحك تصرين على الوظيفه بس كلميه باللين وقولي له اذا شفتني مقصره معاك او مع العيال انا مستعده اتنازل عن الوظيفه
وانتي حاولي توفقين بين الوظيفه وبين بيتك
كلمي زوجك وقولي ابوي توسط لي عشان الوظيفه وانا ما اقدر اخجل ابوي عند الناس وانت عارف رغبتي في الوظيفه من زمان وانت وافقت
خلنا نجرب واذا شفت مني تقصير راح اتنازل واهم شي عندي انت والعيال
الله يوفقك ويهدي زوجك

عفوا

ينقل الى عالم المتزوجين

مكانة المناسب حتى يلقى التفاعل المطلوب باذن الله

تحياتى

رقة

__________________



** اللهم اهدى لى نفسى وزوجى واولادى واهلى والمسلمين والمسلمات وفرج كربتنا واقضى حاجتنا **

اللهم أمين


نسعد بزيارتكم : فى ركن الثقــافة الزوجيــة


هل تريد ان تعرف اين تذهب مشاركاتك .. اضغط هنا

عزيزتى ايلاف

اراكى حزينة ومتضايقة ...........هونى على نفسك ما فى مشكله ابدا والحمد لله

المسئلة ان زوجك لا يوافق على عملك وهذا عزيزتى من حقة عليك

لاتاسفى على ذلك واحتسبى راضى زوجك عنك عند الله

وان شاء الله اكيد سيعوضك عن هذا العمل بكل الخير
:

العمل للمراة مهانة لها....................واسال مجرب

انا عملت لمدة عام ونصف قبل الزواج

وانا كنت متحمسة جدا لان اعمل واحتك بالمجتمع اخرج واعرف الناس

اجرب مثلما تتمنى

ولكن يالها من تجربة مريره

حقد وغيرة من زملائى فى العمل لانى عندى ضمير ولله الحمد

وهذا كان يكشف زملائى الكسالة المهملين

حاربونى بكل الطرق ليشوهوا تفوقى عليهم

لا حول ولا قوة الا بالله

تركت العمل وانا غير نادمه بعدما تركت بصمة وعلامة فى هذا الوقت البسيط

ولكن جرحونى كثيرا........ سامحهم الله

صدقينى عزيزتى العمل مهانة للمراة......... تركت العمل ولا افكر ان ارجع لة مرة اخرى

:

ان كنتى تحبى الحياة الاجتماعية فلاباس بذلك

عندك الكثير والكثير من النشاطات الاجتماعية الفعالة والمفيدة

ممكن ان تتنضمى الى دورة لتحفيظ القران الكريم

او دورة لتعليم لغة جديدة .... وهكذا مثلما اقترح عليك الاخ الفاضل النمر

استفيدى من نصائحة وكلامة فهو عين العقل بارك الله له

انا مع الغالية بسمة رضا فى كل ما قالتة

ولا كلام بعد كلامها

بارك الله لها وجزاها خير الجزاء

اتمنى عزيزتى ان تراجعى نفسك........ بيتك اولى بك وزوجك

أسال الله العلى القدير ان يريح لك بالك ويهديك الى الطريق الصحيح

تحياتى

رقة

__________________



** اللهم اهدى لى نفسى وزوجى واولادى واهلى والمسلمين والمسلمات وفرج كربتنا واقضى حاجتنا **

اللهم أمين


نسعد بزيارتكم : فى ركن الثقــافة الزوجيــة


هل تريد ان تعرف اين تذهب مشاركاتك .. اضغط هنا