اخوي انا صالح..
معليش رجعت للموضوع..واللي خلاني ارجع ردك الاخير
فعلا انا لاحظت مؤخرا كثرت الاعمال الارهابيه والتفجيرات
فيها..بعدين مايخفى عليك كرههم الشديد للعرب..
يعني لو كنت بتروح لحالك لعمل وبترجع قلنا توكل على الله
لكن مع عائله حريم وبنات والله بتبلش بعمرك عند ادنى خوف..
الله يحفظكم من كل مكروه لكن ودك الانسان مايلقي بنفسه
للتهلكه..اقلها ماودي تشوفون تصرفات تنغص عليكم الروحه..
الا في حاله وحده بس تنتفي المخاطره انك تكون عارف عوايل
راحت هناك وتاخذ من خبرتهم..
الله يوفقك.

والله البلدتين حلوين

اذا رحت ماليزيا العام الماضي

روح تركيا هالسنه علشان تنوع

شكرا واحة الاحزان على النصيحه الغاليه وسبحان الله نفس تفكيرى بالضبط وانا كنت خايف من هذا الشى
وانا ابى اروح مكان ارتاح فيه ولا احس بالخوف او الذل.

أني زايرة تركيا مرتين وهي ما شاء الله قطعه من الجنه

بصراحة سافرت تركيا العام الماضي ، وهي بصراحة جنة وطبيعة حلوة ، وفيها أماكن ومنتزهات للأطفال ، وبإمكانك تروح جزر الأميرات بصراحة فضيعة بس لازم تكون متحمل في أغراضك ، يعني العام يوم سافرت مع زوجي وبنتي وكان عمرها عشرة أشهر سرقوا كاميراتنا وإحنا في السوق بس الحمدلله أنها يات في الكاميرا مب في البنت .. يعني البلدة جنان وآنه بصراحة قعدت فيها أسبوع بس روعة بكل معنى الكلمة .
وعن موضوع أنهم ما يحبون العرب ، بصراحة مب كلهم ، ناس وناس ، في ناس يرحبون فيك أحسن ترحيب ، وناس تشوفهم ما يحبون العرب خير شر ، لدرجة أنهم ما يبيعونك شي إذا دخلت محلاتهم .
بس مثل ما قالوا لك الأخوان العام رحت ماليزيا .. السنة روح تركيا عشان ما تحس بالملل من نفس المكان

والله يوفقك

أنا انصحك بتركيا لاني زرتها الصيف الماضي ونبسطنا مررررررررررررررررررررررررررره ونفسي كمان الإجازا هذي نقضيها في تركيا وإذا تبغى معلومات عنها أنا حاضره