موضوع حلو مثلك ياقمر

الله يكون في عوننا يالبنات

والله يرزق كل اخواتي بالزوج الصالح

انا عن نفسي
كرهت التليفزيون والنت حتى احيانا اكره الطلعات مو من كثرها بس ما ادري ليش

كل يومين شاريه لي كتاب واخلصه والله في يوم او اقل بعد



صرت كل يوم امسك الجوال واتصل على مجموعه من صديقاتي اللي من زمان عنهم منها وصل ونتطمن عليهم او اني اعزم بنات عمي واخترع مناسبات علشان يجون وننبسط مع بعض والله صرت يوم انام في بيت اخوي ويوم عند عمتي تغيير ومره هم ينامون عندنا وعلى هالحال

واقترح اللي عندها هوايه تحاول تنميها مثلا انا اختي تسوي اساور تجنن وبعد كم يوم زهقت وبطلت بس شريت لها الادوات وخليتها تسوي لي الوان كثيرة والله اذا لبستها كثير يسالوني من وين شريتها واقول اختي تسويها ويطلبون منها وهي انبسطت كثير
وفيه اشياء بسيطة ممكن الوحده تسويها علشان تضيع وقتها بشي يفيدها


بس الحمدلله زواجي الصيف الجاي والحين حايسه في التجهيز والله ان نفسيتي زفت وكرهت الاسواق تعقدت ادعو لي بالتوفيق

__________________

__________________
تركع لك كل النساء حباً و كرامة ، و أظل أنا بينهن الوحيدة تخشاني و لا أحبك!!

خلك إيجابي!

السلام عليكم ورحمة الله وبركاته
أشكرك أختي على الموضوع
وأنا مثلكم متخرجة من الجامعة وجالسة في البيت والحمد لله مرتاحه ماشغلنا غير التفكير في الزواج والله المستعان
لكن عند جدولي اليومي أقوم أحياناً قبل الفجر بنصف ساعة وأصلي ماكتب لي ربي ثم أصلي الفجر وأجلس في مصلاي حتى تطلع الشمس لأن هذا الوقت فيه تقسيم الأرازاق وهو وقت مبارك ليش ننام فيه ثم أصلي وأذهب أنام إلى قريب الظهر ثم بعد الغذاء أخذ مصحفي وأراجع حفظي أو أستمع لشريط نافع ثم بعد العصر أذهب لحلقات التحفيظ وأحس فيها الراحة والوناسة ماأتي إلى قريب المغرب أتوضأ وأجلس في مصلاي أنتظر الصلاة حتى الملائكة تستغفر لي ثم بعد الصلاة نتجمع مع أخواتي وبناتهم ونجلس إلى العشاء ثم أصلي العشاء وأقوم ببعض الأشغال ثم أتي إلى النت وأشاهده لمدة ساعتين ثم أذهب لقراءة الورد وأصلي قبل مانام ثم أنام وهذا ديدني
ورب يسر ويستر علينا
ماكتب ذالك الإ لطلبكم

حبيبة الفهد.. حلو موضوعك

أجي من دوامي الظهر أصلي.. أتصفح النت ربع ساعة.. أناااااااام للعصر

أصحى أتغدى.. أسولف مع امي .. واجلس عالنت وامي تهاوشني اوريك اذا ماشلت الجهاز وحطيته في الصالة انا مدري وش اللي يخليك ناشبة فيه كذا خخخخخخ << كل يوم اسمع الكلام هذا

المغرب اتقهو مع اهلي <<< المغرب يجتمعون العائلة كلهااااااا حتى المتزوجين يشرفونا

أحضر لبكرة.. أصحح أوراق اختبار.. أجلس عند التلفزيون

أحب قناة سمارت وي تجنن احب اتابع الدكتور الفقي..

وارجع النت مرة ثانية

بس هالفترة فاااااااااضية مررة مافيه تحضير ولاشي

وقتنا الآن اختبارات نهائية.. بس تصحيح وموادي راح تنزل من بكرة

ماراح ارجع البيت الا العصر

اتمنى اني نواااااااااااامة.. بس للأسف ماني راعية نوم

تصدقون كل يوم مانام الا من 2 وفوق اروح لدوامي و دايم يقولون لي اشبعي نوم ارحمي نفسك

بس شسوي انا كفايتي 6 ساعات لأني انام العصر خلاص اضطر اسهر



بصراحة نفسي أدخل أي دورة.. كنت من سنة ادرس انجليزي كنت جدا سعيدة سعيدة

بس وقفت.. ونفسي ارجع مرة ثانية والله احب الانجليزي بس للأسف ماني شاطرة فيه


هواياتي... بصراحة ماعندي

مسيطرة علي أحلام اليقظة

رسم اكرهه.. واذا بغيت اكتب واعبر اللي بداخلي.. ماكتب الا همومي واذا كتبت قعدت أبكي ونكدت على نفسي

وبطلت.. آخر مة كتبت فيها كنت مخطوبة لمدة 3 شهوووووووور وكنت اكتب كل لحظة اعيشها وكنت وقتها بقمة السعادة

الله يكفينا شر الدنيا بس..

وبصراحة كل ماحاولت اشجع نفسي على شي معين احس مافيه دافع...

وشغل البيت صراحة ماأشتغل ابدا

بس اذا جت اجازة او خميس وجمعة اسوي حلوياااااات

__________________
اللهم لك الحمد والشكر
"ولئن شكرتم لأزيدنكم"

اهلا اعزائي الكرام..............
عن نفسي واااااااااااااااايد حبيت الموضوع ......... وحبيت اقول للاخوات ان الزواج او تربية الاطفال لا يقضي على وقت الفراغ................
فعني انا متزوجة بس زوجي يشتغل في منطقة ثانية وعندي بنت اربيها بس مع ذلك احس بالملل والفراغ ......يعني جدولي كالتاي
-نوم ازور اهلي -اروح للنادي اسوي رياضة -اقرا-افتح النت واتصفح المواقع

بالنسبة لي الحين لاهية مع الامتحانات ..


وخايفه اخلص !


مع ان حاطة جدول وشغل عدل بس مادري



على فكره تراني متأخرة بالدراسه مو عبالكم صغيره

كتبت لك برنامج اليومي ... ومسحته ... لأني ما قدرت أكمل ..

لكن أقول باختصار ..


*********

لولا الله ثم ( وظيفتي ) ...

لجننت ..!!!

الفراغ كبير وقاتل مهما شغلناه ... أستغفر الله العظيم

لكن نصيحتي حاولي تتعلمي شياء كثيرة تجهليها

بداية :

قراءة القرآن قراءة صحيحه

تعليم اشياء مفيده في الكمبيوتر ( تصميم - فلاش - برمجيات - تصميم مواقع............ الخ )

لأن الحاسب بحر لا ساحل له ...

تعلم لغة اخرى ...

إذا شغلتي نفسك بتعلم شيئ مفيد ... راح يضيع عليك الوقت

لكن برضو ...

ما راح ننسى .. حتى مع زحممممممة العمل

لأن الناس ما تنسى
.
.
.
.
.

__________________

السلام عليكم
صحيح ما ني من شلة الآنسات بس والله الموضوع شدني وحبيت أدلي بدلوي (حلوة )
أخواتي إن الفراغ القاتل الذي تعانين منه هو منحة وليست محنة !! أكيد بتقولون وش عليها متزوجة وأكيد عندها عيال ومبسوطة وجاية تتفلسف ؟؟ صح .. كم وحده قالت كذا !!
الله يسامحكم لكن بدل النوم والجلسة اشتغلي واشغلي وقت فراغك استغلي عدم كونك مسؤولة عن زوج وأطفال ، كيف؟أنا أقولك شوفي مثلاً قمر الحجاز ما شاء الله عليها يعجبني تنظيم وقتها
إذن (الحل نظمي وقتك ) ادخلي العصر أو الصباح دورات قرآن أو علم شرعي والله فرصة .. صدقيني ما ندمت على شئ ندمي على أيام ذهبت لم أعرف فيها التحفيظ
خذي دورات انجليزي أو حاسب أو تجميل
في اجتماعات العائلة كوني شعلة الإجتماع نظمي المسابقات والتنافس في الخير نظمي كلمات في العلاقات والتعامل وحتى التربية قرأتيها واعجبتك وحبيتي الفائدة تعم .
اقرئي كتب ( بس مفيدة ) لامانع من كتب التعامل مع الزوج وتربية الأبناء يعني ما فيها شي تكونين مثقفة وملمة
وقبل لا أنسى ساعدي ست الحبايب في البيت حتى تنالين رضى الله
لا يكون النت شغلك على الشات بل كوني مفيدة والمطر أينما حللت حل الخير كوني إيجابية حتى شغل البيت تراها دورات تدريبية مجانية ..!

صدقوني يمكن تأخير الزواج لك نعمة بس أنت ماتدرين !
اللهم يا رب ياسميع يا قريب يا مجيب زوج الآنسات في جميع المنتديات وبنات أختي يارب العالمين بأزواج صالحين آمين

اشكر تواصلكم معي

لي عودة


......